അപരാജിതൻ 11 [Harshan] 7233

ഒരു എട്ടുമണിയോടെ അവൻ ലോഡ്ജിൽ എത്തി ഷേണായിടെ കടയിൽ നിന്നും ഭക്ഷണവും കഴിച്ചു മുറിയിൽ വന്നു.

അവൻ തന്റെ ചെയറിൽ ഇരുന്നു, മുത്തശ്ശിയുടെ ചേലയും കാള പ്രതിമയും മരക്കട്ടയും   ലക്ഷ്മി അമ്മയുടെ ഫോട്ടോയും ഒക്കെ എടുത്തു ഒരുമിച്ചു വെച്ചു.

അവന്റെ മനസു നിറയെ സന്തോഷം മാത്രം ആയിരുന്നു, ആ തൊഴിലാളികളുടെ സന്തോഷം ഒക്കെ കണ്ടതിൽ അങ്ങെ അറ്റം അവന്റെ മനസു തൃപ്തനായിരുന്നു,

“എനിക്ക് ഇപ്പോഴും ഇതൊന്നും വിശ്വസിക്കാൻ പറ്റുന്നില്ലട്ടോ, ഇത്രേം ഒക്കെ വേഗത്തിൽ ഇങ്ങനെ ഒക്കെ പ്രശ്ങ്ങൾ പരിഹരിച്ചു എന്നൊക്കെ, എന്നാലും നിങ്ങളൊക്കെ എന്റെ കൂടെ ഇല്ലേ, എനിക്ക് അപ്പപ്പോ ഓരോ തോന്നലുകൾ തരുവാൻ ആയി, മുത്തശ്ശിയെ കിട്ടി ലക്ഷ്മി അമ്മ ഉണ്ട്, സായി അപ്പൂപ്പൻ ഉണ്ട്,  … അമ്മയുടെ കുടുംബത്തെ ഇങ്ങനെ എങ്കിലും കിട്ടി, അച്ഛനേം അച്ഛന്റെ കുടുംബത്തെ കുറിച്ചും ഒക്കെ എന്തേലും വിവരം കിട്ടിയിരുന്നെ എത്ര നന്നാകുമായിരുന്നു, ”

അവൻ ആ വസ്തുക്കളോട് പറഞ്ഞു, അവൻ ആ മരക്കട്ടയും ചെറിയ വിഗ്രഹവും കയ്യിൽ എടുത്തു, നിങ്ങൾ എന്താണെന്നു മാത്രം അപ്പുവിന് മനസിലാകുന്നില്ലലോ, അവൻ ആ വിഗ്രഹം മേശയിൽ വെച്ച്, എന്നിട്ടു മരക്കട്ട കയ്യിൽ എടുത്തു, നീ എന്തിനാ ഇടയ്ക്കിടെ മറഞ്ഞു വീഴുന്നെ, എന്തേലും എന്നോട് പറയാൻ ഉണ്ടോ,, അപ്പു ആ മരക്കട്ടെ മൊത്തത്തിൽ പരിശോധിച്ചു നോക്കി, അത് തുറക്കാൻ ആയി ഒരു വഴിയും കാണുന്നില്ല.

അവൻ ആ മരക്കട്ടയും മേശയിൽ വെച്ചു.

“അപ്പു മാലിനി കൊച്ചമ്മേയോടും ശ്യാമിനോടും ഒക്കെ ഇപ്പൊ ഇഷ്ടക്കേട് കാണിക്കുന്നില്ല, പോട്ടെ എന്തിനാ നമ്മള് മനസിൽ ഇഷ്ടക്കേട് ഒക്കെ കൊണ്ട് നടക്കുന്നത് അല്ലെ”

“അതെ ,,,അപ്പുനു ഒരു സങ്കട൦ ഉണ്ട്, മുത്തശ്ശനെ കുറിച്ച് ഒരു അറിവും ഇല്ലാത്തതിൽ, മുത്തശ്ശനും അപ്പുനെ ഒരുപാട് ഇഷ്ടായിരിക്കും ല്ലേ മുത്തശ്ശി ,,,, മുത്തശ്ശൻ ഉണ്ടായിരുന്നെ അപ്പുനെ എടുത്തുകൊണ്ട് ഒക്കെ നടന്നു കുറെ ഉമ്മ ഒക്കെ തന്നു അപ്പുനു കളിപ്പാട്ടങ്ങൾ ഒക്കെ വാങ്ങി തന്നു അപ്പുന്റെ ഒപ്പം കളിയ്ക്കാൻ ഒക്കെ കൂടി അപ്പുന്റെ ഫ്രണ്ട് ആയി അപ്പുനെ ഒപ്പം ഉണ്ടാകുമായിരുന്നേനെ ല്ലേ മുത്തശ്ശി ,,,, അപ്പുനു അതിനൊന്നും ഭാഗ്യമില്ലാലോ ,,,അപ്പുനു വയസായവരെ ഒക്കെ ഒരുപാട് ഇഷ്ടമാ ,,,അവർക്കൊക്കെ ഒരുപാട് സ്നേഹം ഉണ്ടാകുമല്ലോ ,,, ഒന്നും പറഞ്ഞിട്ടു കാര്യമില്ലല്ലോ.

