അസുരൻ

Asuran (The Beginning )| Author : Zodiac

 

ഞാൻ ആദ്യമായിട്ടാണ് ഒരു കഥ എഴുതുന്നത് .. ഇവിടെ കുറെ കഥകൾ വായിച്ച പരിചയത്തിൽ എഴുത്തുന്നതാണ്.. അതുകൊണ്ടുതന്നെ അക്ഷരത്തെറ്റുകൾ ഉണ്ടായേക്കാം .. പേജുകളും കുറവായിരിക്കും.. തെറ്റുകൾ ഉണ്ടെങ്കിൽ ക്ഷമിക്കേണം.. ഒപ്പം തെറ്റുകൾ പറഞ്ഞു തരണം ..അടുത്ത ഭാഗത്തിൽ ആ തെറ്റുകൾ ഞാൻ തിരുത്താൻ ശ്രേമിക്കാം..

 

കഥയും  ഈ കഥയിൽ പറഞ്ഞിരിക്കുന്ന കഥാപാത്രങ്ങളും  എല്ലാം സാങ്കൽപ്പികം..

 

അസുരൻ ( the beginning )

 

പാലക്കാട് ജില്ലയിലെ കൃഷ്ണപുരം എന്ന ഗ്രാമം.. ചെറിയ ഒരു പട്ടണവും  ഒപ്പം ഒരു സ്കൂളുമായിരുന്നു ആ ഗ്രാമത്തിൽ വികസനം എന്നു പറയാൻ ഉണ്ടായിരുന്നുള്ളു..

കൂടുതലും കൃഷിക്കാർ ആയിരുന്നു ആ ഗ്രാമത്തിൽ ഉണ്ടായിരുന്നത്..

ആ ഗ്രാമം അന്ന്  ഉണർന്നത് തന്നെ ആ ഞെട്ടിക്കുന്ന വാർത്ത കേട്ടാണ്.. വാർത്ത കേട്ടതും നാട്ടുകാർ മുഴുവൻ അവിടെയുള്ള സ്കൂളിലേക്ക് ഓടി..

 

രാവിലെത്തന്നെ കൃഷ്ണപുരം ഹയർ സെക്കണ്ടറി സ്കൂളിന്റെ ഗ്രൗണ്ട് നാട്ടുകരെകൊണ്ടു നിറഞ്ഞിരുന്നു … അപ്പോൾ തന്നെ എസ്.ഐ. തോമസും കൂടെയുള്ള പോലീസുകാരും അവനെയും കൊണ്ട് ക്ലാസ്മുറിയിൽ നിന്ന് ഇറങ്ങിവന്നു .. കയ്യിൽ വിലങ്ങും അണിയിച്ചു കൊണ്ടുവരുന്നവനെ കണ്ടപ്പോൾ തന്നെ നാട്ടുകാർ രോഷാകുലരായി .. കയ്യിൽ ഉള്ള കല്ലുകൾ അവന്റെ നേരെ എറിഞ്ഞുകൊണ്ടു അവരുടെ ദേഷ്യം അവർ തീർത്തുകൊണ്ടിരുന്നു.. എന്നിട്ടും ദേഷ്യം തീരാത്ത കുറച്ചുപേർ  പൊലീസുകാരെ വകവെക്കാതെ അവനെ ആക്രമിക്കാൻ തുടങ്ങി..

 

അവനെ നാട്ടുകാർ ആക്രമിക്കുന്നത് കണ്ടു നിന്ന തോമസ് അവസാനം അവനെ തൂക്കിയെടുത് പോലീസ് ജീപ്പിൽ ഇട്ടപ്പോഴേക്കും അവന്റെ മുഖം ചോരയാൽ നിറഞ്ഞിരുന്നു  … ജീപ്പിൽ എത്തിയപ്പോഴാണ് അവൻ ആ നാലുപേർ ദൂരെനിന്നും അവനെ നോക്കുന്നത് കണ്ടത് .. അവന്റെ ജീവിതം നശിപ്പിച്ച തന്റെ പ്രിയപ്പെട്ടവരെ എല്ലാം തന്നിൽ നിന്ന് അകറ്റിയ ആ നാലുപേർ ..അവന്റെ ഉള്ളിൽ ദേഷ്യം ഉയരാൻ തുടങ്ങി..

 

അപ്പോൾ തന്നെയാണ് അവൻ അവരെ കണ്ടത്..അവന്റെ പ്രിയപ്പെട്ടവരെ.. സങ്കടവും അപമാനവും കാരണം അവന്റെ തല താഴ്ന്നു  .. അവരുടെ  മുഖത്തുപോലും നോക്കിയില്ല .. അവന്റെ ഉള്ളിൽ സങ്കടവും ഒപ്പം ദേഷ്യവും വന്നുകൊണ്ടിരുന്നു..