😈അസുരൻ 6 ( the beginning ) 👿 369

അസുരൻ 6

 

കണ്ണുതുറന്നപ്പോൾ ഒരു ഇരുണ്ട മുറിയിലാണ് താൻ ഉള്ളതെന്ന് കുഞ്ഞപ്പനു മനസ്സിലായി..തലയ്ക്ക് കിട്ടിയ അടിയിൽ ബോധം പോയിരുന്നു അപ്പോൾ…എഴുന്നേൽക്കാൻ അവൻ ശ്രമിച്ചപ്പോൾ അവന്റെ കൈകൾ അവിടെനിന്നും അനങ്ങിയില്ല…അപ്പോഴാണ് അവനു തന്നെ ഒരു കസേരയിൽ കെട്ടിയിട്ടാണ് ഉള്ളതെന്ന് അവനു മനസ്സിലായത്…അവൻ അവർക്ക് വേണ്ടി നോക്കിയെങ്കിലും അവിടെ ഒന്നും അവനു കാണാൻ കഴിഞ്ഞില്ല….

 

 

 

പെട്ടെന്നാണ് ഒരു ശബ്ദം അവൻ കേട്ടത് ..അവിടെ നോക്കിയപ്പോൾ അവൻ കണ്ടത് ഗോവിന്ദ് അവന്റെ നേരെ നടന്നു വരുന്നതാണ്…ഗോവിന്ദിന്റെ കയ്യിൽ ഒരു ചുറ്റികയും ഉണ്ടായിരുന്നു…🔨🔨

 

കുഞ്ഞപ്പൻ അവന്റെ വരവുകണ്ടു നന്നായി പേടിച്ചു….അവനു വിയർത്തു ഒലിക്കാൻ തുടങ്ങി…മരണം അടുത്തെത്തിയതുപോലെ…

 

ഗോവിന്ദ് അവന്റെ മുന്നിലേക്ക് ഒരു കസേര ഇട്ടു അവന്റെ മുന്നിൽ ഇരുന്നു….

 

“നീ ആരാ…ഇന്ന് രാവിലെ തൊട്ട് ഞാൻ ശ്രെദ്ധിക്കുന്നു… എപ്പോ വരുമെന്ന് കരുതി ഇരിക്കുവായിരുന്നു…അപ്പൊ പിന്നെ എങ്ങനെയാ …തുടങ്ങുവല്ലേ….”

 

അതും പറഞ്ഞു ഗോവിന്ദ് ആ ചുറ്റികയിൽ കൈ മുറുക്കി….

 

അതു കേട്ടതും കുഞ്ഞപ്പന്റെ മുഴുവൻ നിയന്ത്രണവും നഷ്ടമായി…അവൻ ഗോവിന്ദിന്റെ മുന്നിൽ ഇരുന്നു പൊട്ടി കരയാൻ തുടങ്ങി…ആ കരച്ചിൽ പതിയെ പതിയെ അലറി വിളി ആയി മാറി…

 

അതുകേട്ട് ഗണപതിയും ഓടി വന്നു..അവൻ വന്നപ്പോൾ കാണുന്നത് കരഞ്ഞു നിലവിളിക്കുന്ന കുഞ്ഞപ്പനും അവന്റെ മുന്നിൽ ആകെ വൻഡർ അടിച്ചു നിൽക്കുന്ന ഗോവിന്ദിനെയുമാണ്….

 

പെട്ടെന്ന്   ഗോവിന്ദ്   അവന്റെ മുന്നിൽ നിന്നും എഴുന്നേറ്റു..അതുകണ്ട് കുഞ്ഞപ്പൻ പിന്നെയും കിടന്ന് കാറി…

 

ഒച്ചവക്കല്ലേ.  @#$    ഗോവിന്ദിന്റെ ശബ്ദം അവിടെ നിറഞ്ഞു…അതുകേട്ട് കുഞ്ഞപ്പൻ കരച്ചിൽ നിർത്തി….

 

 ” എടാ ഇങ്ങനെ കരഞ്ഞു മോങ്ങുന്നവൻ ആണോ എന്നെ കൊല്ലാൻ വേണ്ടി വന്നേ..അയ്യേ…കോടാഷൻ ആൾക്കാർക്ക് കൂടി നാണക്കേട് ആണല്ലോടാ നീ….   “

 

അതും പറഞ്ഞു ഗോവിന്ദ് അവന്റെ ചുറ്റിക അവിടെ ഇട്ടു….

 

” ചേട്ടാ ഞാൻ ചേട്ടനെ കൊല്ലാൻ ഒന്നും വന്നതല്ല…ചേട്ടനെ ഒന്നു നിരീക്ഷിക്കണം എന്നെ പറഞ്ഞുള്ളു..ഒറ്റയ്ക്ക് കണ്ടാൽ വിളിക്കണം എന്നും പറഞ്ഞു..പറഞ്ഞ  കാര്യം ഞാൻ ചെയ്‌തെന്നേ ഉള്ളു….എന്നെ ഒന്നും ചെയ്യല്ലേ ചേട്ടാ…ഞാൻ പാവമാ…പൊട്ടന… എനിക്ക് ആരും ഇല്ല..ഞാൻ എവിടെയെങ്കിലും പോയി ജീവിച്ചോളാം എന്നെ കൊല്ലല്ലേ…   “