അനാമിക 4 [Jeevan] 284

” അത് ഇങ്ങോട്ട് വരുമ്പോൾ ചേട്ടനെ എനിക്ക് വല്യ പരിചയം ഇല്ലല്ലോ… ഇപ്പോൾ നമ്മൾ നല്ല കൂട്ടായല്ലോ… അപ്പോൾ ഇങ്ങനെ ഇരിക്കാം എന്ന് വച്ചു… അല്ലേലും എനിക്ക് ഇതാ സുഖം ഇരിക്കാൻ… ”

” അങ്ങനെ ആണോ… അപ്പോൾ ഇനി ഇങ്ങനെ എന്റെ കൂടെ ബൈക്കിൽ കയറാൻ അവസരം കിട്ടിയാൽ ഇത് പോലെ ഇരുന്നാൽ മതി കേട്ടോ… ”

അങ്ങനെ പൊക്കോണ്ടിരിക്കുമ്പോൾ വണ്ടി റിസർവ് ആയി, കുറച്ചു ദുരം കഴിഞ്ഞ് ആദ്യം കണ്ട പമ്പിൽ കയറി പെട്രോൾ അടിക്കാനായി. അവൾ ഇറങ്ങി,  പെട്രോൾ അടിച്ചു ടാങ്ക് അടച്ചു പൈസ കൊടുത്ത് വണ്ടി എടുത്തപ്പോൾ അവൾ ഇത്തിരി മാറി വയറിൽ കയ്യും അമർത്തി നിൽപ്പുണ്ട്. ഞാൻ വണ്ടി സ്റ്റാർട്ട്‌ ആക്കി അവളുടെ അടുത്ത് നിർത്തി എന്താ എന്ന് ചോദിച്ചു –

” എന്തോ… ചെറിയ ഒരു വയറു വേദന തോന്നുന്നു… ”

“അയ്യോ.. എന്തു പറ്റി… ഗ്യാസിന്റെ ആണോ… പതിവിലും ഒത്തിരി ലേറ്റ് ആയല്ലേ കഴിച്ചതും…തീരെ വയ്യേ നമുക്ക് ഹോസ്പിറ്റലിൽ പോകാം… ”

” ഏയ്… ഗ്യാസിന്റെ ആകും.. മല കയറിയപ്പോൾ  നന്നായി വിശന്നു… തിരികെ വന്നല്ലേ കഴിച്ചേ… നമുക്കു വേഗം പോകാം… ”

” ശരി… വന്നു കയറ്‌… പോകാം ”

വണ്ടി കുറച്ചു കൂടെ മുന്നോട്ടു പോയി ചെറിയ ഒരു കവല അടുപ്പിച്ചു എത്താറായപ്പോൾ അവൾക് വേദന കൂടി. ഞാൻ വണ്ടി നിർത്തിയപ്പോൾ പതുക്കെ എന്റെ തോളിൽ അമർത്തി അവൾ വണ്ടിയിൽ നിന്നും ഇറങ്ങി.  വണ്ടി ഓഫ്‌ ചെയ്തു ഞാനും ഇറങ്ങി.

അവൾ അടിവയറ്റിൽ കൈ അമർത്തി പിടിച്ചു ” അമ്മേ ” എന്ന് വിളിച്ചു ഞരങ്ങി. ഞാൻ എന്താണ് സംഭവിക്കുന്നത്, എന്തു ചെയ്യണം എന്ന് അറിയാതെ കുഴഞ്ഞു. അവളുടെ വാലിട്ടെഴുതിയ ആ സുന്ദര മിഴികൾ ഈറനാകുന്നത് കണ്ടപ്പോൾ എന്റെ ചങ്ക് പിടഞ്ഞു. പെട്ടന്ന് അവൾ ഒരു കൈ എടുത്തു നെറ്റിൽ പിടിച്ചു, ആ കൈ കൊണ്ടു എന്റെ കയ്യിൽ ബലമായി പിടിച്ചു, അവൾ വീഴാൻ പോകുന്നത് കണ്ട്രോൾ ചെയ്തു നിന്ന പോലെ നിന്നു. അവൾക്കു തലകറക്കം കൂടെ ആണെന്ന് എനിക്ക് മനസ്സിലായി. ഞാൻ അവളുടെ തോളിലൂടെ കൈ ഇട്ടു എന്നിലേക് ചേർത്ത് പിടിച്ചു.

എന്തു ചെയ്യണം എന്ന് അറിയാതെ ഞാൻ ചുറ്റും നോക്കി. ഞാൻ ആകെ ടെൻഷനായി. അപ്പോൾ ആണ്, കുറച്ചു ദൂരം മുന്നോട്ടു മാറി  റോഡിനു എതിർവശത്തായി ഒരു ലോഡ്ജ് എന്റെ ശ്രദ്ധയിൽ പെട്ടത്. ഞാൻ അവളെ പിടിച്ചു പതുകെ അവിടേക്കു നടന്നു.

“ശ്രീ വെങ്കിടേഷ ഭവനം ” മുന്നിൽ വെള്ള ബാക്ക്ഗ്രൗണ്ടിൽ വലിയ ചുവന്ന അക്ഷരത്തിലുള്ള ബോർഡ്‌ കണ്ടു. ഉള്ളിൽ കയറി, അവളെ റിസപ്ഷനിൽ ഉള്ള സോഫയിൽ ഇരുത്തി ഞാൻ റിസപ്ഷനിസ്റ്റിനോട് റൂം ചോദിച്ചു എങ്കിലും അയാൾ ആദ്യം തരാൻ കൂട്ടാക്കിയില്ല, അവിവാഹിതരായ കപ്പിൾസിനു റൂം തരില്ല എന്ന് പറഞ്ഞു.

അവൾ എന്റെ കസിൻ ആണെന്നും,  ക്ഷേത്രത്തിൽ പോയി വന്നപ്പോൾ തലകറക്കം ഉണ്ടായി, അല്പം വിശ്രമിക്കാൻ ആണെന്നും പറഞ്ഞപ്പോൾ എന്റെ ഭാവവും മറ്റും കണ്ടു പാവം തോന്നി അയാൾ റൂം അനുവദിച്ചു.