അതൊക്ക പറഞ്ഞു അവൻ ആ കസേരയിൽ ചാരി ഇരുന്നു , കണ്ണുകൾ അടച്ചു

ടപ്പ്..എന്ന ശബ്ദം കേട്ട് അവൻ കണ്ണുകൾ തുറന്നു

ആ മരക്കട്ട അവനു നേരെ ആയി മറിഞ്ഞു കിടക്കുന്നു.ഒരു പക്ഷെ വീഴ്ച കൊണ്ട് അവന്റെ ഒപ്പം ആരോ ഉണ്ട് എന്ന് തോന്നിപ്പിക്കുന്നതു  പോലെ

<<<<<<<<O>>>>>>>>

അന്ന് രാത്രീ

പാറുവിന്റെ ഫോണിൽ ഒരു കോള്‍ വന്നു.

ശിവയുടെ ആയിരുന്നു.

“പാറു …….” സ്നേഹാർദ്രമായി ശിവ പാറുവിനെ വിളിച്ചു.

“മ്…….” അവൾ ഒന്ന് മൂളുക മാത്രം ചെയ്തു.

“എന്തെടുക്കുകയാ പാറു?”

“റൂമിൽ ആണ് ബെഡിൽ വെറുതെ കിടക്കുക ആയിരുന്നു കയ്യിൽ അന്ന് തന്ന ആ സമ്മാനവും പിടിച്ചിട്ടുണ്ട്

“ആ രാധകൃഷ്ണവിഗ്രഹമോ ? ”

“അതെ …അത് തന്നെ അല്ലെ എനിക്ക് ഏറ്റവും പ്രിയപ്പെട്ടത്‌ ”

“അത്രക്കും പ്രിയപ്പെട്ടതാണോ ”

“അതേല്ലോ ”

“അപ്പൊ ഞാനോ ആ വിഗ്രഹമോ പ്രിയപ്പെട്ടത്‌ ?”

“എനിക്കറിയില്ല ,,ഇഷ്ടമുള്ളതും ഇഷ്ടമുള്ളആൾ തന്നതും ഒക്കെ ഇഷ്ടം തന്നെ അല്ലെ, അപ്പൊ എല്ലാം പ്രിയപ്പെട്ടത്‌ ആകില്ലേ”

“പാറു …………”

“മ് ………….”

“എന്ത് ശാന്തിയും സമാധാനവും ആണ് പാറുനോട്  ഇങ്ങനെ സംസാരിക്കുമ്പോ എനിക്ക് കിട്ടുന്നത്ന്നറിയോ ?”

“അത് തന്നെ അല്ലെ എനിക്കും ”

“എന്താ പാറു ,,നമ്മുക് രണ്ടു പേർക്കും ഇങ്ങനെ ഒകെ തോന്നുന്നത് ?”

“അത് തന്നെ ആണ് ഞാനും ചോദിക്കുന്നത് ”

“കണ്ണടച്ചാൽ നിന്റെ മുഖം ആണ് പാറു എന്റെ മനസിൽ, നിന്റെ ശബ്ദം ആണ് എന്റെ കാതിൽ, അതെനിക് അറുത്തു മാറ്റാൻ പറ്റുന്നില്ല, അത്രക്കും ആഴത്തിൽ എന്റെ ഉള്ളിൽ അങ്ങ് പതിഞ്ഞു കിടക്കുന്നപോലെ, എനിക്കറിയില്ല ഈ ശിവരഞ്ജൻ എന്ന എനിക്കു എന്താ സംഭവിക്കുന്നത് എന്ന്”

പാർവതിക്ക് മറുപടി ഉണ്ടായിരുന്നില്ല, അവളുടെ കണ്ണുകൾ ആനന്ദം കൊണ്ട് അശ്രുകണങ്ങൾ പൊഴിക്കുന്നുണ്ടായിരുന്നു.

“എത്ര ഞാൻ കാത്തിരുന്നു ന്നു അറിയോ, എന്തോരം ഞാൻ എന്റെ കണ്ണനോട് പ്രാർത്ഥിച്ചുന്നറിയോ, ഈ ഗന്ധർവനെ എനിക്കു മുന്നിൽ കൊണ്ടുതരുവാൻ ആയി”

“അയ്യോ ,,പാറു ഞാൻ ഗന്ധർവനൊന്നുമല്ല ഒരു പാവം മനുഷ്യൻ ആണ് ”

“പക്ഷെ രാജകുമാരൻ അല്ലെ ?”

“പാറുവും രാജകുമാരി തന്നെ അല്ലെ ”

“ഞാൻ ആരു൦ അല്ല, ഞാൻ ഒരു പാവം ആശ്രമകന്യക ആണ് എന്ന് വിചാരിച്ച മതി ന്നെ”

“ആണോ ,,,എന്ന അങ്ങനെ വിചാരിക്കാട്ടോ”

“ഇനി എന്ന എനിക്കൊന്നു കാണാൻ കഴിയുക, കാണാതെ ആകുമ്പോ എനിക്ക് ഒരുപാട് വിഷമ൦ ആകുന്നു”

“നിന്നെ കാണണം എന്ന് എനിക്കും ഉണ്ട് പാറു, കണ്ടു കൊണ്ട് അങ്ങ് ഇരിക്കണം എന്ന് , ജീവിതത്തിന്റെ അറ്റം വരെ ,,,,,”

“അതിനു എനിക്ക് ഭാഗ്യം ഉണ്ടാവില്ലല്ലോ,നിങ്ങൾ ഒക്കെ എവിടെ നിക്കുന്നു ഞാനോ”

“എന്തിനാ പാറു അങ്ങനെ ഒക്കെ സംസാരിക്കുന്നതു,”

“മറന്നു പോകുമോ എന്നെ ???” പാറു അത് ചോദിച്ചപ്പോ അവളുടെ സ്വരത്തിനു ഒരു ഇടർച്ച ഉണ്ടായി.

