Because it’s the..3 [It’s me] 289

” ഇല്ലാ കണ്ടിട്ടില്ല,, നീയോ നമ്മുടെ ക്ലാസിൽ ഉള്ളോരോ ആരും കണ്ടിട്ടില്ല,,, അപ്പോ ഇവൻ ചെയ്തുന്നെങ്ങനെ ഉറപ്പിച്ചു പറയാനാവും,,, നമ്മൾ അറിയാത്ത കാര്യത്തിനോ കാണാത്ത കാര്യത്തിനോ ആരെയും കുറ്റപെടുത്തെ വിഷമിപ്പിക്കേ ചെയ്യരുത്,,, ചിലപ്പോ അതൊക്കെ നൊണയണേൽ,, നമ്മള് പറഞ്ഞതും ചെയ്തതും തിരിച്ചെടുക്കാനാവില്ല ” അവൻ അവളോട് കടുപ്പത്തിൽ തന്നേ പറഞ്ഞു,,,

” അവന്റെ ചേച്ചി തന്നേ പറഞ്ഞതല്ലേ നോകീന്ന് അതിലും വലിയ തെളിവെന്താണ് വേണ്ടേ,,, “അവളും വിട്ട് കൊടുത്തില്ല,,

” ഇവൻ ചെയ്തില്ലന്ന് എനിക്കുറപ്പാ നിനക്ക് വിശ്വാസം ഇല്ലേൽ അവന്റെ ചേച്ചിയോട് തന്നേ പോയി ചോദിക്ക്,, പിന്നേ അവസാനമായി ഒരു കാര്യം കൂടേ ഇനിയീ പേരും പറഞ്ഞു ഇവന്റെ പിന്നാലെ നടന്നാൽ എന്റെ വായിലുള്ളത് മുഴുവൻ കേക്കും പറഞ്ഞേക്കാം ” അവരോട് ഉറച്ച വാക്കോടെ പറഞ്ഞു,,, അത് കേട്ടിട്ട് പേടിച്ചിട്ടേന്തോ പിന്നേയൊന്നുമിവർ പറഞ്ഞില്ല,,,

” അഭീ വാ,, ഇനി മുതൽ നമുക്ക് ബാക്കിരിക്കാം,, നിന്നെയാരും ഇനി കളിയാകില്ല ഞാനുണ്ട് കൂടേ,, ” അവൻ എന്നേം വിളിച്ചു കൊണ്ട് ബാക്കിൽ സീറ്റിൽ പോയിരുന്നു,,,

അന്ന് മുതൽ കൂട്ടായതാണ് ഞാനും ഹുസൈൻ തമ്മിൽ,,, പിന്നീട് അവനെന്റെ ബെസ്റ്റ് ഫ്രണ്ടുമായി,,

അവന്റെ വാക്കുകളും പ്രവർത്തിയും എന്നിലെ പൊള്ളുന്ന നോവിനെ ശമിപ്പിക്കാൻ കുറച്ചെങ്കിലും സാധിച്ചു,,, അത്രയും പേരുടെ ഒറ്റപെടുത്തലിൽ താങ്ങായി കൂടെ ഒരാളെങ്കിലും ഉണ്ടെന്നുള്ളത് വലിയ കാര്യമായിരുന്നു എനിക്ക്,,,

ക്ലാസിലെ മറ്റു കുട്ടികളും എന്നേ ചൊറിയാൻ വന്നപ്പോൾ ഹുസൈൻ തന്നെയാണ് അതിനെയൊക്കെ എനിക്ക് വേണ്ടി സംസാരിച്ചത്,,, അതോടെ ക്ലാസിലേ കുറേ പിള്ളേരൊക്കെ അടങ്ങി എന്നേ കളിയാക്കാൻ നിക്കാതെ മാറി നിന്നു,,, എന്നാലും അതിൽ ചിലർ നോട്ടം കൊണ്ടും രഹസ്യം പറഞ്ഞുമൊക്കെ എന്നേ വേദനിപ്പിക്കാൻ ശ്രെമിച്ചു,,, അപ്പോയൊക്കെ ഹുസൈൻ എന്റെ തോളിലൂടെ കയ്യിട്ട് പോട്ടെടായെന്ന് പറയാതെ പറഞ്ഞു,,,

ഹുസൈന്റെ കൂടെ ലാസ്റ്റ് ബെഞ്ചിൽ ആരിഫും, അഖിലുമാണ് ഉണ്ടായിരുന്നത്,,, അവരും എനിക്ക് സപ്പോർട്ടായി തന്നേ കൂടെ നിന്നു,,,