?അസുരന്റെ പെണ്ണ് ❤ [മഞ്ഞ് പെണ്ണ്] 434

“ഹും അല്ലെങ്കിലും അമ്മക്ക് രണ്ട് മക്കളെ കിട്ടിയാ എന്നെ ഒന്നും വേണ്ടാ ഇങ്ങ് വരട്ടെ തൈലം തേച്ച് താ കൊച്ച് വർത്തമാനം പറഞ്ഞ് ഇരിക്കാം എന്നും പറഞ്ഞ് കാണിച്ച് കൊടുക്കുന്നുണ്ട് ഞാൻ ” കെറുവിച്ച് കൊണ്ട് കഴുകി കൊണ്ടിരിക്കുന്ന പാത്രം ശക്തിയിൽ കൌണ്ടർ ടോപ്പിൽ ഇട്ട് പ്രതിഷേധം അറിയിക്കുന്ന ഗായുവിനെ അവൻ ഇടുപ്പിൽ ചേർത്ത് തന്നോട് അടുപ്പിച്ചു…

“എന്താണ്… ” പ്രത്യേക തലത്തിൽ അവൻ ചോദിച്ചതും അവളുടെ ചൊടിയിൽ ഒരു ചിരി വിടർന്നെങ്കിലും അവയെ സമർഥമായി മറച്ച് പിടിച്ച് കൊണ്ടവൾ കള്ള ദേഷ്യം കാണിച്ചു..

“വിടെന്നെ അമ്മ പറഞ്ഞ് വിട്ടത് ആയിരിക്കും… പോയി പറഞ്ഞേക്ക് ഇനി എന്നെ ഒന്നിനും കിട്ടില്ലാന്ന് രണ്ട് മക്കൾ ഉണ്ടല്ലോ എല്ലാത്തിനും… ”

“അല്ലെങ്കിലും ഈ ആൺകുട്ടികൾ ഉണ്ടായിട്ട് ഒന്നും കാര്യല്ല നിക്ക് ന്റെ ഗായു മോളെ മതി അവളെ കാണു നിങ്ങൾ ഓഫീസിൽ പോയാൽ.. നിക്ക് കൂടുതൽ ഇഷ്ട്ടം ന്റെ മോളോടാ” അവരുടെ അടുത്തേക്ക് വന്ന റോസമ്മ അവളെയും കെട്ടി പിടിച്ച് പറഞ്ഞതും ആൽബിയും റോവിനും പരസ്പരം മുഖത്തോട് നോക്കി… പിന്നെ ചിരിയോടെ അമ്മയേം മകളെയും നോക്കി…

രണ്ടുപേരെയും നോക്കി നിൽക്കുന്ന ആൽബിയുടെ കണ്ണിൽ ചെറുനീർമണികൾ കൂടി.. ആരും കാണാതെ അവൻ അവയെ തുടച്ച് മാറ്റി… ക്രൂര ചിരിയോടെ അവൻ രണ്ടാഴ്ച പിറകിലേക്ക് കാലചക്രത്തെ ഒന്ന് തിരിച്ചു…

______________________________________❤️

“ആൽബി നീ അമ്മയേം കൂട്ടി നാട്ടിലേക്ക് വാ വേഗം തന്നെ പുറപ്പെട്ടോ എത്രയും പെട്ടന്ന് ഇങ്ങോട്ട് എത്തണം നമ്മടെ ആനിക്കൊച്ചിൻറേം സ്നേഹ മോളെയും കൊന്ന ആളെ ഞാൻ കണ്ടുപിടിച്ചിട്ടുണ്ട്… ” അതും പറഞ്ഞ് എട്ടായി ഫോൺ വെച്ചതും ഒട്ടും സമയം കളയാതെ കിട്ടിയത് കയ്യിൽ എടുത്ത് അമ്മച്ചിയേയും കൂട്ടി നാട്ടിലേക്ക് തിരിച്ചു… എന്തിനാ പോവുന്നത് എന്ന് അമ്മച്ചി ചോദിച്ചെങ്കിലും ഒന്നും തന്നെ പറഞ്ഞില്ല…

കണ്ണുകളിൽ മുഴുവനും താനും ആയി കുറുമ്പ് പിടിച്ച് അവസാനം എനിക്ക് അടി വാങ്ങി തന്ന് തന്നെ നോക്കി കൊഞ്ഞനം കുത്തുന്ന തന്റെ അനിയത്തിയും തൂണിന് മറവിൽ നിന്ന് നാണത്തോടെ നോക്കുന്ന കരിമിഴി കണ്ണുള്ള എണ്ണകറുപ്പിന്റെ ചേലുള്ള തന്റെ പ്രണയം സ്വീകരിച്ച പെണ്ണും ആയിരുന്നു…