“എന്താ പാറു ഈ പറയുന്നത് , എനിക്കങ്ങനെ മറക്കാൻ സാധിക്കുമോ നിന്നെ ”

“എന്ന കൂടെ എന്നെയും കൂട്ടി കൂടെ ? ” അവൾ ആശയോടെ ചോദിച്ചു.

ശിവക്കു മറുപടി ഉണ്ടായിരുന്നില്ല

“ഓരോരോ പൊട്ട തോന്നലുകളാ ഈ പൊട്ടിപെണ്ണിന്റെ ,,,എന്ന് കരുതിയ മതി ” അവൾ അവനെ ആശ്വസിപ്പിച്ചു.

“പാറു …”

“മ് ………………….

ഈ മാസം തന്നെ എനിക്ക് അബ്രോഡ്‌ പോകേണ്ടി വരും , ഡേറ്റ് കൺഫെർമ് ആയിട്ടില്ല ”

“പോകാല്ലേ ,,,,,,ഇനി എന്ന എന്ന് കാണാൻ സാധിക്ക്യ, എനിക്കറിയാ൦, തിരികെ വരുമ്പോ ഞാൻ ഉണ്ടാകില്ലന്നു ആ മനസിൽ ”

“അങ്ങനെ പറയല്ലേ പാറു ,,,അങ്ങനെ ഒന്നും ഒരിക്കലും ഉണ്ടാകില്ല ”

“പാറു ………ഞാൻ ഒരു കാര്യം പറയട്ടെ ”

“എന്തിനാ ചോദിക്കുന്നെ എന്ത് പറഞ്ഞാലും ഞാൻ കേൾക്കില്ലേ ……………”

“ഞാൻ അച്ഛൻതമ്പുരാനോടും അമ്മയോടും ഈ കാര്യം സംസാരിക്കാൻ തീരുമാനിച്ചു”

ഒരു ഞെട്ടൽ ആണ് അവളിൽ ഉണ്ടായതു, ഒരു ഭയം പോലെ.

“അത് വേണോ ,,,,നിങ്ങൾക് ഒത്തവർ ഒന്നും അല്ല ഞാൻ ,,,അവര് ഇതറിഞ്ഞ സമ്മതിക്കില്ല, ടെന്ഷനടിച്ചു ഇരിക്ക്യാ൯ എനിക്ക് ഒക്കില്ല, എന്തിനാ എനിക്ക് ഒരു നോവ് ഉണ്ടാക്കുന്നത്”

“എനിക്ക് അറിയാം എന്റെ അച്ഛനമ്മമാരെ, എന്റെ ഒരു ആഗ്രഹത്തിനും ഇന്നുവരെ ഒരു മുടക്കവും അവർ വരുത്തിയിട്ടില്ല, ഇതും അങ്ങനെ ആകില്ല എന്ന് തന്നെ ആണ് എന്റെ ഉറപ്പു”

“അവര് സമ്മതിച്ചില്ലലോ ?”

“അങ്ങനെ ഒന്നും ചോദിക്കല്ലേ പാറു,,,, അവർ സമ്മതിക്കും എന്ന് തന്നെ ആണ് ഞാൻ വിശ്വസിക്കുന്നതു.

“എന്നെ ഇഷ്ടാവോ അവർക്ക്? ”

“ഈ ദേവതയെ ഇഷ്ടായില്ലെങ്കിൽ പിന്നെ ആരെയാ അവർക്കു ഇഷ്ടമാകുക ? പാറു ”

“കളിയാക്കിയതാണല്ലേ എന്നെ ,,,,,അവൾ ലജ്ജവിവശയായി ചോദിച്ചു

“ഒരിക്കലും അല്ല ,,,എന്റെ പാർവതി ഒരു ദേവത തന്നെ ആണ്, ഞാൻ എങ്ങോ എന്റെ സ്വപ്നത്തിലോ മുജ്ജന്മത്തിലോ കണ്ടു പരിചയം ഉള്ള ഒരു ദേവത ,,,,നീ തന്നെ ആണ് ഈ ശിവയുടെ ദേവത ”

“ചി ,,,,പോ ,,,,കളിയാക്കാതെ”

“പാറു…..പാറു വേറെ ആരേലു൦ വിവാഹം ചെയ്യുമോ? ”

“എനിക്ക് അതിനു സാധിക്കില്ലല്ലോ ”

“അതെന്താ ,,,,??”

മുൻപ് ഞാൻ ദക്ഷിണേശ്വരത്തു ശിവനാഡി നോക്കാൻ പോയപ്പോൾ എന്റെ കൈരേഖ നോക്കി എന്റെ താളിയോല എടുത്തു എന്നോട് പറഞ്ഞത് ഞാൻ കഴിഞ ജന്മത്തിൽ ഒരു രാജകുമാരി ആയിരുന്നു എന്നാണ്, മുജ്ജന്മ ബന്ധമുള്ള ഒരാൾ, എന്റെ ജീവിതത്തിലേക്ക് വരും എന്നും, ഒരു രാജകുമാരൻ ,,,ആ ആൾ ഏറ്റവും ഉന്നതമായ തീവ്രമായ സ്നേഹം എനിക്കു തരും എന്ന് പറഞ്ഞു, അയാളുടെ പേരിൽ ശിവനാമം ഉണ്ടാകും, മഹാദേവന്റെ പോലെ തന്നെ ഉള്ള സനേഹം എനിക്ക് തരു൦ എന്ന് വ്യക്തമായി പറഞ്ഞിട്ടുണ്ട്”

“അതും ഞാനും തമ്മിൽ ബന്ധമുണ്ടോ പാറു ?”

