😈അസുരൻ 6 ( the beginning ) 👿 369

നിങ്ങൾ വാ..അതും പറഞ്ഞു ഡോക്ടർ ആന്റണി നേരെ അയാളുടെ ഓഫീസ് മുറിയിലേക്ക് നടന്നു…അവിടെയുള്ള അലമാരയിൽ കുറെയധികം ഫയലുകൾ അടുക്കി വെച്ചിരുന്നു…അതിൽ നിന്നും ആന്റണി മാറ്റി വെച്ച ഒരു ഫയൽ എടുത്തു മേശയിൽ വച്ചിരുന്നു….അതിൽ ഗോവിന്ദ് എന്ന പേരു മുകളിൽ ഒട്ടിച്ചിരുന്നു….

 

അയാൾ ആ ഫയലിൽ നിന്നും കുറച്ചു പേപ്പറുകൾ എടുത്തു മേശയിൽ വച്ചു…

 

” ഗൗരി ..ഇവിടെ നടക്കുന്ന കാര്യങ്ങൾ എല്ലാം അറിയണം എന്നു ഉറപ്പാണോ..പറയുന്ന കാര്യങ്ങൾ അത്രയും രഹസ്യമാണ്..അത് പുറത്തറിഞ്ഞാൽ വലിയ പ്രശ്നങ്ങൾ ഉണ്ടാക്കും…”

 

“എനിക്ക് അറിയണം…എന്റെ നന്ദുവിന് എന്തു പറ്റിയെന്ന്…..” 

 

“അവൻ നിന്റെ പഴയ നന്ദു അല്ല….അവൻ ആ പഴയ പേരു പോലും ഓർമയില്ല….”

 

“ഡോക്ടർ എന്താണ് പറയുന്നത്…ഓർമ ഇല്ലെന്നോ…” അവൾ വിശ്വാസം വരാതെ ചോദിച്ചു….

 

“പേരു മാത്രം അല്ല…ഒന്നും.. നിങ്ങൾ ആരാണെന്ന് പോലും അവനു ഓർമയില്ല….അവൻ ഇന്ന് ഗോവിന്ദ് ആണ്…കഴിഞ്ഞ കാലം എന്തെന്ന് പോലും അറിയാത്ത ആരും ഇല്ലാത്ത ഒന്നും നോക്കാൻ ഇല്ലാത്ത ഗോവിന്ദ്….”

 

അവൾക്ക് അതൊരു ഞെട്ടൽ ആണ് നൽകിയത്…

 

നോ..ഇല്ല ഞാൻ വിശ്വസിക്കില്ല….അവനു..അതു പറയാൻ മാത്രമേ അവൾക്ക് കഴിഞ്ഞുള്ളു..അവൾ ബോധം പോയി താഴേക്ക് വീണു…അതുകണ്ട അർജുൻ അവളുടെ നേരെ ഓടി….

---