?അസുരൻ ( the beginning )? [Vishnu] 468

അവൻ ഗോവിന്ദ് സ്ഥിരം പോകാറുള്ള മല്ലിക ബാറിൽ തന്നെയാണ് ആദ്യം വിട്ടത്..

അവിടെ എത്തിയ അർജുൻ കാണുന്നത് തുറക്കാത്ത ബാറാണ്.. അപ്പോൾതന്നെയാണ് വൈറ്റർ ജിജി ബാർ തുറക്കാൻ വേണ്ടി വരുന്നത് അർജുൻ കണ്ടത്..

“ഡാ ജിജി നന്ദു ഇന്നലെ ഇവിടെ വന്നിരുന്നോ..”

അർജുൻ ചോദിച്ചും…

“അണ്ണൻ ഇന്നലെ  വന്നിട്ടില്ലല്ലോ എന്ത് പറ്റി ..”

“കള്ളം പറയരുത്..”ജിജിയുടെ മറുപടിയിൽ വിശ്വാസം വരാത്ത അര്ജുന്  അവിടെ ഗോവിന്ദ് വന്നിട്ടില്ല എന്നു ഉറപ്പിക്കണമായിരുന്നു..

“സത്യം ആണ് അണ്ണൻ ഇന്നലെ വന്നിട്ടില്ല ..”

“ഗോവിന്ദ് ഇന്നലെ ഉച്ചയ്ക്ക് ഓഫീസിൽ നിന്ന് ഇറങ്ങിയതാണ് തിരിച് വന്നിട്ടുമില്ല ഫോൺ വിളിച്ചിട്ട് കിട്ടുന്നുമില്ല..”അർജുൻ പറഞ്ഞു

“ഇന്നലെ ഗണപതി വന്നിരുന്നു ..വന്നിട്ട് കുറച് സാധനം പാർസൽ വാങ്ങിയിട്ടാണ് പോയേ .. ചിലപ്പോൾ അവിടെയുണ്ടാവും..”

“എന്നാൽ അവൻ അവിടെത്തന്നെ ഉണ്ടാവും ..”അതും പറഞ്ഞുകൊണ്ട് അർജുൻ വേഗം തന്നെ കാർ എടുത്തു..

ജിജിയോട് യാത്ര പറഞ്ഞിറങ്ങിയ അർജുൻ വേഗം തന്നെ ബാംഗ്ലൂര് നഗരത്തിൽ നിന്നു അടുത്തുള്ള അധികം ആരും പോകാത്ത കുന്നിന്മുകളിലേക്കാണ് പോയത്.. അവരുടെ രഹസ്യ സാങ്കേതത്തിലേക്ക്..

_____________________________________

ഒരു വലിയ കാട്.. ചുറ്റും വലിയ മരങ്ങളും വളരെ ഉയരത്തിൽ ഉള്ള പുല്ലുകളും  .. വളരെ ശ്രെദ്ധിച്ചാണ് ആ കുട്ടി ആ കാട്ടിലൂടെ പോകുന്നത്.. കയ്യിൽ ആരെങ്കിലും ഉപദ്രവിക്കാൻ വന്നാൽ ഉപയോഗിക്കാൻ ഒരു കത്തിയും ഉണ്ട്.. ഉച്ചയൊന്നും ഉണ്ടാക്കാതെ വേഗം കുറച്ചാണ് യാത്ര … ഇരുട്ട് ആ കാടിനെ മൂടികൊണ്ടിരിക്കുന്നു.. പെട്ടെന്നാണ് ഒരു നിലവിളി ശബ്ദം കേട്ടത്.. അത് കേട്ട കുട്ടി പെട്ടെന്ന് തന്നെ പേടിച്ചുകൊണ്ട് അവിടെ നിന്നു.. ആ നിലവിളി ശബ്ദമാണ് മെല്ലെ മെല്ലെ മറ്റൊരുതരത്തിൽ ഉള്ള ശബ്ദം ആയി മാറി.. പിന്നെ ആ നിലവിളിശബ്ദം ഇല്ലാതെയാകുകയും ചെയ്തു.. ഇതൊക്കെ ശ്രദ്ധിച്ച കുട്ടി അവിടെ ഇലകൾ അനങ്ങുന്ന ഭാഗത്തേക്ക് മെല്ലെ നടന്നു..