“ഉണ്ടല്ലോ ,,,, അത് ഉള്ളത് കൊണ്ട് തന്നെ അല്ലെ നമ്മൾ ഇങ്ങനെ സംസാരിക്കുന്നതു ”

“എന്തോ ….കേട്ടിട്ട് തന്നെ അതിശയം ആകുന്നു പാറു ”

“ഒരു അതിശയവും വേണ്ട …എന്റെ കാര്യം ഒക്കെ എന്റെ കണ്ണൻ നോക്കിക്കൊള്ളും ,,എന്റെ ഏറ്റവും വലിയ കൂട്ടുകാരൻ ആണ് എന്റെ കണ്ണൻ ”

“അതുകൊള്ളാമല്ലോ ,,,ഭഗവാനെ വരെ കൂട്ടാക്കി വെച്ചേക്കുക ആണല്ലേ ”

“അതേല്ലോ ….”

“അത് പോട്ടെ പാറു ,,,,വീട്ടിൽ ഉള്ളവർ എല്ലാവരും സുഖായി ഇരിക്കുന്നോ ?”

“ഹമ്,,,,എല്ലാരും സുഖായിരിക്കുന്നു , ”

ആന്റിയെ വിളിച്ചിട്ടു കുറച്ചു കുറെ നാൾ ആയി, എന്റെ അന്വേഷണം പറയണേ എല്ലാരോടും

“ഹമ്,,,,പറയാംട്ടോ ”

“വീട്ടിൽ എല്ലാര്ക്കും സുഖല്ലേ ”

പിന്നെ ,,,,,,

എന്ന ശരി പാറു.

ഹ്മ്മ്……

ലവ് യു  …………….

ആ സംസാരത്തിനു ശേഷം പാറു തലയിണയിൽ കൈകൾ ചേർത്ത്. മധുരസ്വപ്നങ്ങൾ കണ്ടു കൊണ്ട് തന്നെ ആ ചന്ദന വിഗ്രഹ൦ കൈകളിൽ മുറുകെ പിടിച്ചു കിടന്നു.

<<<<<<<0>>>>>>>

 അന്ന് രാത്രി

ആദിയുടെ മനസിനെ പ്രക്ഷുബ്ദമാക്കിയിരുന്ന ഒരു കാര്യം ആയിരുന്നു, ഇടയ്ക്കു വെച്ച് മുഴുമിപ്പിക്കാതെ പോകുന്ന അന്വേഷണം, പല തിരക്കുകള്‍ താന്‍ പോലും അറിയാതെ തന്നെ  തേടി വരുന്നു, ഇനി അത് വൈകിക്കാൻ സാധിക്കില്ല, പാതി വെച്ച് മുടങ്ങി കിടക്കുകയാണ് മൂർത്തി അതുപോലെ മാർവെൽ എലെക്ട്രിക്കൽസ്.

പിറ്റേന്ന്, ആദി പതിവു പോലെ തന്നെ ഓഫീസിൽ പോയി.

വിശ്വനാഥൻ സാറിനെ കൂടെ പോയി കണ്ടിരുന്നു.

“ഇതിപ്പോ വലിയ തിരക്ക് ആണല്ലോ ആദിക്ക്,  മുന്പൊനും കിട്ടാത്ത ലീവ് ഒക്കെ എടുത്ത് ആഘോഷിക്കുക ആണോ ? ഒരു ചെറിയ നർമ്മം കലർത്തി അദ്ദേഹം ചോദിച്ചു.

“ഇല്ല സാർ , ചില അത്യാവശ്യങ്ങൾ ”

“ഞാൻ വെറുതെ പറഞ്ഞതാ ,,,തനിക് ആവശ്യത്തിന് ലീവ് എടുത്തോ, കുറെ നാൾ അവിടെ കിടന്നു പണി എടുത്തു ബുദ്ധിമുട്ടിയതല്ലേ ,,,ഇനി നല്ല പോലെ ലീവ് ഒക്കെ എടുത്ത് അടിച്ചു പൊളിക്ക്,,,ഇപ്പൊ ജീപ്പ് കൂടെ ഇല്ലേ, സമയ൦ പോലെ ഒരു റൈഡ്നോക്കെ പോ ,,,ഈ പ്രായത്തിലെ ഇതൊക്കെ സാധിക്കു, പിന്നെ കുടുംബവും കുട്ടികളൂം ആയാ ഇതൊന്നും സാധിച്ചുന്നു വരില്ല, അതാ പറയുന്നത്,

ഈ സാർ നല്ല ആൾ ആണല്ലോ, ഇങ്ങനെ തന്നെ വേണ സബോർഡിനേട്ടിനെ മോട്ടിവേറ്റ് ചെയ്യാൻ ,,ആദി അദ്ദേഹത്തോട് പറഞ്ഞു.

