?കരിനാഗം 18?[ചാണക്യൻ] 349

അപ്പൊ മാത്രമാണ് ചന്ദ്രകിരണം ഭൂമിയെ വിട്ടകന്നത്.

അവർ ഓടിയെതത്തുമ്പോഴേക്കും അലോക് മരണത്തോട് മല്ലടിക്കുകയായിരുന്നു.

അലോകിന്റെ തൊലിയെല്ലാം പൊള്ളിയുരുകി വികൃത രൂപമായി മാറിയിരുന്നു.

ശരീരത്തിന്റെ പല ഭാഗത്തും എല്ലുകൾ പുറത്തേക്കുന്തി കാണാമായിരുന്നു.

രാജകുമാരന്റെ ആ ദയനീയാവസ്ഥ കണ്ടു വാമിഖയുടെ കണ്ണുകൾ നിറഞ്ഞു.

അലോകിനെ ബന്ധിച്ച കെട്ടുകൾ അഴിച്ചു മാറ്റി അവർ കുമാരനെ നിലത്തു കിടത്തി.

അബോധാവസ്ഥയിൽ ആയിരുന്ന കുമാരനെ കണ്ടു ബ്രഹസപതിയുടെ നെഞ്ചു വിങ്ങി.

അദ്ദേഹം ഒരു പൂവിനെയെടുക്കുന്ന ലാഘവത്തോടെ അലോകിനെ വാരിയെടുത്തു ചുമലിലിട്ടു.

അതിനു ശേഷം അവർ കരിനാഗജരുടെ പുതിയ വാസ സ്ഥലത്തേക്ക് യാത്രയായി.

അവിടെ ഗുഹയിൽ കയറിയ ശേഷം കരിനാഗരിലെ വിദഗ്ദനായ വൈദ്യർ ത്രിലോചനൻ ആണ് അലോകിനെ ചികിൽസിക്കാൻ മുതിർന്നത്.

വൈദ്യരുടെ അറയിലെ പ്രത്യേക എണ്ണ തോണിയിൽ അലോകിനെ നഗ്നമായി കിടത്തിയ ശേഷം അപൂർവമായ ഒരു പക്ഷിയുടെ തൂവൽ കൊണ്ട് മുറിവുകളെ ഭേദമക്കാനുള്ള തൈലം വൈദ്യരുടെ ശിഷ്യന്മാർ പുരട്ടി കൊടുത്തു.

ത്രിലോചനന്റെ നേതൃത്വത്തിൽ ആയിരുന്നു അത്‌.

അതിനു ശേഷം ചില പ്രത്യേക പച്ചിലകൾ അരച്ചു ആഴത്തിൽ മുറിവുകളിൽ പുരട്ടുകയും ചെയ്തു.

അതിനു ശേഷം കരിനാഗജർ താമസിക്കുന്ന ഗുഹയുടെ മുകളിൽ വെയിൽ നല്ലോണം പതിക്കുന്ന സ്ഥലത്തു കുമാരനെ എണ്ണ തോണിയിൽ കിടത്തി.

ചെറുതായി സൂര്യപ്രകാശം പതിച്ചു തുടങ്ങിയതും അലോകിന്റെ ദേഹത്തെ മുറിവെല്ലാം ഭേദമാകാൻ തുടങ്ങി.

കരിഞ്ഞു പോയ മാംസവും ചാർമവും പൂർവ സ്ഥിതി പ്രാപിക്കുവാൻ ആരംഭിച്ചു.

ഏറെ നേരത്തെ വെയിൽ കായലിന് ശേഷം കുമാരൻ അലോക് പതിയെ കണ്ണുകൾ തുറന്നു.

എന്നിട്ട് പതിയെ കണ്ണുകൾ ചിമ്മി തുറന്നു ചുറ്റും നോക്കി.

കുറെ അപരിചിതരെ കാണുന്നതിന്റെ സംഭ്രമത്തിൽ ആയിരുന്നു അലോക്.

കുമാരാ…… അങ്ങയുടെ മുറിവുകളെല്ലാം ഭേദമായി…….. അങ്ങ് ജീവിതത്തിലേക്ക് വീണ്ടും മടങ്ങി വന്നിരിക്കുന്നു…… പഴയ ആരോഗ്യത്തോടെ തിരികെ വരൂ രാജകുമാരാ…… കരിനാഗജർ അങ്ങയുടെ വരവിനായി അക്ഷമയോടെ കാത്തു നിൽക്കുകയാണ്.

ത്രിലോചനന്റെ വാക്കുകൾ ശ്രവിച്ചതും അത്‌ തന്റെ കർണപുടത്തിലൂടെ കടന്നു വന്നു ഹുങ്കാരത്തോടെ തലച്ചോറിനെ വിറപ്പിക്കുന്ന പോലെ അലോകിന് തോന്നി.

തലച്ചോറിലൂടെ വൈദ്യത തരംഗങ്ങൾ കടന്നു പോയതും കഴിഞ്ഞു പോയ കാര്യങ്ങൾ അവന്റെ ബോധ മണ്ഡലത്തിലേക്ക് കയറി വന്നു.

ഹോസ്പിറ്റലിലെ റൂമിൽ മയങ്ങാൻ കിടന്ന താൻ കണ്ണ് തുറന്നു നോക്കുമ്പോ ഒരു പെൺകുട്ടി ക്രൂശിത രൂപത്തിൽ തന്നെ ബന്ധിക്കുന്നതും അവളുടെ പൈശാചികമായ മുഖഭാവം കണ്ടു താൻ ഭയന്നു പോയതും ആറാം ഇന്ദ്രിയം തുടിച്ചതിലൂടെ അതൊരു അധമ സർപ്പമാണെന്ന് തിരിച്ചറിഞ്ഞതും എല്ലാം അലോക് ഓർത്തെടുത്തു.

മുഷ്ടി ചുരുട്ടിയുള്ള ആ സർപ്പത്തിന്റെ ആദ്യ പ്രഹരത്തിലൂടെ തന്നെ തന്റെ ബോധം പോയിരുന്നു

പിന്നീടാണ് ആ നരഹത്യ അവിടെ അരങ്ങേരിയത്.

ചന്ദ്രദേവന്റെ പ്രകാശത്താൽ തന്നെ പീഡിപ്പിച്ചത്.

സാധാരണ സർപ്പത്തിനു ഇതൊക്കെ അസാധ്യം.

ഈ സർപ്പം ഇനം കൂടിയത് തന്നെയാണ്.