ആഴങ്ങളിൽ

Aazhangalil Part 1 | Author : Rakshadhikaari Baiju

“മനോജ് സാറെ ഞാനങ്ങോട്ടിറങ്ങുവാണ് കേട്ടോ.ഇന്നത്തെ എന്റെ പിരീഡുകളെല്ലാം കഴിഞ്ഞു.”

“ആ എന്നാ അങ്ങനെയാവട്ടെ ഹരി. എനിക്കൊരു എക്സ്ട്രാ പിരീഡു കൂടിയുണ്ട് നമ്മുടെ ഹ്യൂമാനിറ്റീസ് ബാച്ചിന്‌. അല്ലേൽ കൂടെ ഇറങ്ങാരുന്നു.”

“അതുപിന്നെ…. സാറെ എന്നെ…ആ വണ്ടിക്കരികിലേക്കു കൊണ്ടൊന്നെത്തിക്കണെ”.

“പിന്നെന്താ വാടോ ഇറങ്ങാം.”

“സാറെ ഒരു സെക്കൻഡ് ഇതൊന്നെടുക്കട്ടെ… ആ ഒക്കെ ഇനി ഇറങ്ങാം.”

“അല്ല ഇന്നലെ പോകുന്ന വഴിക്കുനീ സ്റ്റിക്ക് വാങ്ങുന്നകാര്യം പറഞ്ഞിരുന്നെല്ലോ. എന്തേ മറന്നോ ഇന്ന്.”

“ഏയ്‌ മറന്നതല്ല സാറേ. എന്റെ കൂട്ടുകാര് രണ്ടുപേര് ഇന്ന് കൊച്ചിയിൽനിന്നും വരുന്നുണ്ട്. അപ്പോ അവര് കൊണ്ടുവരാമെന്ന് ഇന്നലെ  ഫോൺ വിളിച്ചപ്പോ പറഞ്ഞു…”

“ആണോ ആ അതേതായാലും നന്നായി. അവിടാകുമ്പോ നല്ല സാധനം കിട്ടും, വിലായായാലും. ഇവിടുത്തെ പോലെ ആവില്ല.”

“ആ അത് ശരിയാ ഇവിടെ വിലയുണ്ട് ഗുണമില്ലെന്നേ… പിന്നെ സാറെ ദേ ഇവിടെ മതി കേട്ടോ ഞാനീ പടികെട്ടിലിരിക്കാം സാറാ വണ്ടി ഇങ്ങ് കൊണ്ടു തന്നാമതി.”

“അതെന്താടാ എനിക്ക് ബുദ്ധിമുട്ടാവുമെന്ന് കരുതിയാണോ…?”