ഞാൻ സീരിയസ് ആയി പറഞ്ഞതാ ,,,തന്റെ പ്രായത്തിൽ എനിക്ക്  ഒരു ആർ ഡി ഉണ്ടായിരുന്നു അതും കൊണ്ട് ഏതെല്ലാം സംസ്ഥാനങ്ങളിൽ ആണ് ഞാൻ പോയിരിക്കുന്നത്, അതൊക്കെ ഒരു കാലം, എന്റെ ഒരു പോളിസി അനുസരിച്ചു ആദി,  ഓരോ ദിവസവും ഒരു പുതിയ കാഴ്ചയുടെ പുതിയ കേൾവിയുടെ അനുഭൂതിയായിരിക്കണം ഓരോ ദിനവും, അതിനു യാത്രകൾ മാത്രമേ വഴിയുള്ളു, നല്ലപോലെ യാത്ര ചെയ്യണം, പുതിയ കാര്യങ്ങൾ ഒക്കെ അതിലൂടെ മാത്രമേ പഠിക്കാൻ സാധിക്കു.

സ൪…കുറച്ചു നാൾ ആയി ഒരു കാര്യം ചോദിക്കണം എന്ന് വിചാരിക്കുന്നു,

എന്നിട്ടെന്ത ചോദിക്കാഞ്ഞേ, ചോദിക്കു.

സാർ ഈ ഇവിടത്തെ പാർട്ണർ കൃഷ്ണചന്ദ്രൻ ആൾ എങ്ങനെ ആണ് ?

ഹമ്,,,എന്താ ചോദിച്ചത് ആദി, ഇപ്പോ കൃഷ്ണചന്ദ്രനെ കുറിച്ച്.

അല്ല …ഞാൻ ഇങ്ങോട്ടു വന്നത് മുതൽ അങ്ങേർക്കും അങ്ങേരുടെ പി എ ക്കും എന്നോട് ഒരു വക മോശം  പെരുമാറ്റം ആയിരുന്നു, പി എ നെ അന്ന് ഞാൻ തള്ളി താഴെ ഇടാൻ നോക്കിയതുമാണല്ലോ, അതിനു ശേഷം ഈ കൃഷ്ണചന്ദ്രനും ഒതുങ്ങിയിട്ടുണ്ട് .

ഓ … ഞാൻ ഇപ്പൊ എന്താ പറയുക ആദി, എനിക്ക് അയാളെ അത്രയ്ക്ക് താല്പര്യം ഇല്ല,,, പണ്ട് മുതലേ.

അതെന്താ സ൪ ,,

അയാളുടെ ആ ബിഹേവിയറും അനാവശ്യമായ ദുര്‍വാശികളും ഒകെ കൊണ്ട്

പക്ഷെ അയാള് ഇവിടത്തെ പാർട്ണർ അല്ലെ സാർ ?

എന്ത് പാർട്ണർ ….അയാള് വെറും വർക്കിങ് പാർട്ണർ ആണ്, ഇൻവെസ്റ്റ്മെന്റ് ഒന്നും ചെയ്തിട്ടില്ല, ഈ കൃഷ്ണചന്ദ്രന്റെ അച്ഛൻ  നമ്മുടെ എം ഡി യുടെ ഒരു ഗുരുതുല്യൻ ആയ വ്യക്തി ആയിരുന്നു, സത്യത്തിൽ ബിസിനസ് ഒക്കെ പഠിപ്പിച്ചത് അദ്ദേഹം ആണ് ,,,അങ്ങേരുടെ പേര് ,,, ഗോപാലകൃഷ്ണ൯ തമ്പി, ഈ കൃഷ്ണചന്ദ്രൻ ഒരു മുടിയനായ പുത്രൻ ആയിരുന്നു ഉള്ളതൊക്കെ പലവഴിക്ക് നശിപ്പിച്ചു ,,കുറെ കടവും ഒക്കെ ഉണ്ടാക്കി വെച്ച് ,,, ഇടയിൽ കുറെ കേസുകൾ ഒക്കെ ഉണ്ടായിരുന്നു പലതും ചെക്ക് കേസുകൾ ഒക്കെ ,,,ഉള്ളതൊക്കെ വിറ്റു കേസുകൾ ഒകെ തീർപ്പാക്കി.

ആദി ശ്രദ്ധപൂർവ്വം എല്ലാം കേട്ടിരുന്നു.

എന്നിട്ടോ സാർ ???

ഈ തമ്പി സാറിന് അപ്പോളേക്കും അസുഖ൦ ഒക്കെ കൂടി, കിഡ്നിക്കും ലിവറിനും ഒകെ പ്രശ്നം ഉണ്ടായിരുന്നു, അങ്ങേരുടെ ഏറ്റവും വലിയ വേദന ആയിരുന്നു മകനെ കുറിച്ച് ,,,മുടിയനായ പുത്രൻ അല്ലെ ,,,,ഉള്ളതൊക്കെ നശിപ്പിക്കുകയും ചെയ്ത മകൻ ,,,

ഒരിക്കൽ മരണസമയത്തിന് മുന്നേ നമ്മുടെ എം ഡി കാണാൻ ചെന്നപ്പോ മകന്റെ കാര്യം പറഞ്ഞു ഒരുപാട് കരച്ചിലും പിഴിച്ചിലും ഒക്കെ ആയിരുന്നു, മകൻ ഒരു നില എത്തി കാണാൻ ഉള്ള ആഗ്രഹം കൊണ്ട് ,,,അങ്ങനെ എം ഡി ആണ് ഇങ്ങേ൪ക്കു ഒരു നില ഉറപ്പിക്കാൻ ആയി ഇവിടെ ഇങ്ങനെ ഒരു പോസ്റ് കൊടുത്തതു …തമ്പി സാറിന്റെ മകനെ ഒരു ജോലിക്കാരൻ ആക്കാൻ പറ്റില്ലല്ലോ ,,,അതോണ്ട് വർക്കിങ് പാർട്ണർ ആക്കി ,, ഒരു ഡയറക്ടർ ആക്കി ,,, അപ്പൊ പിന്നെ മാസം നല്ലൊരു തുക കയ്യിൽ കിട്ടുമല്ലോ ,,,ഇതാണ് ഇങ്ങേരുടെ ചരിത്രം….. അതുകൊണ്ടു തന്നെ എനിക്ക് അയാളെ വലിയ ഒരു കാര്യം ഒന്നും ഇല്ല ,,,

