ഡെറിക് എബ്രഹാം 26 [അഹമ്മദ് ശഫീഖ് ചെറുകുന്ന്] 149

ഡെറിക് എബ്രഹാം 26
( In the Name of COLLECTOR )

~~~~~~~~~~~~~~~~~~~~~~~~~~

✒️ അഹമ്മദ് ശഫീഖ് ചെറുകുന്ന്

PART 26

Previous Parts

 

സ്റ്റീഫന്റെ വാക്കുകളിൽ നിന്നും ഇടറി വീഴുന്നതെന്തെന്നറിയാൻ ഡെറിക് കാതോർത്തിരുന്നു…

 

“ആണുങ്ങൾ തമ്മിൽ കരുത്ത് തെളിയിക്കേണ്ടത് തോക്ക് കൊണ്ടും, വാൾ കൊണ്ടൊന്നുമല്ല ഡെറിക്…”

 

“പിന്നെന്ത് കൊണ്ടാണാവോ സാർ ? ”

 

“സിലമ്പാട്ടം..

കേട്ടിട്ടുണ്ടോ…

ധീരന്മാർ , അവരുടെ ശക്തി തെളിയിക്കേണ്ടത് സിലമ്പാട്ടം ആടിയിട്ടാണ്..”

 

“സിലമ്പാട്ടം…

ഇതെന്താ സ്റ്റീഫാ…

തടി തപ്പാൻ വേറൊന്നും കിട്ടാതെയായപ്പോഴാണോ നീ തനി തമിഴനായത്..? ”

 

“ജനിച്ചത് ദൈവത്തിന്റെ സ്വന്തം നാട്ടിലാണെങ്കിലും , വളർത്തിയതൊക്കെ തമിൾ മക്കൾ തന്നെയാണ് ഡെറിക്…”

 

“ഓഹ്..എൻ തമിൾ മനിതാ..

ധീരനായ താങ്കൾ ഇത്രയും കാലം ആണത്തം കാണിച്ചതൊക്കെ സിലമ്പാട്ടം ആടിയിട്ടാണോ..

എവിടെയും പറഞ്ഞു കേട്ടില്ല…? ”

 

“ഹഹഹ…

ഐപിഎസ് തീരെ വിട്ടു തരുന്നില്ലല്ലോ….

നിന്നെ പോലെയുള്ള ആൺകുട്ടികൾ ഇത് വരെ എന്റെ ജീവിതത്തിൽ ഉണ്ടായിട്ടില്ല ഡെറിക്…

ഇങ്ങനെയൊരവസരം പാഴാക്കാനെനിക്ക് തോന്നുന്നില്ല…

എങ്കിലും , ഞാൻ നിർബന്ധിക്കില്ല…

നിനക്ക് പേടിയാണെങ്കിൽ വിട്ടേക്ക്…”

 

“ഹഹഹ…

എന്തൊരു ബോറാണ് സ്റ്റീഫാ നിന്റെയീ നാടകം..വാശി കയറ്റാനാണ് സാറിന്റെ ഉദ്ദേശമെങ്കിൽ , നീ ഇച്ചിരി കൂടി മൂക്കാനുണ്ട് സ്റ്റീഫാ…

ഏതായാലും , പുകഴ്ത്തിപ്പറയലുകൾക്ക് നന്ദി…