🔱കരിനാഗം 18🔱

Author : ചാണക്യൻ

[ Previous Part ]

 

(കഥ ഇതുവരെ)

വെള്ളിനാഗജരുടെ ചക്രവർത്തി ഗജേന്ദ്രസേനന്റെ ഏക പുത്രനും വില്ലാളി വീരനും മല്ല യോദ്ധാവുമായ ദണ്ഡവീരൻ ആയിരുന്നു.

തോഴിമാരുടെ കൂടെ അരങ്ങേറിയ ദണ്ഡവീരൻ പതിയെ രണഗോദക്ക് സമീപം നടന്നടുത്തു.

ആ രൂപത്തിന്റെ നിഴൽ കണ്ടാൽ പോലും ഭയന്നു വിറക്കും.

അത്രയ്ക്കും ഭയാനകം.

അവിടേക്ക് വന്ന ദണ്ഡവീരൻ രണഗോദയുടെ തല വശത്തുള്ള സ്തംഭത്തിനു സമീപം നടന്നെത്തി.

അവിടെ ശിലകളാൽ നിർമിക്കപ്പെട്ട ഒരു സ്തംഭം കാണാം.

ആ സ്തംഭത്തിൽ തന്നെയായിരുന്നു വെള്ളിനാഗ രാജകുമാരന്റെ കണ്ണുകൾ.

പൊടുന്നനെ അലറിക്കൊണ്ട് ദണ്ഡവീരൻ തന്റെ വലതു ഭുജത്തിൽ സർവ്വത്ര ആരോഗ്യവും സംഭരിച്ചു കൊണ്ടു മുഷ്ടി ചുരുട്ടി പ്രഹരിച്ചു.

പ്രഹരം കൊണ്ട മാത്രയിൽ സ്തംഭം സ്ഫോടന ശബ്ദത്തോടെ രണ്ടായി പിളർന്നു.

പൊടുന്നനെ അതിൽ നിന്നും കണ്ണഞ്ചിപ്പിക്കുന്ന സൂര്യ പ്രകാശം സ്ഫുരിക്കാൻ തുടങ്ങി.

ആ പ്രകാശത്തിന്റെ തീവ്രത കാരണം ആര്ക്കും മിഴികൾ തുറന്നു നോക്കുവാൻ പോലും കഴിയാതെ മഞ്ഞളിച്ചു.

അല്പ നേരം കഴിഞ്ഞതും ആ തീവ്രത കുറയുവാൻ തുടങ്ങി.

ആ സമയം ദണ്ഡവീരൻ കണ്ണുകൾ തുറന്നു നോക്കി.

അവിടെ തകർക്കപ്പെട്ട സ്തംഭത്തിനു നടുവിൽ സർപ്പിള ആകൃതിയിൽ ഉള്ള ഒരു വാൾ.

അതിൽ സൂര്യ ധൂളികൾ അങ്ങോട്ടും ഇങ്ങോട്ടും ഒരു ദ്രാവകം പോലെ ചലിക്കുന്നു.

അതിൽ നിന്നും സൂര്യ പ്രകാശം അനന്തമായി വമിക്കുന്നു.

അതി മനോഹരമായ ആ സർഗ സൃഷ്ടിയെ കണ്ടതും ദണ്ഡവീരന്റെ ചുണ്ടുകൾ അത്യാഗ്രഹത്തോടെ പുലമ്പി.

ഇത്……… അത്‌ തന്നെ……..ആ മഹത്തായ ഉടവാൾ

വജ്രകേയഹാസം

ബർഗരീകന്റെ വജ്രകേയഹാസം

 

(തുടരുന്നു)

 

 

 

 

ദണ്ഡവീരന്റെ നേർത്ത മിഴികളിൽ നിറഞ്ഞു നിന്നത് കണ്ണഞ്ചിപ്പിക്കുന്ന ശോഭയോടെ തിളങ്ങുന്ന വജ്രകേയം തന്നെയായിരുന്നു.

അതിന്റെ ആകാര ഭംഗിയിലും നിർമാണ വൈദഗ്ദ്യത്തിലും മയങ്ങി പോയിരുന്നു ദണ്ഡവീരൻ.