അപരാജിതൻ 11 [Harshan] 7233

ബിയര്‍ തലയ്ക്കു പിടിച്ചു  അവിട അങ്ങ് മലർന്നു കിടന്നു ,മയക്കം തുടങ്ങി.

“ഓ അങ്ങനെയും ഒരു  സിനിമ ഉണ്ടല്ലേ ,,,ഞാന്‍ കണ്ടിട്ടില്ലല്ലോ  “ ജോസഫ് അച്ചായന്റെ ആത്മഗതം.

ഹമ്…..അപ്പു പണ്ഡിതൻ ആണെന്നാ തോന്നുന്നത്, ഹിന്ദിയോ കന്നടയോ ഒക്കെ പാടുന്നുണ്ട്

ജോസഫ് അച്ചായൻ ഒരു പെഗ് കൂടെ അകത്താക്കി പറഞ്ഞു

ഏയ് ….ഇത് അവനു ബിയ൪ തലയ്ക്കു പിടിച്ചിട്ട …..നരൻ പറഞ്ഞു

ഒരു കുപ്പി ബിയറു കൊണ്ട് തലക്കു പിടിക്കാനോ, അത്ര പവർ ഒള്ള ബിയർ അല്ലലോ ,,,ഇത് അതിന്റെ അല്ല നരേട്ടാ …. ബിയറിന്റെ അല്ല, ഇത് ബിയറ് കുടിച്ചു ആ സിനിമ പാട്ടു പാടിയത് കൊണ്ട് ആണ്, ചില൪ക്കു അങ്ങനെയാ .. ബിയറു കുടിച്ചു കടുകട്ടിയുള്ള  സിനിമാപ്പാട്ട് പാടിയ പെട്ടെന്ന് കിക്ക് ആക്കും ,,,,ഇത് അത് തന്നെ ,,,,,അത് തന്നെ …….രാജ് അണ്ണന്‍ പറഞ്ഞു

അങ്ങനെ അല്ലെ പാപ്പിചേട്ടാ ? …… മൂപ്പര്  പാപ്പിചേട്ടനോട് ചോദിച്ചു.

മിണ്ടാട്ടം ഇല്ലാതെ ആയപ്പോ അവർ എല്ലാരും പാപ്പി ചേട്ടനെ നോക്കി, പാപ്പി ചേട്ടൻ അവിടെ എവിടെയും ഇല്ല. മൂപ്പരുടെ കാലു മാത്രം കസേരയിൽ ഉണ്ട്.

ഇങ്ങേരുടെ ഉടലെവിടെ ?

രാജ് അണ്ണൻ ഭീതിയോടെ ചോദിച്ചു.

ഉടല് താഴെ ഉണ്ട്, താഴെ ഉണ്ട്, കിട്ടി പോയി .

നോക്കിയപ്പോ കോൺ തിരിഞ്ഞു പാപ്പിചായ൯ മണ്ണിൽ മലർന്നു ഭൂമിവന്ദനം ചെയ്തു കിടപ്പാണ്, കാലു കസേരക്ക് മുകളിലും വെച്ച്.

പാപ്പിചേട്ടന്‍ പണ്ട് മുതലേ ഇങ്ങനാ ,,,,,

നല്ല സുഖകരമായ ഉറക്കം ആയിരുന്നു ആദിക്ക് നല്ല കുളിരുന്ന അന്തരീക്ഷത്തിൽ ആ തിണ്ണയിൽ കിടന്നു.

“മോനെ ,,,,,,ആദികുട്ടാ ”

“ആ ”

ഉറക്കത്തിലെ സ്വപ്നത്തിൽ അവൻ എഴുന്നേറ്റു

“ആഹാ ആരിത്, എന്റെ മുത്തല്ലേ ലക്ഷ്മി അമ്മകുട്ടി, കുറച്ചു ആയല്ലോ ഇപ്പൊ കണ്ടിട്ട് ”

പറഞ്ഞു തീരുന്നതിനു മുന്നേ തന്നെ  ലക്ഷ്മി അമ്മ കയ്യിൽ കരുതിയ ചൂലും കേട്ട് കൊണ്ട് അവന്റെ തോൾ ഭാഗത്തു കൊടുത്തു നല്ലൊരു വീക്കു”

“കള്ളു കുടിക്കുവോട നീ”

“അയ്യോ ,,,,,,തല്ലല്ലേ …”

പറഞ്ഞു തീരും മുന്നേ തുട നോക്കി കൊടുത്തു ഒന്നുകൂടെ ”

“ഞാൻ അരികിൽ ഇല്ല എന്ന് വെച്ച് , തോന്ന്യാസം കാണിക്ക നീയ് ?”

