Because it’s the..3 [It’s me] 288

അത്രയും ചങ്ക് പറിച്ചവളെ സ്നേഹിച്ചതായിരുന്നില്ലേ,,, അവളുടെ മുമ്പിലാദ്യമായി ഞാൻ തോറ്റു പോയി,,,

 

” കണ്ടോടാ ഇവളുടെ സ്നേഹം,,, നീ ഈ വേണ്ടാതീനം കാണിച്ചിട്ടും ആമിവന്ന് ക്ഷെമിച്ചു പറഞ്ഞത് കണ്ടോ,,, അത്രക്കും നിന്നേയവൾക് കാര്യാണ്,,, ” അച്ഛൻ പറഞ്ഞു കൊണ്ട് അവളെയും കൂട്ടി ഉള്ളിലേക്കു പോയി,,,

 

ഞാനാ തെങ്ങിൽ കെട്ടിയിട്ട നിൽപ്പെന്നേ നിന്നു എല്ലാം നഷ്ട്ടപെട്ടവനെ പോലെ,,,

കയ്യിലെ കെട്ട് ബാകീന്നാരോ അഴിച്ചതും ഞാൻ ഞാനാ തെങ്ങിൽ നിന്നും ഊർന്ന് നിലത്തേക്ക് ഇരുന്നു,,, ഈ അടിക്കിടയിൽ ഞാൻ പാന്റിൽ കാര്യം സാധിച്ചിരുന്നു,,, അത് ഞാനറിഞ്ഞിട്ട് കൂടിയില്ല,,, അമ്മയും വന്ദുവും കൂടേയെന്നേ ബാത്റൂമിൽ കൊണ്ട് പോയി ഇരുത്തി,,,

 

അമ്മ ഒപ്പം ഉള്ളിൽ കയറി വാതിലടച്ച് എന്റെ ഡ്രസ്സ്‌ ഒക്കേ ഊരിതന്ന് എന്നേ കുളിപ്പിച്ചു,,,

 

കുളി കഴിയാറായപ്പോയെക്കും വന്ദു ഇടാനുള്ള ഡ്രസ്സുമായി വന്നു അമ്മക്ക് കൊടുത്തു,,, എനിക്കാ ഡ്രസ്സും ഇട്ട് തന്നേനെ രണ്ട് പേരും കൂടി താങ്ങി പിടിച്ചു റൂമിൽ കൊണ്ട് വന്ന് ബെഡിൽ കിടത്തി തന്നു,,,

 

ഞാനമ്മയുടെ മടിയിൽ തലയും വച്ചു കിടന്ന് എപ്പോയോ ഉറക്കത്തിലേക്ക് വീണു,,,

 

” അഭീ,, അഭീ എണീക്,,, ” അമ്മയുടെ വിളിയാണ് പിന്നെയെന്നെ ഉണർത്തിയെ,,,

 

അമ്മയുടെ ഒരു കയ്യിൽ ഭക്ഷണവുമായിട്ടാണ് റൂമിലേക്ക് വന്നിരിക്കുന്നേ,,,

 

” മ്മ് എഴുന്നേറ്റിരിക്ക് എന്നിട്ടിത് കഴിക്ക്,,, ഉച്ചക്ക് കഴിച്ചതല്ലേ ഇത്രേം നേരമായി വേറൊന്നും കഴിച്ചില്ലല്ലോ,,, ” അപ്പോളാണ് മനസിലായെ ഞാൻ കുറേനേരം ഉറങ്ങിയെന്ന്,,, വിശക്കുന്നുണ്ടേലും ഒന്നും കഴിക്കാൻ തോന്നുന്നില്ല,,, ഞാനമ്മയോട് വേണ്ടാന്ന് തലയാട്ടി കാണിച്ചു,,,

 

” അത് പറഞ്ഞാ ശെരിയാവില്ല കുറച്ചെങ്കിലും കഴിക്കണം,,, വെറുതേ വിശന്നിരിക്കണ്ട,, അമ്മ വാരി തരാം,,, ” അമ്മയുടെ ആ സ്നേഹവും കൂട്ടിയുള്ള ചോർ എനിക്ക് കഴിക്കാതിരിക്കാനായില്ല,,,

 

വായിൽ എരിവും പുളിയും തട്ടിയപ്പോൾ വല്ലാത്ത പുകച്ചിലുണ്ടായി,,, വായിലുള്ളത് ഇറക്കാനോ തുപ്പാനോ പറ്റാത്തവസ്ഥയായി,,, വേദന കൊണ്ട് കണ്ണീന്ന് വെള്ളം വന്നു,,,

 

” എന്താഭീ വായിലൊക്കെ മുറിവുണ്ടോ,,, ”

അമ്മയുടെ ചോത്യത്തിന് ഞാൻ തല കൊണ്ട് ഉണ്ടെന്ന് കാട്ടി,,,