വ്യസനസമേതം ഞാൻ ഒരു കാര്യം അറിയിക്കട്ടെ… എന്റെ മുത്തശ്ശി ഈ ലോകത്തോട് വിട പറഞ്ഞു…. എൻെറ മുത്തശ്ശിയുടെ വേർപാടാണ് സ്റ്റോറി വൈകുവാൻ കാരണം…102 വയസ്സ് വരെ ജീവിച്ചു ഞങ്ങളെ വിട്ടു പോയ എന്റെ പ്രിയപ്പെട്ട മുത്തശിക്ക് പ്രണാമം നേർന്നുകൊണ്ട് ഞാൻ തുടങ്ങുന്നു….

” ശ്രീതു നമ്പ്യാർ …. ” വളരെ ദൃഢമായ ശബ്ദം വീണ്ടും തുടർന്നു…  ” ജസ്റ്റിൻ…. മാന്യതയുടെ മുഖം മൂടി ധരിച്ച ഒരാൾ ഇന്ന് ഇവിടെ അസ്തമിച്ചിരിക്കുന്നു…. ഇനിയുമേറെ മുഖംമൂടികൾ വരും ദിനങ്ങളിൽ ഞാൻ വലിച്ചുകീറും…. അവർ അർഹിച്ച ശിക്ഷ നൽകി അവരെ ഈ ഭൂമുഖത്ത് നിന്നും തുടച്ചു നീക്കും… “

  ” ഹേയ്… നീ ആരാണ്… എന്താണ് നിന്റെ ഉദ്ദേശം… ” ശ്രീതു മറുതലക്കൽ ഉള്ള ശബ്‍ടത്തോട് ചോദിച്ചു.

  ” ഹ…ഹ… ഹ… “

  അട്ടഹാസം കേട്ട് ശ്രീതുവിന് കോപം വർധിച്ചു വന്നു.

  ” പ്ഫാ… റാസ്‌ക്കൽ… നീ ആരോടാണ് സംസാരിക്കുന്നതെന്ന് നിനക്ക് ബോധമുണ്ടോ… നീ ഈ കോൾ കട്ട് ചെയ്തു നിമിഷങ്ങൾക്കകം നിന്നെ ഞാൻ പൊക്കിയിരിക്കും… “

  ” ഹ…ഹ… ഹ…. മാഡത്തിന് പറ്റുമെങ്കിൽ ഒന്നു പൊക്കി നോക്കു… പറ്റുമെങ്കിൽ ഞാൻ ഒരു ചലഞ്ച് തരാം… നാളെ രാത്രി പന്ത്രണ്ടു മണിക്ക് നിങ്ങളുടെ സ്ഥലം എം എൽ എ വിശ്വനാഥൻ കൊല്ലപ്പെടും…. രക്ഷിക്കുവാൻ പറ്റുമെങ്കിൽ രക്ഷിക്കൂ… “

  ഒന്നു നിർത്തി ആ ശബ്ദം വീണ്ടും തുടർന്നു.
“ലെറ്റ്സ് സ്റ്റാർട്ട്‌ ഗെയിം ബിറ്റ് വീൻ ശ്രീതു നമ്പ്യാർ ആൻഡ് എക്സ് ദി റെഡ് ഹാൻഡ്”

  ” ഹലോ… ഹലോ… ” ശ്രീതുവിന്റെ മൊബൈലിൽ ഒരു ബീപ്… ബീപ് ശബ്ദത്തോടെ ആ കോൾകട്ടായി….

ദേഷ്യത്തോടെ ശ്രീതു തന്റെ കാൽ പോലീസ്വണ്ടിയുടെ ടയറിൽ തൊഴിച്ചു. കുറച്ചുനേരം എന്തോ ആലോചിച്ചു നിന്ന് തന്റെ ഫോൺ എടുത്തു ആരെയോ വിളിക്കാൻ തുടങ്ങി. ഫോണിൽ പേര് തെളിഞ്ഞു കണ്ടു… ‘ സൈബർ ഗിരീഷ് ‘

  ” ഹലോ… ഗിരീഷ്.. ശ്രീതുവാണ്… ഞാൻ ഒരു നമ്പർ വാട്സ്ആപ്പ് ചെയ്യാം… അതിന്റെ ഡീറ്റെയിൽസ് പിന്നെ ടവർ ലൊക്കേഷൻ എനിക്ക് കണ്ടുപിടിച്ചു തരണം…പിന്നെ വെറേ ഇമ്പോർട്ടന്റ് തിങ്… ഇറ്റ് മസ്റ്റ് ബി കോൺഫിഡൻഷൽ… “

    ശ്രീതു മൊബൈൽ കട്ട് ചെയ്തു..

  ” മാഡം…. ” മുസ്തഫ ശ്രീതുവിനരികിൽ നിന്ന് വിളിച്ചു. ” മാഡം… ഡി വൈ എസ് പി ജെയിംസ് സാറും, സി ഐ ജോസഫ് സാറും വന്നിട്ടുണ്ട്…  ഫോറൻസിക്ക് ഉദ്യോഗസ്ഥരും ഡോഗ് സ്‌ക്വാഡും കൂടെയുണ്ട് “

  ” മ്മ്…” ഒന്നു മൂളുക മാത്രം ചെയ്തുകൊണ്ട് ശ്രീതു അവരുടെ നേർക്ക് നടക്കുവാൻ ആരംഭിച്ചു.

  ശ്രീതുവിന്റെ മുഖം കണ്ടപ്പോൾ മുസ്തഫക്ക് എന്തോ പന്തിക്കേട് തോന്നി ചോദിച്ചു.

  ” മാഡം… എന്തെങ്കിലും പ്രശ്നം? “

  ” മുസ്തഫ പോയി ആ തനിമ്മ ചാനലിലെ അലക്സിനോട് എന്നെ വന്നു കാണുവാൻ പറയൂ… “