അയ്യോ ഒരു രസത്തിനു കുടിചു പോയതാമ്മേ,,,തല്ലല്ലേ ..

അവൻ കൈകൾ കൂപ്പി

ഏത്തം ഇടെടാ നൂറെണ്ണം….ലക്ഷ്മി ‘അമ്മ കോപിച്ചു കൊണ്ട് പറഞ്ഞു

അയ്യോ ഇപ്പൊ ഇടാവേ

അവൻ മുട്ട് കുത്തി നിന്നു എന്നിട്ടു ഏത്തം ഇട്ടു തുടങ്ങി

ഒന്ന് രണ്ട്

അങ്ങനെ അല്ല ,,,ഞാൻ ഇനി കള്ളു കുടിക്കില്ല എന്ന് പറഞ്ഞു ഏത്തം ഇടെടാ

കൊടുത്തു പുറം നോക്കി ചൂല് കൊണ്ട് നല്ലൊരു അടി

അയ്യോ …

അവൻ കൈകൾ കുറുകെ ഇരു ചെവികളിലും പിടിച്ചു

ഞാൻ ഇനി കള്ള് കുടിക്കില്ല ഒന്ന്

ഞാൻ ഇനി കള്ള് കുടിക്കില്ല രണ്ടു

ഞാൻ ഇനി കള്ള് കുടിക്കില്ല മൂന്ന്

—-

—–

ഞാൻ ഇനി കള്ള് കുടിക്കില്ല തൊണ്ണൂറ്റി ഒൻപതു

ഞാൻ ഇനി കള്ള് കുടിക്കില്ല നൂറ്

അങ്ങനെ നൂറു തവണ ഏത്തമിട്ടു .

അവൻ കണ്ണുകൾ തുറന്നു

വാച്ചിൽ നോക്കി സമയ൦ രാവിലെ ആറു മണി.

പുറത്തെ ബെഞ്ചുകളിൽ കിടന്നു എല്ലാവരും  നല്ല ഉറക്കം ആണ്,

അവൻ  എഴുന്നേറ്റു ആ തിണ്ണയിൽ ഇരുന്നു.

ആ മുറ്റത്തേക്ക് നോക്കി ഇരുന്നു.

ഒരു തള്ളപൂച്ച അതിന്റെ കുഞ്ഞിനെ വായിൽ സൂക്ഷ്മതയോടെ കടിച്ചു പിടിച്ചു എങ്ങോട്ടോ നടന്നു പോകുന്നു, ആ കുഞ്ഞി പൂച്ചയുടെ മീ മീ എന്ന കുഞ്ഞു ശബ്ദം കേൾക്കുന്നുമുണ്ട്, ആദി അത് നോക്കി ഇരുന്നു.

ആ കരുതൽ തന്നെ അല്ലെ തന്റെ അമ്മയും തനിക് തരുന്നത് എന്ന സമാധാനത്തോടെ ആ ഇരുപ്പ് ഇരുന്നു.

അന്ന് രാവിലെ സമീര വന്നിരുന്നു.കൂടെ ലയത്തിലുളള കുറച്ചു ചേച്ചിമാരും, അവർ ഭക്ഷണവും കയ്യിൽ കരുതിയിരുന്നു, കഴിഞ്ഞ ദിവസം ലയത്തിൽ വളരെ ആഘോഷങ്ങൾ ആയിരുന്നു, ലയത്തിലെ ആളുകൾ ഇന്നലെ വേറെ ഒരു പണി കൂടെ പറ്റിച്ചു, യൂണിയൻ നേതാക്കളുടെയും പ്രധാന കങ്കാണിമാരെയും വീടുകയറി നല്ല തല്ലു തല്ലി, ഇത്രയും നാളത്തെ രോഷ൦ അങ്ങനെ അങ്ങ് തീർത്തു, കൂടാതെ മറ്റൊരു വാർത്ത കൂടെ കേട്ട്.

എം.എൽ.എ യുടെ ബിനാമി ഡിസ്റ്റിലറി ഇന്നലെ ആൾകൂട്ടം തീയിട്ടു കത്തിച്ചു എന്ന് കൂടെ.

എം.എൽ.എ അവിടം വിട്ടു പോയി നാട്ടുകാരെ പേടിച്ചു എന്നാണ് കേട്ടത്,

നരൻ ചേട്ടന്റെ കാലിൽ പ്ലാസ്റ്റർ ഇട്ടിട്ടുണ്ട്, കയ്യിലും തലയിലും ചുറ്റിക്കെട്ടുണ്ട്, അവിടെ സഹായത്തിനു മണിയണ്ണനും ആളുകളും ഒക്കെ ഉണ്ട്, അപ്പോൾ ഇനി ഭേദമായിട്ടു തിരിച്ചു മിഥില പിടിക്കാൻ ഉള്ള തീരുമാനത്തിൽ ആണ് നരൻ ചേട്ടൻ.

