?അസുരന്റെ പെണ്ണ് ❤ [മഞ്ഞ് പെണ്ണ്] 434

എന്റെ കയ്യിൽ ബ്ലേഡും എട്ടായി ഒരു കത്തിയും എടുത്ത് അയാൾക് മുന്നിൽ ചെന്നിരുന്നു.. മറിഞ്ഞ് കിടക്കുന്ന കസേര നേരെ വെച്ച് പുച്ഛത്തോടെ അയാളെ നോക്കി ചിരിച്ചു ഞാൻ… കണ്ണുകൾ രണ്ടും പുറത്തേക്ക് ഉന്തി പേടിയോടെ നോക്കുന്ന അയാളുടെ മുഖത്ത് ബ്ലേഡ് കൊണ്ട് ഒന്ന് വരഞ്ഞതും ആർത്ത് കരഞ്ഞു അയാൾ… സംതൃപ്തിയോടെ വീണ്ടും വീണ്ടും ആഞ്ഞ് വരയുമ്പോൾ ഒരുതരം പ്രത്യേക സുഖം ആയിരുന്നുള്ളിൽ… തന്നെ നോക്കി ചിരിക്കുന്ന ആനിയുടേയും തൻ്റെ പെണ്ണിൻ്റെയും മുഖം തെളിച്ചത്തോടെ മനസ്സിൽ തെളിഞ്ഞു… ബോധം മറയാൻ പാകത്തിന് തളർന്ന് കിടക്കുന്ന അയാളുടെ ചുണ്ടുകൾ ഒരു തുള്ളി വെള്ളത്തിനായി കെഞ്ചിയപ്പോൾ അടങ്ങാത്ത പ്രതികാരത്തോടെ കയ്യിൽ ഇരുന്ന വെള്ളം തറയിൽ ഒഴിച്ചു…..

ഇത്രയും നേരം കണ്ണും നിറച്ച് താൻ ചെയ്യുന്നത് നോക്കി നിന്ന ഏട്ടായി ഉള്ളിലുള്ള വെറുപ്പ് അപ്പടി മുഖത്ത് പ്രയോഗിച്ച് കത്തിയുമായി അയാളുടെ അടുത്തേക്ക് ചെന്നു…

“ആആആആആ” ആ ബിൽഡിങ്ങിന്റെ ചുവരുകൾ താണ്ടി ആ ശബ്‌ദം മുഴങ്ങി കേട്ടു കൊണ്ടിരുന്നു… കണ്ണുകൾ ഇറുകെ അടച്ച് കണ്ണീരിനെ സ്വതന്ത്രമാക്കി അയാളെ ഒന്ന് നോക്കി കൊണ്ട് ഞാൻ എട്ടായിയെ ഒന്ന് നോക്കി ആ കണ്ണുകളിലെ രൗദ്ര ഭാവം കണ്ടതും ഞാൻ തിരികെ വീട്ടിലേക്ക് നടന്നു…

വീട്ടിൽ ചെന്ന് കട്ടിലിൽ കിടക്കുമ്പോൾ ആണ് ആവലാതിയോടെ അരികിലേക്ക് വരുന്ന അമ്മച്ചിയെ കണ്ടത്…

“മോനെ ഇങ്ങോട്ട് വന്ന വിവരം പാപ്പയോട് പറയാൻ ഞാൻ അദ്ദേഹത്തെ വിളിച്ച് നോക്കി എടുക്കുന്നില്ലെടാ കുറേ ആയി ട്രൈ ചെയ്യുന്നു… ” നിഷ്കളങ്കമായ ആ മുഖം കണ്ടതും പൊട്ടി കരഞ്ഞു പോയി ആ മകൻ ആ മടിയിൽ തല വെച്ച് ആ വോയിസ്‌ ക്ലിപ്പ് കേൾപ്പിക്കുമ്പോൾ അവൻ ആ മുഖത്തേക്ക് നോക്കിയില്ല…

ആ കരഞ്ഞ മുഖം കണ്ടാൽ ഇവിടെയും താൻ തോറ്റുപോവും എന്ന് അവൻ നിനച്ചു… മടിയിൽ നിന്നും എണീക്കാതെ നിശബ്‌ദം അവർ കരഞ്ഞു…

__________________________________❤️

“എന്തിനും ചിരിച്ച് മിണ്ടാതെ നിൽക്കുന്ന റോവിനെ മാത്രമേ നീ കണ്ടിട്ടുള്ളു… എന്നിൽ ഉറങ്ങി കിടക്കുന്ന അസുരനെ നീ കണ്ടിട്ടില്ല… അമ്മയെയും പെങ്ങളെയും തിരിച്ചറിയാത്ത നീ ഒക്കെ ഭൂമി ദേവിക്ക് വെറും ഭാരമാണ് ” ഒരാഴ്ച്ചയോളം കൊല്ലാക്കൊല ചെയ്ത് ശേഷം അയാളുടെ നെഞ്ചിൽ ചവിട്ടി കഴുത്തിൽ കത്തി കയറ്റുമ്പോൾ ഗായത്രി പറഞ്ഞത് പോലെ അവൻ അസുരൻ ആയിരുന്നു… കോപം കൊണ്ട് വിറയ്ക്കുന്ന അസുരജന്മം…

_____________________________________❤️

“അങ്ങനെ എല്ലാം കലങ്ങി തെളിഞ്ഞു ല്ലേ ഇച്ചായാ ഇപ്പൊ സ്നേഹയും ആനികൊച്ചും അമ്മച്ചിയും സ്വർഗത്തിൽ ഇരുന്ന് സന്തോഷിക്കുന്നുണ്ടാവുംലേ !!!” അവന്റെ നെഞ്ചിലെ മുടികളിൽ പിടിച്ച് കളിച്ച് കൊണ്ട് അവൾ പറഞ്ഞതും ഒന്നും മിണ്ടാതെ അവളെ കൂടുതൽ ചേർത്ത് പിടിച്ചതെ ഒള്ളു അവൻ..

ജീവിതത്തിലെ സങ്കടങ്ങൾ വഴി മാറി സന്തോഷമുള്ള ജീവിതത്തിലേക്ക് ഇരുവരും കാൽ എടുത്ത് വെക്കുകയായിരുന്നു ആ നിമിഷം കൂടെ തന്നെ സ്നേഹിക്കാൻ മാത്രം അറിയുന്ന ആൽബിയും റോസമ്മയും!!പിന്നെ അവളുടെ ഉദരത്തിൽ ഉള്ള കുഞ്ഞ് അസുരനും!!!

(അവസാനിച്ചു)

❤✍️മഞ്ഞ് പെണ്ണ്..❤

?ഒരു കഥകൂടി ഞാൻ ഇങ് എടുത്തു……?

പബ്ലിഷ്ഡ് by Ve©TO®