അകലെ 4 [Rambo] 1813

അങ്ങനെ…അതവിടെ കഴിഞ്ഞു ട്ടൊ..

അന്ന് ക്ലാസ് കഴിഞ്ഞു പോകുമ്പോ ഒന്നും അവളെ ഞാൻ തിരഞ്ഞില്ല…എന്തോ എന്റെ മനസ്സിനെ ഞാൻ പറഞ്ഞു മനസ്സിലാക്കിയിരുന്നു അപ്പോഴേക്കും….

വെറുതെ എന്തിനാ ല്ലേ

ഹാ…നമുക്കതൊന്നും വിധിച്ചിട്ടില്ലെന്റെ ശശിയെ ന്നും പറഞ്ഞു സുരയോടൊപ്പം ബസ്സ് കേറാൻ പോയി…

പക്ഷെ…ആരെയോ കാത്തെന്നപോലെ…അവളവിടെ നിൽക്കുന്നുണ്ട്…ചുറ്റും നോക്കുന്നുമുണ്ടേ…

ഞാൻ കൂടുതലൊന്നും  ശ്രദ്ദിച്ചില്ല

ഇനിയിപ്പോ വെറുതെ എന്തിനാ ല്ലേ

ഫോൺ എല്ലാം പുറത്താണ് വെക്കാറുള്ളത്…ഉള്ളിലേക്ക് allowed അല്ല…അങ്ങനെ അതും എടുത്തു തിരിഞ്ഞപ്പോ ഉണ്ട് അവളെന്നെയും നോക്കി ചിരിച്ചോണ്ട് നിൽക്കുന്നു…

ശ്ശെടാ…ഞാൻ ഒന്ന് പിന്നിലേക്ക് നോക്കി..ഇനിയെന്നെ എങ്ങാനുമല്ലെങ്കിലോ…വെറുതെ ശശിയാവണ്ടല്ലോ…

പക്ഷെ…ആ കുരിപ്പ് എന്നെ നോക്കി തന്നെയാ ഇളിച്ചോണ്ട് നിന്നെ…ഞാൻ മൈൻഡ് ചെയ്യാതെ കടന്നുപോയി…

ആഹാ…നമ്മളോടാ കളി..

നേരെ ബസ് സ്റ്റോപ്പിൽ പോയി…നല്ല തിരക്കുണ്ട്…അതോണ്ട് എന്നും തിരക്കൊഴിഞ് 5:30 നു ഉള്ള ബസ്സിൽ ആണ് പോവാറ്…അതുവരെ അവിടെ നിന്ന് വായിനോട്ടവും സൊറപറച്ചിലുമായി തള്ളിനീക്കും ന്നെ…

ഇതൊക്കെയെന്ത്

പെട്ടെന്നെന്നെ പുറകിൽ നിന്നും ഒരു തോണ്ടൽ…ഇതാരപ്പ എന്ന മട്ടിൽ തിരിഞ്ഞപ്പോ അവളാണ്……അവൾ ഇവൾ എന്നു പറയുന്നോണ്ട് ഒന്നും തോന്നല്ലേ…പേര് ചോയ്ക്കാൻ പോലും കഴിയാത്ത ഒരു ഹതഭാഗ്യൻ ആണ് ട്ടൊ ഞാൻ

അന്നേരം അവൾ എന്റെയടുത്ത് മുഖവും താഴ്ത്തി ആണ് നിൽകുന്നേ….എന്തോ അതുകണ്ടപ്പോ പാവം തോന്നി…ഉള്ളിൽ ഒരു ചിരിയുണ്ടെലും അതു പുറത്തുകാണിക്കാതെ തന്നെ ഞാൻ ചോദിച്ചു..

“ങും…എന്തേ…”