∆ ആഴങ്ങളിൽ ∆ [രക്ഷാധികാരി ബൈജു] 84

“ആ കൊള്ളാം… ദാ ഇന്നാ നിന്റെ സ്റ്റിക്ക് എങ്ങനുണ്ടെന്ന് നോക്ക്.”

 

“ഓ സന്തോഷം മറന്നില്ല , അല്ലേ…”

 

“പിന്നേ മറന്നു. ഒന്ന് പോയേടാ. നീ സാധനമെങ്ങനുണ്ടെന്നു നോക്കിയിട്ടു പറ”

 

“പറയാനുണ്ടോ കാണുമ്പോഴേ അറിയാം നല്ല ക്വാളിറ്റി സ്റ്റിക്കാ. ഇവിടൊന്നും ഇത്ര നല്ല സാധനം കിട്ടില്ല.”

 

“ആ അതാ ഞങ്ങൾ വരുമ്പോ കൊണ്ടുവെരാന്ന് പറഞ്ഞെ.”

 

“അത് നന്നായീന്ന് തോന്നുന്നു ഇപ്പൊ. പിന്നെ അവനെ ചെറുക്കൻ പിടിച്ചു അല്ലേ. ഞാൻ കേട്ടു ഉമ്മറത്ത് പറഞ്ഞത്.”

 

“അതേടാ. ചെറുക്കനവന്റെ കാലിൽ നിന്ന് വിടുന്നില്ല ഒരു നിവർത്തിയും ഇല്ലാതെ വന്നപ്പൊഴാ എന്നോടു നീ പോക്കോന്നു പറഞ്ഞെ.”

 

“ഹഹഹ… അതു കൊള്ളാം. അതിരിക്കട്ടെ നിന്റെ കൊച്ചെന്തിയേടാ…”

 

“വീട്ടിൽ കാണും. ഇനി യു.കെ.ജി.യിലേക്കാടാ. അടുത്ത മാസം ക്ലാസുത്തുടങ്ങുമെന്നാ ഇന്നലെ വിളിച്ചപ്പോ അവള് പറഞ്ഞെ.”

 

“അപ്പൊ വീട്ടിൽ പറഞ്ഞില്ലേ നീയിന്നു വരുന്ന കാര്യം.”

 

“ഇല്ലാടാ ഒരു സർപ്രൈസ് കൊടുക്കാന്ന് വെച്ചു”

 

“ആ അത് കൊള്ളാം. (ഒരു സെക്കൻഡെടാ) അതേ അമ്മേ… അമ്മോ… ഒരു ചായ എടുക്കരുതോ. അതോ അതിനി പറഞ്ഞാലേ കൊണ്ടുവരൂ എന്നുണ്ടോ…”

 

“എന്തുവാടാ ഇത് ഒരുമാതിരി പണ്ടത്തെ കാർണോന്മാരെ പോലെ. ഇങ്ങനെ പെണ്ണ് കെട്ടാതെ വീട്ടിലിരുന്ന് വയ്യാത്തമ്മക്ക് ശരണു കൊടുക്കില്ലല്ലെ നീ…”