സമീര വന്നു ഒരുപാട് നന്ദി എല്ലാവരോടും പറയുകയും ഉണ്ടായി ചെയ്ത പുണ്യ കാര്യത്തിന്, അതിനു ശേഷം അന്ന് അവിടെ ചിലവഴിച്ചു. വൈകുന്നേരം തിരിച്ചു പോകാം എന്ന് വിചാരിച്ചു.

കാര്യങ്ങൾ ഒക്കെ ഭംഗി ആയി ഉച്ച കഴിഞ്ഞപ്പോൾ ആണ് എം ജെ ആദിയെ വിളിച്ചത്, നേരിട്ട് കാണേണ്ട ആവശ്യം ഉണ്ട്, ഒന്ന് കാണാൻ സാധിക്കുമോ എന്ന് ചോദിച്ചു, ഇപ്പൊ തുഷാരഗിരിയിൽ ആണ്, ഒരു മൂന്നുമണി കഴിഞ്ഞു ഇറങ്ങും ഒരു അഞ്ചര ഒക്കെ  ആകുമ്പോ ഓഫീസിലേക്കു വരാം എന്ന് ആദി ഉറപ്പു കൊടുത്തു.

അവിടെ നിന്നും  ഒരു മൂന്നരയോടെ ആദി പുറപ്പെട്ടു, വൈകിട്ട് അഞ്ചേ മുക്കാൽ ആയപ്പൊളേക്കും എം ജെ യുടെ സ്റ്റുഡിയോയിൽ എത്തി.

എം ജെ ആദിയെ കാത്തു ഇരിക്കുക ആയിരുന്നു.

ആദി എം ജെ യുടെ ക്യാബിനിലേക്ക് കയറി

“ഗുഡ് ഈവെനിംഗ് എം ജെ ”

“ഗുഡ് ഈവനിംഗ് ആദി , എം ജെ എഴുന്നേറ്റു അവനെ സ്വീകരിച്ചു .

“എങ്ങനെ പോകുന്നു എം ജെ കാര്യങ്ങൾ ” ആദി തിരക്കി

“ഇത് വരെ ഒകെ ആണ് , ആദി ”

ആദിയുടെ വിശേഷങ്ങൾ എങ്ങനെ ?

ഞാനും ഹാപ്പി ആണ്, എല്ലാ൦ നല്ല രീതിയിൽ പോകുന്നു, അതൊക്കെ പോട്ടെ എന്താണ് എം ജെ എന്നോട് കാണണം എന്ന് പറഞ്ഞത് ”

അത് കേട്ടപ്പോ എം ജെ യുടെ മുഖ൦ ഒന്നു ഭാവം മാറിയിരുന്നു.

“ആദി ഫോണിലൂടെ പറയേണ്ട ഒരു കാര്യമല്ല , നേരിട്ട് തന്നെ കാണേണ്ടത് ആയിരുന്നു ”

ഇത്രേം മുഖവുര വേണോ എം ജെ , കാര്യം പറയുന്നെ

ആദി വെരി സോറി…അന്ന് നമ്മൾ ഷൂട്ട് ചെയ്ത ആഡ് ചില പ്രശ്ങ്ങങ്ങൾ ഉണ്ട്.

അതുകേട്ടു ആദിയുടെ മുഖം ഒന്ന് മാറിയ പോലെ

എന്ത് പ്രശനങ്ങൾ ?

ആദി ആ രണ്ടു പരസ്യവും ഗ്രാന്റ് ആണ്, അതിൽ ആദി വളരെ നന്നയി ആക്ട് ചെയ്തിട്ടുമുണ്ട്, നല്ല പെർഫെക്ഷനോടെ തന്നെ,

പിന്നെന്താ പ്രശനം ?

