ഒരു ചെറിയ ആമുഖം ,
പ്രിയ സുഹൃത്തുക്കളെ , ഈ ചെറിയ കഥ വായിച്ചു നിങ്ങള്‍ എല്ലാവരും തരുന്ന പിന്തുണ , അത് ഒന്നുകൊണ്ടു മാത്രം ആണ് വീണ്ടും എഴുതുവാന്‍ ഉള്ള ഊര്‍ജം ലഭിക്കുന്നത്. ഈ പിന്തുണയ്ക്ക് , അഭിപ്രായങ്ങള്‍ക് ഒരുപാട് നന്ദി രേഖപ്പെടുത്തുന്നു. കഴിഞ്ഞ ഭാഗം അക്ഷര പിശകുകള്‍ കുറഞ്ഞു എന്നു എല്ലാവരും പറഞ്ഞു , പക്ഷേ പൂര്‍ണമായും ഇല്ലാതെ ആയില്ല. ഈ ഭാഗം ആ കുറവ് ഉണ്ടാകാതെ ഇരിക്കാനായി പരമാവധി ശ്രമിക്കും . പിന്നെ ഇത് ഒരു ചെറിയ പ്രണയ കഥ ആണ് , അത് കൊണ്ട് തന്നെ വലിയ ട്വിസ്റ്റ് ഒന്നും ഉണ്ടാകില്ല .. ഇനിയും എല്ലാവരുടെയും സ്നേഹവും സുപ്പോര്‍ട്ടും പ്രതീക്ഷിച്ചു കൊണ്ട് ഈ ഭാഗം തരുന്നു . ഈ ഭാഗം അല്പം വൈകിപ്പോയി. അതിനു എല്ലാവരോടും ക്ഷമ ചോദിക്കുന്നു. ഈ ഭാഗം, പൂർണ്ണമായും എന്നെ കഥകളിലൂടെ യാത്ര ചെയ്യാന്‍ പഠിപ്പിച്ച എന്‍റെ ഗുരു തുല്ല്യനും ജേഷ്ഠനും ആയ ഒരു എഴുത്ത് കാരന്‍ ഉണ്ട്, അദ്ദേഹത്തിന്‍റെ പാദങ്ങളില്‍ സമര്‍പ്പിക്കുന്നു…**************************//
“ ഡാ , അത് …അത് എനിക്കു …നിന്‍റെ ഒപ്പം നില്‍ക്കുമ്പോള്‍ … നീ ഭയങ്കര കെയറിങ് ആണ്… നിന്‍റെ ഒപ്പം നില്‍ക്കുമ്പോള്‍ എനിക്കു ഒരുപാട് സുരക്ഷിതത്വം ഫീല്‍ ചെയ്യും …നീ …നീ …എനിക്ക് … ഐ ലൈക് യു സോ മച്ച് …” എന്നു വിക്കി വിക്കി പറഞ്ഞു അവള്‍ എന്നെ കെട്ടിപ്പിടിച്ചു … ഞാന്‍ എന്താ സംഭവിക്കുന്നേ എന്നു മനസ്സിലാകാതെ ഞെട്ടി …
//അവള്‍ വിതുമ്പി തുടങ്ങിയിരുന്നു , എന്നെ വീണ്ടും മുറുകെ പുണര്‍ന്ന്കൊണ്ട് അവളുടെ മിഴിനീര്‍ നനവ് എന്‍റെ നെഞ്ചില്‍ സമ്മാനിച്ചു . അവളുടെ മനസ്സ് വായിച്ചെടുക്കാന്‍ എനിക്കു ആകുമായിരുന്നില്ല , ശ്രീയുടെ പുറത്തു തട്ടി അവളെ ഞാന്‍ ആശ്വസിപ്പിച്ചു കൊണ്ടിരുന്നു .
ഏകദേശം 2 മിനിറ്റ് ശ്രീ എന്നെ അങ്ങനെ തന്നെ പുണര്‍ന്ന് നിന്നു , ഞാന്‍ ആശ്വസിപ്പിച്ചത് അല്ലാതെ മറ്റൊന്നും ചെയ്തില്ല . അവളുടെ വിതുമ്പല്‍ എന്നെയും വിഷമത്തില്‍ ആക്കിയിരുന്നു , എങ്കിലും ഒന്നു ശാന്തം ആയപ്പോള്‍ ഞാന്‍ അവളെ അടര്‍ത്തി മാറ്റിക്കൊണ്ടു പറഞ്ഞു ,

” ശ്രീ , എന്താ ഇത് , എന്തിനാ നീ ഇങ്ങനെ സങ്കടപ്പെടുന്നെ , സാരമില്ല അതൊക്കെ കഴിഞ്ഞില്ലെ , ഇനി വിട്ടുകള…”

” ജഗ്ഗു , അതല്ലട … ഇന്നത്തെ സംഭവം കൊണ്ട് അല്ല , പക്ഷേ നീ കൂടെ ഉള്ളപ്പോള്‍ എനിക്കു എന്തു സുരക്ഷിതത്വം ആണ് ഫീല്‍ ചെയ്യുന്നത് എന്നോ …എന്‍റെ അച്ഛന്‍റെ അടുത്തു നിന്നും മാത്രമേ ഇത്ര കെയറിങ് , പിന്നെ കോംഫോര്‍ട്ട് എനിക്കു കിട്ടിയിട്ടുള്ളൂ … നിന്‍റെ സാമീപ്യം എന്നെ ഒരുപാട് സന്തോഷിപ്പിക്കുന്നു …. ഐ റിയല്ലി ലൈക് യു ജഗന്‍ …”

” ശ്രീ … എനിക്കും നിന്നെ ഒരുപാട് ഇഷ്ടമാണ് … നീ എനിക്കു ഒരു സുഹൃത്ത് മാത്രം അല്ല … എന്‍റെ ഒരു കൂടപ്പിറപ്പ് പോലെ ആണ് …. എത്ര വട്ടം മനസ്സില്‍ ഞാന്‍ അത് കൊതിച്ചിട്ടുണ്ട് … നീ എന്‍റെ സ്വന്തം അനിയത്തി കുട്ടി തന്നെയാ … സ്വന്തം ചേട്ടന്‍ തരുന്ന ആ കെയറിങ് അത് തന്നെയാ ഞാനും നിനക്കു തരുന്നത് …നീ അങ്ങനെ കരുതിയാല്‍ മതി … നേരം വൈകുന്നു , വരൂ നമുക്ക് പോകാം , വിഷ്ണു അവിടെ കാത്തു നിൽക്കുക ആകും …”