ഓ ,,,ഇങ്ങനെ ഒരു ബാക്ഗ്രൗണ്ട് ഇങ്ങേർക്ക് ഉണ്ടായിരുന്നുല്ലേ?? ,,,,

പിന്നല്ല ,,,,,, കടിക്കുന്ന പാമ്പിനെ പറയാൻ പറ്റാത്തിടന്തു വെച്ചു എന്ന പോലെ ആണ്, ആ ശ്യാമിനെ ഉപദേശിച്ചു ഉപദേശിച്ചു ഓരോ വഴിക്കാക്കി ,,,, അന്ന് ആദി പറഞ്ഞതല്ലേ അനവവശ്യ ബിസിനസിൽ നിന്ന് വിട്ടു നില്ക്കാൻ ഒക്കെ ആയി ..ഓരോരോ വയ്യവേലികൾ …

ഹമ്…..സാർ …ഈ കൃഷ്ണചന്ദ്രൻ എന്റെ അച്ഛനുമായി ഒക്കെ എങ്ങെന ആയിരുന്നു? ,,,

ആദി ,,,നിന്റെ അച്ഛൻ എന്നല്ല ,,,പലരുമായും ഇങ്ങേരു രസത്തിൽ അല്ല ,,, ഇങ്ങേരുടെ കുറെ റാൻമൂളികളുണ്ടു ..അല്ലാതെ ഒരാൾക്കും ഇയാളെ ഒരു കാര്യവും ഇല്ല …

ആദി എല്ലാം കേട്ടിട്ടിരുന്നു.

അപ്പൊ ശരി സാർ ,,ഞാൻ എന്ന ചെല്ലട്ടെ

അതുപോട്ടെ ,,,തന്റെ ആഡ് എന്തായി, വൈഫ് എന്നും ചോദിക്കുന്നുണ്ട് ?

ആദി അതിനെ കുറിച്ച് എം ജെ പറഞ്ഞ കാര്യങ്ങൾ ഒക്കെ അദ്ദേഹത്തോട് പറഞ്ഞു

അത് കഷ്ടായില്ലോ ,,,,,ആ വിഷമം വേണ്ട ഇതു ശരി ആയില്ലെങ്കിൽ അടുത്ത് വരുംന്നെ കാലം ഇങ്ങനെ നീണ്ടു നിവർന്നു കിടക്കുകയല്ലേ ആദി ,,,എന്തായാലും പോയത് കൊണ്ട് ഫിന൯ഷ്യലി കുറച്ചു ഗുണം ഉണ്ടായില്ലേ അപ്പൊ അത് മാത്രം നോക്കിയാ മതി ..ആൾ ദി ബെസ്ററ്.

അത്രേ ഉള്ളു സാർ ,,എനിക്ക് ഒരു വിഷമവും ഇല്ല ഞാൻ ഹാപ്പി ആണ്.

ഒരു കാര്യം മാത്രേ പറയാന്‍ ഉള്ളു ,, ഉള്ളത് ഏതേലും നല്ല എഫ് ഡിയോ ഇല്ലെങ്കില്‍ ഇന്‍വെസ്റ്റ്‌മെന്റ് പ്ലാനിലോ ഇടുക, നശിപ്പിച്ചു കളയരുത്, ആദിയുടെ ഭാവി സേഫ് ആക്കണം കേട്ടോ ,,,ഇനി നിനക്കും ഒരു വിവാഹം വീട് ഈ കാര്യങ്ങള്‍ ഒക്കെ മനസില്‍ ഉണ്ടാകണം,,

അത് കേട്ട് ആദി ഒന്ന് ചിരിച്ചു , ഉവ്വ് സര്‍ …. എന്ന ഞാൻ ചെല്ലട്ടെ സാർ ,,,,

ഓക്കേ ആദി

ആദി അവിടെ നിന്നും ഇറങ്ങി

ഇറങ്ങുമ്പോ അവന്റെ മനസിൽ ഉയർന്നു വന്ന ആ വാക്കുകൾ ആയിരുന്നു.

കൃഷ്ണചന്ദ്രൻ,, മുടിയനായ പുത്രൻ ഉള്ളതൊക്കെ നശിപ്പിച്ചു ,,,,,

പാർട്ണർ ആയതു കൊണ്ട് കമ്പനിയുടെ പല പോളിസി കാര്യങ്ങളും അറിവുണ്ടാകണ൦ അങ്ങനെ എങ്കിൽ കമ്പനിയിലെ രഹസ്യങ്ങൾ ഒക്കെ ചോർത്തി കൊമ്പെറിറ്റേഴ്‌സ്നു കൊടുക്കാൻ ഇയാൾക്കും പങ്കു ഉണ്ടായേക്കാം ,,അതൊന്നും തള്ളി കളയാൻ സാധിക്കില്ല ,,,,,