ആദി ,,,ആദ്യം കമ്പനിയുടെ പോളിസി ആയിരുന്നു ഒരു ന്യുകമർ നെ കൊണ്ട് ചെയ്യിക്കുവാൻ ആയി, ഒരു ഫ്രഷ് ഫേസ് തന്നെ ആകണം എന്ന് അവർക്കു നിർബന്ധം ഉണ്ടായിരുന്നു, പിന്നെ ആണ് അവരുടെ മാനേജ്മെന്റ് ആ ഡിസിഷൻ ചേഞ്ച് ചെയ്തത്, അവര്ക് പബ്ലിക് അക്‌സെപ്റ്റഡ് ഫിഗർ വേണം എന്ന്, ബ്രാൻഡ് വാല്യൂ ക്രിയേഷനു വേണ്ടി, അതുകൊണ്ടു അവർ ഫിലിം സ്റ്റാർസ് തന്നെ വേണം എന്ന് നിര്ബദ്ധ൦ പിടിച്ചു,  ബോളിവുഡ് ലെ രഞ്ജനെയും പിന്നെ സൗത്ത് ഹീറോ അനികേതിനെയും അവർ ഡീൽ ആക്കി വീണ്ടും ഷൂട്ട് ചെയ്യേണ്ടി വന്നു ….അതുകൊണ്ടു സെയി൦ ആഡ് അവർ അഭിനയിച്ചതേ വരൂ ,,,ആദിയുടെ ഫേസ് ഉണ്ടാകില്ല ,,,ഐ ആം എക്സ്ട്രീംലി സോറി ആദി, ഇത്രയും ഒന്നും ഞാൻ അറിഞ്ഞിരുന്നില്ല, ഞാൻ ആയി ആദിക്ക് ഹോപ് തന്നിട്ട് ഇപ്പൊ അത് നടക്കാതെ പോകുമ്പോ ഉള്ള ഒരു വിഷമം എനിക്ക് മനസിലാകും.

ആദി എം ജെ പറയുന്നത് കേട്ടിരുന്നു

എം ജെ , സംസാരം കഴിഞ്ഞു ആദിയുടെ റിയാക്ഷൻ അറിയാനായി ഒരല്പം മനഃപ്രയാസത്തോടെ നോക്കി

ആദി അവനെ നോക്കി പിന്നെ ഒരു ചിരി ആയിരുന്നു

അത് കണ്ടു എം ജെ ആകെ കൺഫ്യുഷൻ ആയി

എന്റെ പൊന്നു എം ജെ , ഒരു ചോദ്യം ചോദിച്ചോട്ടെ ?

ആ ചോദിച്ചോ ആദി.

എനിക്ക് കിട്ടിയ പൈസ ഒൻപതു ലക്ഷം രൂപ തിരികെ കൊടുക്കേണ്ടതായി വരുമോ ?

നോ വേ ,,,എന്തിനു, അത് ജോലി ചെയ്തു കിട്ടിയതല്ലേ.

വേണ്ടല്ലോ ,,,എന്ന എനിക്ക് ഒരു കുഴപ്പവും ഇല്ല ,

മനസിലായില്ല ???

എന്റെ എം ജെ, ഞാൻ ഇത് സ്വപ്നത്തിൽ കൂടി ആഗ്രഹിച്ചത് അല്ല, അത് ഒരു ആക്സിടന്റലി വന്നു പെട്ട് എന്ന് മാത്രം, എം ജെ വെറും അഞ്ചു ദിവസം പണി എടുത്തു ഒൻപതു ലക്ഷം രൂപ വേറെ എവിടെ,  അന്ന് കിട്ടിയ പൈസക്ക് വാങ്ങിയ ഒരു അടിപൊളി ജീപ്പ് ഞാൻ പാർക്കിങ്ങിൽ ഇട്ടിട്ടുണ്ട്, കൂടെ ബാക്കി ഉള്ള തുക എഫ് ഡി യും ഇട്ടു, ഒരു മൂലധനം ആയി, സത്യത്തിൽ എനിക്ക് എന്തായിരുന്നു വേണ്ടത് അത് നേടുവാൻ ആയി എനിക്ക് ഒരു വഴി തെളിഞ്ഞതാണ് ആ

പരസ്യത്തിലെ അഭിനയം എന്ന് മാത്രം, അല്ലാതെ എന്റെ മുഖവും ഫാഷനും ഒന്നും ആളുകള്‍  കാണണം എന്ന് എനിയ്ക്ക് ഒരു മോഹവും ഇല്ല, അജ്ഞാതൻ ആയി ഇരിക്കുവാനാ ഞാൻ ആഗ്രഹിക്കുന്നതും ,,,,

അത് കേട്ടതോടെ എം ജെ യുടെ മുഖത്ത് കുറെ ആശ്വാസം തെളിഞ്ഞു വന്ന പോലെ

എം ജെ ഒന്നുമില്ലേലും ഞാൻ ഒരു ലംബോർഗിനി കാറിൽ വിലകൂടിയ സ്യുട് ഇട്ടു ഇരുന്നില്ലേ, രാജാവിന്റെ കുപ്പായവും ഇട്ടു കുതിരപ്പുറത്തു കയറി രാജകുമാരിയെ രക്ഷിച്ചിലെ, ഇതിൽ കൂടുതൽ ഇനി എന്ത് വേണം, എനിക്ക് ആ ഒരു ഓർമ്മ മാത്രം മതി ,,,അന്ന് മുംബയിൽ പോയി ഇതൊക്കെ അഭിനയിച്ചത് കാരണം ഇപ്പൊ സ്വന്തമായി ഒരു ജീപ്പ് എനിക്ക് സ്വന്തമായി, ഏറ്റവും വലിയ ഒരു സ്വപനം ആയിരുന്നു.

