Because it’s the..3 [It’s me] 288

അമ്മ റൂമിലേക്ക് വന്നെന്നേ നോക്കുമ്പോ എനിക്കാകെ ഫീവർ വന്നിട്ടുണ്ടായിരുന്നു,,, അമ്മയാകെ പേടിച്ചു എന്നേ നേരേയിരുത്തി പരിശോതിക്കാൻ തുടങ്ങിയപ്പോ തലക്കൊരു പേരിപ്പനുഭവ പെട്ട് ഞാൻ മയക്കത്തിലേക്ക് പോയി,,,

 

രണ്ടു ദിവസത്തോളം ഞാൻ ഹോസ്പിറ്റലിൽ കിടന്നു കാണും,, ഇടക്ക് ഉറക്കമുണരുമെങ്കിലും എനിക്കൊന്നും ശ്രദ്ധിക്കാൻ പട്ടിരുന്നില്ല,,,

 

______

 

എനിക്ക് നന്നായി മാറിയപ്പോൾ വീണ്ടും വീട്ടിലേക്കു കൊണ്ട് വന്നു,,, അഞ്ചു ദിവസം ഹോസ്പിറ്റലിൽ കിടന്നു,,,

 

ഈ ദിവസങ്ങൾക്കിടയിൽ വാമിയേ പലപ്പോഴും കണ്ടെങ്കിലും നോകിയതല്ലാതെ ഒന്നും സംസാരിക്കാൻ ഞാനോ അവളോ നിന്നില്ല,, എന്റെ കയ്യിൽ നിന്നെപ്പോളും നിർവികാരമായ നോട്ടം മാത്രമേ കിട്ടി കാണു,,,

 

അച്ഛനും എന്റെ അടുക്കൽ വന്ന് സംസാരിച്ചെങ്കിലും ഒരു വാക്കോ ഒരക്ഷരമോ ഞാൻ അച്ഛൻ തിരിച്ചു നൽകിയില്ല എന്തിന് ഒരു ചിരി പോലും,,,

 

അങ്ങനെ വീട്ടിലേക്ക് കൊണ്ട് വന്ന ദിവസമാണ് ശേഖറങ്കിൾ വന്നത്,,,

നേരേ മൂപ്പര് എന്റെ അടുക്കലേകാണ് വന്നത്,,,

 

ഇവിടെ നടന്നതെല്ലാം മൂപ്പര് അറിഞ്ഞു കാണും,,, അവരെല്ലാം പറഞ്ഞത് കേട്ടെന്നെ സംശയിച്ചു കാണും,,, ഇനി അങ്കിളും കൂടെ എന്നേ തല്ലാനായി ഉള്ളൂ,,, ഞാൻ അങ്ങേരെ നോക്കാൻ പോയില്ല അങ്കിളും എന്നേ ഒറ്റപെടുത്തുമെന്ന് കരുതി ഞാൻ കണ്ണ് നിറച്ചിരുന്നു,,,

 

” അഭിയേ മോനേ നീ എന്താടാ എന്നേ നോക്കാത്തേ,,, ഞാൻ നീ അങ്ങനെ ചെയ്തുവെന്ന് വിശ്വസിച്ചു കാണുമെന്നു വിചാരിച്ചോ,,, എനിക്ക് നിന്നേ അറിയാമെടാ നീ അതൊരിക്കലും ചെയ്യില്ലെന്ന് ഉറപ്പാ,, അവൾക് തെറ്റ് പറ്റിയതാകും ” എന്റെ അരികിലിരുന്ന് തോളിലൂടെ കയ്യിട്ട് എന്നേ ചേർത്ത് പിടിച്ചു കൊണ്ട് പറഞ്ഞു,,,

 

” അ,, അങ്കിളേ,,, ഞ ഞ ഞാൻ,,, ഞാനങ്ങനെ നോകീട്ടില്ല,,, സ സത്യായിട്ടും,, നോ നോക്കീട്ടില്ല,, വാ വാ,,,, ” ഞാനൊരു പൊട്ടി കരച്ചിലിലൂടെ ഓരോന്ന് നുള്ളി പെറുക്കി പറയാൻ തുടങ്ങി,,, വാക്കുകളൊന്നും കിട്ടുന്നില്ല എല്ലാം തൊണ്ടയിൽ കുടുങ്ങിയത് പോലെ നിക്കാണ്,,,

 

” പോട്ടെടാഭീ നീ ഇങ്ങനെ കരയല്ലേ,,, അത് കഴിഞ്ഞില്ലേ,,, നീ ഒന്നും ചെയ്തീലാന്ന് എനിക്കറിയാം പിന്നേന്തിനാ കരയണേ,, “”

എന്നേ സമാധാനിപ്പിച്ചുകൊണ്ട് അങ്കിൾ പറഞ്ഞു,,,

 

” വാ വാമി ന്നേ തെറ്റി,, ധരിച്ചതാ പക്ഷേ ച്ഛൻ ച്ഛൻ ന്നോട് ഒന്ന്,,, ചേ യിക്ക,,, കൂടിയില്ലാതെ കെട്ടി കെട്ടിയിട്ട്,,,,തല്ലി,, ”

 

” പോട്ടെടാ സാരല്യ അതൊക്കെ കഴിഞ്ഞില്ലേ,,, ഇനിയത് ആലോചിച്ചു കിടക്കേണ്ട,,, ”

 

അങ്കിളിനോട് മനസിലുള്ളത് എല്ലാം പറഞ്ഞപ്പോ എന്തോ ഒന്ന് നെഞ്ചിൽ നിന്ന് ഇറക്കി വെച്ചത് പോലെ,,, ഇത്രേം ദിവസമായും ആരുമെന്നോട് അന്നത്തെ സംഭവത്തെ പറ്റി സംസാരിച്ചില്ല,,, അതൊക്കെ കൊണ്ട് എനിക്ക് പറയാനുള്ളത് മനസ്സിൽ അടക്കിവച്ചിരിക്കായിരുന്നു,,,

 

_____