അനാമികയുടെ കഥ 6 [പ്രൊഫസർ ബ്രോ] 213

“അത്… ഞാൻ അച്ചുവിന്റെ കാര്യം പറഞ്ഞിട്ടില്ലേ, എന്റെ അമ്മാവന്റെ മകൾ അവൾ എന്നെക്കാൾ രണ്ട് വയസ്സിനു മൂത്തതാണ്, അവൾക്ക് കല്യാണം ആലോചിക്കുന്നുണ്ട് ഏട്ടന് സമ്മതമാണെങ്കിൽ… ”

അവളുടെ ആ ആവശ്യം ഗൗതമിന്റെ കുറച്ചു സമയത്തേക്കുള്ള നിശ്ശബ്ദതതക്ക് കാരണമായി, കുറച്ചു സമയത്തിന് ശേഷം അവൻ സംസാരിച്ചു തുടങ്ങി

“അനൂ… മോള് എന്നോട് ചോദിച്ചില്ലേ എന്താ കല്യാണം കഴിക്കാത്തത് എന്ന്…, ഞാനും ആലോചിക്കാതെ അല്ല, പക്ഷെ എല്ലാ ആലോചനകളും ചെന്നെത്തുന്ന ഒരു ചോദ്യം ഉണ്ട് അച്ഛൻ എന്ത് ചെയ്യുന്നു എന്ന്…, മരിച്ചുപോയെങ്കിൽ അങ്ങനെ പറയാം, ഇത് ഞാൻ എന്ത് പറയും… എന്തൊക്കെ നേടിയാലും സമൂഹത്തിൽ എത്ര നിലയും വിലയും ഉണ്ടെങ്കിലും ഞാൻ എന്നും ഒരു തന്തയില്ലാത്തവൻ തന്നെ ആണ്, അങ്ങനെ ഒരാൾക്ക് ആര് പെണ്ണ് തരാനാ…എന്റെ കല്യാണ ആലോചനയുടെ പേരിൽ ആയാൽ പോലും എന്റെ അമ്മയെ ആരും മോശം പറയുന്നത് എനിക്ക് സഹിക്കാൻ പറ്റില്ല….  ”

അത് പറയുമ്പോൾ ഒരിക്കൽപ്പോലും ഗൗതമിന്റെ ശബ്ദം ഇടറിയില്ല, അവൻ ജീവിച്ചു വന്ന സാഹചര്യങ്ങൾ അവനെ  അതിന് പാകപ്പെടുത്തിയിരുന്നു

“ഏട്ടാ…”

“ഏയ്‌… മോള് വിഷമിക്കാൻ വേണ്ടി പറഞ്ഞതല്ല, എന്റെ അവസ്ഥ ഇതാണ് അതുകൊണ്ട് പറഞ്ഞു എന്നെ ഉള്ളു”

“ഞാൻ പറഞ്ഞിട്ടില്ലേ ഏട്ടാ, എന്റെ ഏറ്റവും അടുത്ത സുഹൃത്താണ് അച്ചു. അവളോട് ഞാൻ പറയാത്തതായി ഒന്നും തന്നെ ഇല്ല. അരുണിന്റെ കാര്യം പോലും അവൾക്ക് അറിയാമായിരുന്നു., ഇപ്പൊ ഏട്ടന്റെ കാര്യവും”

അനാമിക ഒന്ന് നിർത്തി ഗൗതമിന്റെ മുഖത്തേക്ക് നോക്കി,വീണ്ടും തുടർന്നു

“ഞാൻ ഇങ്ങനെ ഒരു ഏട്ടന്റെ കാര്യം പറഞ്ഞപ്പോൾ ആദ്യം അവൾക്കൊരു ഞെട്ടൽ ആയിരുന്നു, പിന്നെ ഞാൻ പറഞ്ഞതിൽ നിന്നും അവൾക്കും ഏട്ടനെ ഇഷ്ടായി. ഇഷ്ടം എന്ന് വച്ചാൽ വേറെ ഒന്നും അല്ല നല്ല ഏട്ടനാണല്ലോ എന്നൊക്കെ പറഞ്ഞു അത്രയേ ഉള്ളു പക്ഷെ അത് കേട്ടപ്പോഴാണ് എന്റെ മനസ്സിൽ ഇങ്ങനെ ഒരു ചിന്ത വന്നത്… എനിക്ക് അച്ചുവിനെ നന്നായി അറിയാം എന്റെ ഏട്ടന് അവളെക്കാൾ നല്ലൊരു പെണ്ണിനെ കിട്ടില്ല.ഞാൻ സംസാരിക്കട്ടെ അവളോട്… ഒന്ന് സമ്മതിക്കു ഏട്ടാ ”

“അത് വേണ്ട മോളെ…ശരിയാകില്ല, എനിക്ക് അമ്മയും നീയും മാത്രം മതി”

“പിന്നെ… അത് ഏട്ടൻ മാത്രം തീരുമാനിച്ചാൽ മതിയോ… ഞാൻ അമ്മയോട് പറഞ്ഞോളാം”

“വേണ്ട.അമ്മയോട് പറയണ്ട ”

“ആ,.. അല്ലെങ്കിൽ അമ്മയോട് ഇപ്പൊ പറയുന്നില്ല ആദ്യം ഞാൻ അവളോട് ഒന്ന് സംസാരിക്കട്ടെ ”

പിന്നെ ഒന്നും പറഞ്ഞിട്ട് കാര്യമില്ല എന്ന് മനസ്സിലായത് കൊണ്ട് ഗൗതം ഒന്നും മിണ്ടിയില്ല

“എന്താ ഏട്ടൻ ഒന്നും പറയാത്തത്… എന്നോട് ദേഷ്യമാണോ…”

“ദേഷ്യമോ… നിന്നോടോ… പോടീ കാ‍ന്താരി… ”

“അല്ല, ദേഷ്യം തോന്നിയാലും കുഴപ്പമില്ല, ഞാൻ തീരുമാനിച്ചു കഴിഞ്ഞു ”

“ആ… നീ എന്തെങ്കിലും കാണിക്ക് ”