വരും വഴി പർച്ചേസ് ഇൻ ചാർജ് ഭുവനേന്ദ്രനെ കണ്ടു, അയാൾ ആണെങ്കിൽ ഒരു മുരടൻ ആണ്, ആരുമായും അടുക്കുകയും ഇല്ല, അടുപ്പിക്കുകയും ഇല്ല, അതെ സമയം കൃഷ്ണചന്ദ്രനുമായി നല്ല കൂട്ടും ആണ്….അപ്പൊ ഇയാളെയും സംശയത്തിന്റെ നിഴലിൽ തന്നെ നിർത്തേണ്ടി വരും ,,എന്തായാലും ശനിയാഴ്ച മൂർത്തിയുടെ വീട് അന്വേഷിച്ചു ഒന്ന് ഇറങ്ങണം……..കണ്ടുപിടിക്കാം.

എന്നൊക്കെ മനസ്സില്‍ ആലോചിച്ചു അവ൯ നടന്നു  നീങ്ങി.

<<<<<<<<<O>>>>>>>>

അന്ന് വൈകുന്നേരം ആദിയെ റോയ് വിളിച്ചു,
റോയ് ഒരു സ്പെഷ്യലിറ്റി ഹോസ്പിറ്റൽ തുടങ്ങാൻ ആയി പ്ലാൻ ഉണ്ട്,  ഇപ്പോ അവന്റെ ക്ലിനിക് പ്രവർത്തിക്കുന്നത് ലീസിനെടുത്ത ബിൽഡിങ്ങിൽ ആണ്. ടൗണിൽ നിന്നും ഒരു ഏഴു കിലോമീറ്റർ മാറി റോയിക്കു സ്ഥലം ഉണ്ട് അത് അവന്റെ ഭാര്യ നേഹയുടെ ഷെയറിൽ ഉള്ളതാണ് ഒരു ഒരേക്കർ കാണും. അവിടെ ഒരു ബിൽഡിങ് നിർമ്മിക്കാൻ ഉള്ള എല്ലാ കാര്യങ്ങളും ശരി ആയിട്ടുണ്ട്.

നേഹയുടെ അപ്പച്ചൻ നല്ലൊരു തുക തന്നെ ഹോസ്‌പിറ്റൽ നിർമാണത്തിനായി മകൾക് കൊടുക്കുവാനും തയാർ ആണ്, കൂടെ റോയും പൈസ ഇറക്കുന്നുണ്ട്, കുറച്ചു ലോണും എടുക്കുന്നു,  നാളെ അവിടെ  നിർമാണത്തിന്റെ പ്രാരംഭ ഘട്ടങ്ങൾ ആണ്, അതിനു മുന്നോടി ആയി ഉള്ള വെഞ്ചേരിപ്പും തറക്കലിടലും ഒക്കെ ആണ്.

ഈ കാര്യം ആദിക്ക് അറിവുള്ളതും ആണ്, തീയതി മാത്രം നിശ്‌ചയിച്ചിരുന്നില്ല, അപ്പൊ ആദിയോട് നാളെ എന്തായാലും വരണം എന്നാണ് റോയ് അറിയിച്ചത്, ആദിക്ക് അവന്റെ ക്ഷണം ഒരിക്കലും നിരസിക്കാനും സാധിക്കില്ലലോ, അതുകൊണ്ടു അവൻ ചെല്ലാം എന്ന് തന്നെ പറഞ്ഞു. പിറ്റേന്ന രാവിലെയോടെ ആദി റെഡി ആയി നേരെ ഹോസ്പിറ്റൽ നിർമാണ സ്ഥലത്തു എത്തി, റോയ് ടെയും നേഹയുടെയും വീട്ടുകാർ, പിന്നെ അത്യാവശ്യം സുഹൃത്തുക്കൾ ഒക്കെ ആണ് പള്ളീലച്ചനും വന്നിട്ടുണ്ട്, അവിടെ മതപരമായ എല്ലാ ചടങുകളും നടത്തി പ്രാർത്ഥിച്ചു തറക്കല്ലു ഇട്ടു, എല്ലാ മംഗളകരമായി നടക്കുവാൻ പ്രാർത്ഥനയും ഒക്കെ നടത്തി.

അവിടെ എല്ലാവര്ക്കും ചായയും പലഹാരവും ഒകെ കൊടുക്കാൻ മുന്നിൽ ആദിയും ഉണ്ടായിരുന്നുആദിയെ കണ്ടിട്ടില്ലെങ്കിലും നേഹയുടെ വീട്ടുകാർക് എല്ലാവര്ക്കും കേട്ട് നല്ല പരിചയം ആണ്, അവനെ എല്ലാവര്ക്കും പരിചയപ്പെടുത്തി, റോയിടെ സഹോദരങ്ങളും ഒക്കെ ഉണ്ടായിരുന്നു, നാളുകൾക്ക് ശേഷം അവർ കാണുന്നതാണ് ആദിയെ എല്ലാര്ക്കും ആദിയെ ഒരുപാട് ഇഷ്ടവും ആണ്, അവൻ അങ്ങനെ മറക്കാൻ സാധിക്കില്ലലോ, അവന്റെ അമ്മയെയും.. പണമായും വീട്ടുസാധങ്ങളായും ഒക്കെ ഒരുപാട് അവൻ കൊടുത്തിട്ടുള്ളതല്ലേ ,,എല്ലാരും അതൊക്കെ ഓർത്തു പറയുമ്പോ സങ്കടമായിരുന്നു

