അകലെ 4 [Rambo] 1814

“ഹാ…പുന്നരമക്കൾ ചാടിപ്പോയെന്നും പറഞ്ഞു എനിക്ക് ഒരു complaint കിട്ടി…അപ്പൊ ഏതായാലും ഒന്നു വിരട്ടുന്ന പോലെ കാണിക്കാം എന്ന് വിചാരിച്ചു..നിന്നെയൊന്നും ഉപദേശിച്ചിട്ട് കാര്യം ഇല്ല ന്ന് അറിയാം…എന്നാലും ബാക്കിയുള്ളതൊന്നും ഇതുകണ്ട് തുടരണ്ട ന്ന് കരുതിയ”

ഹാ…ഞങ്ങൾ എല്ലാം തലയാട്ടി..

“ഇനി അവിടെ പോയി ഒന്നും പറഞ്ഞില്ല ന്ന് പറയാൻ നിൽക്കേണ്ട….കേട്ടല്ലോ”

ഞങ്ങൾ അതെയെന്ന് തലയാട്ടി…

“ഹോ…എന്താ അനുസരണ…പറഞ്ഞാൽ കേൾക്കുന്ന മുതലേ…പടത്തിനൊക്കെ പൊയ്ക്കോ…പക്ഷെ രാവിലെ പോയിട്ട് ഉച്ചക്ക് കേറിക്കോ…നിനക്കൊന്നും തലക്ക് ഓളമില്ലെടാ…വെറുതെ തെറി കേൾപ്പിക്കാനായിട്ട്….അതെങ്ങനാ…കിളി പോയവന്റെ കൂടെ അല്ലെ നടപ്പ്…ആഹ് പൊക്കോ പൊക്കോ”

വീണ്ടും പുച്ഛം.. എന്നെ നോക്കി ആണ് പറഞ്ഞു നിർത്തിയെ

എന്നാലും എനിക്കൊരു സന്തോഷം തന്നെ ആയിരുന്നു അത്…എന്തിനും കൂടെനിൽക്കാൻ ഒരാളുണ്ടല്ലോ..ദത് മതി

അവിടുന്ന് നേരെ ക്ലാസ്സിലേക്ക് വിട്ടു…പരമാവധി വിഷമം കുത്തിക്കേറ്റി ആണ് പോയേ…ഹമ്മേ..വിവേകിന്റെ ഒക്കെ മോന്തായം കണ്ടാ ഏതോ കേസിന് അകത്തുകിടന്നു വരുന്ന പോലെ ആണ്

ഇതവന്റെ അഭിനയം ആയതുകൊണ്ട് അവനൊരു ഓസ്കാർ കൊടുക്കണം

എല്ലാം ഞങ്ങളെ നോക്കി ഇരിപ്പുണ്ട്…വിഗ്ഗു ആണേൽ മുടിഞ്ഞ ചിരിയും…അവനുംകൂടെ കിട്ടേണ്ടതാ…എന്നൊക്കെപറഞ് അവൻ ചിരി തന്നെ…നമ്മക്കല്ലേ അറിയൂ എന്താ ഉണ്ടായേ ന്ന്

ക്ലാസിനിടക്ക് എപ്പോഴോ അവളെ നോക്കിയപ്പോ ഉണ്ട് പുള്ളിക്കാരി എന്നേം നോക്കി ദഹിപ്പിക്കുന്നു….ഞാൻ കണ്ടപാടെ തിരിഞ്ഞിരുന്നു…