വാശിയോടെ കണ്ണുകൾ തുടക്കുമ്പോഴും അതിലേറെ വാശിയോടെ വീണ്ടും അവ പെയ്തു കൊണ്ടിരുന്നു.. വീട്ടിൽ എത്തി ഏട്ടായിക്ക് വിളിച്ചതും അമ്മയെ അവിടെ ആക്കി ഞങ്ങടെ തന്നെ പണി നടക്കുന്ന ബിൽഡിംഗിലേക്ക് വരാൻ പറഞ്ഞു…

അവിടെ എത്തി രണ്ടാമത്തേ നിലയിൽ ചെന്ന് നോക്കുമ്പോൾ കൈകാലുകൾ ബന്ധിച്ച് അവശനായി കിടക്കുന്ന പപ്പയെ കണ്ടതും ഞെട്ടി കൊണ്ട് ഞാൻ പപ്പയുടെ അടുത്തേക്ക് ചെന്നു.. കയ്യിൽ കെട്ടിയ കെട്ട് അഴിക്കുമ്പോൾ ആണ് പിറകിൽ നിന്നും പാപ്പയുടേത് എന്ന് തോന്നിക്കുന്ന വോയിസ്‌ കേട്ടത്

*…നിനക്ക് അറിയോ എണ്ണക്കറുപ്പ് ആണെങ്കിലും വെണ്ണയിൽ കൊത്തി എടുത്ത ശിൽപം പോലെ ആയിരുന്നു അവൾ… ഞാൻ ഒന്ന് നന്നായി പെരുമാറി… കുറേ എതിർത്തു അവൾ അടുത്ത് കണ്ട ഫ്ലവർ വാസ് എടുത്ത് തലയിൽ ഒന്ന് കൊടുത്തു അതോടെ ബോധം പോയി.. പിന്നെ എല്ലാം എളുപ്പം ആയിരുന്നു..*

*പിന്നെ ആനി… എനിക്ക് പെണ്ണിനെ കണ്ടാൽ ബന്ധങ്ങൾക്ക് ഒന്നും ഒരു വിലയും ഇല്ല… വീട്ടിൽ തന്നെ ആർമാദിക്കാൻ ഒരു യന്ത്രം അതായിരുന്നു അവൾ എനിക്ക്… പേടി കൊണ്ടും കുടുംബം തകരരുത് എന്ന് കരുതി അവൾ എല്ലാം മറച്ച് വെച്ചു… അവസാനം സ്വന്തം അച്ഛന്റെ കുഞ്ഞ് തന്നെ അവളുടെ വയറ്റിൽ ഉണ്ടെന്ന് അറിഞ്ഞപ്പോൾ അവൾ അങ്ങ് കർത്താവിന്റെ അടുത്തേക്ക് പോയി… പാവം ന്റെ കൊച്ച് എല്ലാവരെയും ഒത്തിരി ഇഷ്ട്ടായിരുന്നു…*

ഇടിമുഴക്കം പോലെ ആ വാക്കുകൾ ചെവിയിൽ തട്ടി പ്രതിധ്വനിച്ചതും ഞെട്ടലോടെ അവൻ ബന്ധിച്ച് ബോധം പോയി കിടക്കുന്ന പപ്പയെ ചീ വർഗീസ് എന്ന പട്ടിയെ നോക്കി… ദേഷ്യം കൊണ്ടും സങ്കടം കൊണ്ടും അപ്പോഴേക്കും കണ്ണുകൾ നിറഞ്ഞ് കവിഞ്ഞിരുന്നു… ഊക്കോടെ മൂക്ക് നോക്കി ഒരു കുത്ത് കൊടുത്തതും ഒരു അലർച്ചയോടെ കസേര അടക്കം അയാളും നിലം തൊട്ടു… വീണ്ടും അടിക്കാൻ ചെന്നതും പിറകിൽ നിന്നും എട്ടായി എന്നെ പിടിച്ച് വെച്ചു…

“വേണ്ട ആൽബി… ഇയാളെ ഇങ്ങനെ ഒന്നും അല്ല കൊല്ലേണ്ടത് വേദന എന്തെന്ന് അറിഞ്ഞ് പതിയെ പതിയെ ഇഞ്ചിഞ്ചായി കൊല്ലണം… ” പകയോടെ അയാളെ നോക്കി എട്ടായി പറഞ്ഞതും എനിക്കും അതാണ് ശെരി എന്ന് തോന്നി ഞാനും സമ്മതിച്ചു…