ആദി ഇപ്പോൾ ആണുട്ടോ എനിക്ക് ശ്വാസം നേരെ വീണത്, പക്ഷെ ആദി സിദ്ധാർഥ് അടക്കം ഉള്ളവ൪ പറഞ്ഞ ഒരു കാര്യം ഉണ്ടായിരുന്നു, ആദിയുടെ ആഡ് ഇൽ അത് ആക്ടിങ് ആയി തോന്നിയതേ ഇല്ല, ശരിക്കും റിയൽ ആയിരുന്നു, ആ വൃദ്ധനെ സഹായിക്കുന്നതും അതുപോലെ ആ രാജകുമാരിയെ രക്ഷിക്കാൻ ആയി പോരാടുന്നതും ഒക്കെ അതൊക്കെ ശരിക്കും ജീവിതം തന്നെ ആയിരുന്നു, ആദി മാത്രേ പെർഫെക്ഷനോടെ ചെയ്തുള്ളു ,

എം ജെ അതിലൊന്നും ഒരു കാര്യവും ഇല്ല , സാധാരണ ഇങ്ങനെ ഉള്ള കാര്യമാണ് വരുമ്പോ എനിക്കു ഒരു നഷ്ടബോധം ഒക്കെ ആണ് തോന്നുക പതിവ്, പക്ഷെ ഇതിൽ ഞാൻ ഒരുപാട് ഹാപ്പി ആണ്, ഐ ആം കൂൾ.

പിന്നെ ,,,ഇനിയും ഇതുപോലെ വല്ല വേഷവും ഉണ്ടേ ധൈര്യമായി പറയണം കേട്ടോ, ഞാൻ റെഡി ആണ്, നമ്മുക് കൂലി മാത്രം കിട്ടിയാൽ മതി, എന്ത് വേഷവും ചെയ്യും അതിപ്പോ രാജാവ് മുതൽ പടയാളിയോ പോലീസ്കാരനോ വരെ, ഓഫീസർ മുതൽ പ്രാന്ത൯ വരെ എന്തും ചെയ്യും ,,,,

അത്  കേട്ട് എം ജെയും സന്തോഷത്തോടെ ചിരിച്ചു, അത് ഞാൻ എന്തായാലും അറിയിക്കാം ആദി

അതുമതി, അപ്പൊ എം ജെ വേറെ ഒന്നും ഇല്ലെങ്കിൽ ഞാൻ എന്ന തിരിച്ചോട്ടെ, പോയിട്ട് കുറെ കാര്യങ്ങൾ ഉണ്ട് അതുകൊണ്ടാണ്

ഓ ,,,,ഷുവർ ,,,ആദി ,,,,

ആദി അവിടെ നിന്നും എഴുന്നേറ്റു, ഇരുവരും ഷേഖ് ഹാൻഡ് കൊടുത്തു ആലിംഗനം ചെയ്തു

എം ജെ പുറത്തു വരെ ആദിയെയും അനുഗമിച്ചു

ആഹാ ജീപ്പ് ഒക്കെ കൊള്ളാല്ലോ

എല്ലാം എം ജെ എന്ന മിലൻ ജോണ്‍ സഹായം …ഞാൻ ഇതിന്റെ ഉള്ളിൽ എം ജെ ഈ വാഹനത്തിന്റെ ഐശ്വര്യം എന്ന് എഴുതി വെച്ചോട്ടെ ?

ആദി …അത്രയും വേണോ , എനിക്ക് താങ്ങില്ല

ഹി ഹി ഹി ചുമ്മാ പറഞ്ഞതാന്നെ ,,,,

അപ്പോൾ ശരിട്ടോ കാണാം ,,,

ഓ കാണണം …………

ബൈ ബൈ ,,,,,,

ആദി ജീപ്പിൽ കയറി അവിടെ നിന്നും നേരെ ലോഡ്ജിലേക്ക് തിരിച്ചു.

<<<<<<<<O>>>>>>>>