ലക്ഷ്മി അമ്മ മരിച്ചു എന്നറിഞ്ഞതും ഒക്കെ അവരിൽ ഒരുപാട് സങ്കടമുണ്ടാക്കിയിരുന്നു, കാലം കുറെ കഴിഞ്ഞു ആണെങ്കിലും ആദിയെ കണ്ടതിൽ അവർക്കൊക്കെ ഒരുപാട് സന്തോഷവും ആയി. ചടങ്ങുകൾ കഴിഞ്ഞു ഓരോരുത്തർ ആയി അവിടെ നിന്നും ഇറങ്ങി. ആദി റോയുടെ സമീപ൦ ചെന്നു റോയ് ആര്കിടെക്ടുമായി എന്തൊക്കെയോ സംസാരിക്കുക ആയിരുന്നു ,അതൊക്കെ കഴിഞ്ഞു റോയ് അവന്റെ കയ്യിൽ പിടിച്ചു.

“റോയ്   …..ഞാൻ എന്താ പറയുക ,,,,നിനക്കു നല്ലതേ വരൂ ,,,,നല്ല രീതിയിൽ ഇത് എല്ലാം ഭംഗി ആയി നടക്കട്ടെ”

“അത് മതി എന്റെ മുത്തേ ,,,, ഈ ഒരു മുഹൂർത്തത്തിൽ നീ ഉണ്ടെങ്കിൽ നമ്മുടെ ലക്ഷ്മി അമ്മയുടെ സാന്നിധ്യം കൂടെ ഇവിടെ ഉണ്ടാകും എന്ന് എനിക്ക് ഉറപ്പാ ….അമ്മയുടെ അനുഗ്രഹം ഉണ്ടാകുംന്നു എനിക്ക് വെല്യ ഉറപ്പുണ്ട്… ”
“അത് പറയാൻ ഉണ്ടോ റോയ് … അമ്മക്ക് നിന്നെ വലിയ ഇഷ്ടം അല്ലായിരുന്നോടാ ”
“അതെനിക്കറിയാല്ലോ,,,”
“ഇതിപ്പോ പണി കഴിയാൻ സമയം എടുക്കില്ലേ”
“എന്തായാലും ഒന്നൊര  വർഷം മിനിമം വേണം, ഇപ്പൊ നാലു  നിലകൾ ആയി ആണ് ഉദ്ദേശിക്കുന്നത്, പിന്നീട് സൗകര്യ൦ പോലെ നമ്മുക് മുകളിലേക് പണിയാം … ”
“അല്ല സൈക്യട്രി ഹോസ്പിറ്റലിന് അത്രേം ഒക്കെ വേണ്ടി വരുമോ ”
“നമ്മള് ഇവിടെ ന്യുറോ സൈക്കോ സ്പെഷ്യാലിറ്റി സെന്റർ ആണ് തുടങ്ങുന്നത്,
ഓ ,,,അപ്പൊ കുറെ കൂടി ഇൻവെസ്റ്റ്മെന്റ് വേണ്ടി വരില്ലേ കൂടാതെ നല്ല ഡോക്ടർസും
“അതൊക്കെ എന്ത് സുഹൃത്തുക്കൾ ഉണ്ട് എന്നെ ,,,കൂടാതെ ഹോസ്പിറ്റൽ അല്ലെ ,, ദി ബെസ്റ്റ് ഇൻഫ്രാസ്റ്റേക്ച്ചർ തന്നെ ആണ് നമ്മള് ഉദ്ദേശിക്കുന്നത്, മോസ്റ്റ് മോഡേൺ എക്വിപ്മെന്റ്സ് ഒക്കെ വെച്ച് തന്നെ, ഇതിനായി ഞാൻ മാത്രമല്ല ഫണ്ട് എടുക്കുന്നെ, വിദേശത്തും ഒക്കെ ഡോക്ടർസ് ആയുള്ള എന്റെ  സുഹൃത്തുക്കൾ ഒക്കെ ഉണ്ട് കൂട്ടായി, അതുകൊണ്ടല്ലേ നമ്മള് ലാർജ് കാപിറ്റൽ ഇൻവെസ്റ്റ് ചെയ്തു തന്നെ ചെയ്യുന്നത്.

ആ അത് നന്നായി ,,,, ഹോസ്പിറ്റൽ ഒക്കെ നല്ല രീതിയിൽ കൊണ്ടുപോയൽ എന്നും ലാഭകരം തന്നെ ആണ്, അതിനു ഒരു ഭയവും വേണ്ട.

അത് കേട്ട് റോയ് ചിരിച്ചു തലകുലുക്കി.

റോയ് ഞാൻ എന്ന ഇനി പൊക്കോട്ടെ ,,,, ഇനി ഓഫീസിൽ കൂടെ പോകണം,  നേരത്തെ വരാം എന്ന് പറഞ്ഞു ആണ് ലീവ് എടുത്തത്..

ഓ ,,,,അത് ഞാൻ മറന്നു ഡാ ….എന്ന ശരി നീ പൊക്കോ ,,സമയ൦ പോലെ നീ വീട്ടിലേക് വാ ,,,,

ഓക്കേ ടാ. എന്ന പിന്നെ അങ്ങനെ ആകട്ടെ.

റോയ് അവനെ കെട്ടിപിടിച്ചു റോയിയോട് യാത്ര പറഞ്ഞു ആദി അവിടെ നിന്നും ഇറങ്ങി.

<<<<<<<<<<O>>>>>>>>>>>>