?കരിനാഗം 18?[ചാണക്യൻ] 349

തല്ക്കാലം രാജകുമാരന്റെ ആവശ്യം നടത്തി കൊടുക്കാൻ അവൾ തീരുമാനിച്ചു.

തന്റെ മനസിനെ ശില പോലെ മെരുക്കിയെടുക്കാനും അവൾ നിശ്ചയിച്ചു.

ഞാൻ കണ്ടെത്തി തരാം മഹി

യക്ഷമി പറയുന്നത് കേട്ട് തുള്ളിച്ചാടാനാണ് മഹിക്ക് തോന്നിയത്.

ഈ ഉപകാരം ഞാൻ ഒരിക്കലും മറക്കില്ല യക്ഷമി…….. ഒരുപാട് ഒരുപാട് താങ്ക്‌സ്……. എങ്ങനെയാ ആ പെണ്ണിനെ കണ്ടെത്തി തരുക? എന്താ തന്റെ പ്ലാൻ?

മഹി യക്ഷമിയുടെ നീക്കങ്ങളറിയുവനായി ചോദിച്ചു.

അതൊക്കെ പതിയെ പറയാം…… ഇന്ന് വൈകുന്നേരത്തിനുള്ളിൽ ആളാരാണെന്ന് അറിഞ്ഞാൽ പോരെ?

മഹിയുടെ ആവേശം കണ്ടു അവൾ അവനെ അടക്കി നിർത്താനായി പറഞ്ഞു.

ഹാ………. അതുമതി………. അപ്പൊ ഇന്ന് അവളാരാണെന്ന് ഞാൻ കണ്ടെത്തുമല്ലെ……. ആദ്യമായി അവളെ കാണാനും കഴിയുമല്ലേ?

മഹി യക്ഷമിയോടായിട്ടായിരുന്നു പറഞ്ഞത്.

അതിനു മൂളുക മാത്രമേ അവൾ ചെയ്തുള്ളു.

അപ്പോഴേക്കും വെയറ്റർ ജ്യൂസ്‌ കൊണ്ടു വന്നു.

ജ്യൂസ്‌ കുടിച്ച ശേഷം അവർ പിരിഞ്ഞു.

മഹി നേരെ കോളേജിലേക്ക് പോയി.

യക്ഷമി മറ്റൊരു ആവശ്യത്തിനും.

പതിവ് പോലെ 3rd ഇയറിനായിരുന്നു literature ക്ലാസ്.

അന്നത്തെ സെഷൻ നല്ല രീതിയിൽ മഹിയെടുത്തു.

പ്രിൻസിപ്പാൾ ഇല്ലാതിരുന്നതിനാൽ പൊതുവെ ഒരു ബോറടിയുള്ള ദിനം ആയിരുന്നു.

ക്ലാസുകളൊക്കെ നന്നായി അറ്റൻഡ് ചെയ്ത ശേഷം സ്റ്റാഫ്റൂമിൽ പോയിരുന്നു.

ഫോൺ ഇല്ലാത്തതിനാൽ യക്ഷമിയുടെ നീക്കങ്ങളൊന്നുമറിയാതെ മഹി പെട്ടു പോയി.

എങ്കിലും അവൾ ആ അജ്ഞാതയായ പെണ്ണിനെ കണ്ടെത്തുമെന്ന് തന്നെയായിരുന്നു മാഹിയുടെ വിശ്വാസം.

ഉച്ച കഴിഞ്ഞതും മഹി 1st ഇയറിന് ക്ലാസ്സ്‌ എടുക്കാൻ പോയി.

ആ സമയം യക്ഷമി കോളേജ് പരിസരത്ത് പ്രത്യക്ഷയായി.

ചുറ്റും ഒന്നു നോക്കിക്കൊണ്ട് മഹിയുടെ ജീപ്പ് എവിടെയെന്നു കണ്ടെത്തി.

ജീപ്പ് കണ്ടെത്തിയതും യക്ഷമി കൈകളിൽ ചിന്മുദ്ര പതിപ്പിച്ചുകൊണ്ട് നാഗ രൂപം വീണ്ടെടുത്തു.

അതിനു ശേഷം ആ ജീപ്പ് കാണാൻ പാകത്തിൽ ഉയരമുള്ള ഒരു ആഞ്ഞിലിയുടെ തുഞ്ചത്തുള്ള ശിഖരത്തിൽ കയറിയിരിപ്പായി.

ഇളം വെയിൽ ആയതിനാൽ തുഞ്ചത്തുള്ള ഇരിപ്പ് സുഖകരമായിരുന്നു.

എങ്കിലും യക്ഷമിയുടെ നേർത്ത നീല നയനങ്ങൾ മഹിയുടെ ജീപ്പിൽ തന്നെയായിരുന്നു.

2 മണിക്കൂറോളം ആ ഇരിപ്പ് തന്നെ അവൾ തുടർന്നു.

അല്പം കൂടി കഴിഞ്ഞതും കാപ്പി കളർ ചുരിദാർ അണിഞ്ഞ ഒരു പെൺകുട്ടി കോളജിന്റെ പിന്നിലുള്ള ഉദ്യാനത്തിൽ നിന്നും റോസാപൂ പൊട്ടിച്ച് വന്ന വഴിയേ തിരികെ പോന്നു.

പാർക്കിംഗ് ലോട്ടിൽ എത്തിയതും ആ പെൺകുട്ടി നിന്നു പരുങ്ങുന്നതും ആരേലും കാണുന്നുണ്ടോ എന്ന് ശ്രദ്ധിക്കുന്നതും യക്ഷമി വ്യക്തമായി കണ്ടുകൊണ്ടിരുന്നു.