?കരിനാഗം 18?[ചാണക്യൻ] 349

ഇരുവരും പരസ്പരം പോരു കോഴികളെ പോലെ കണ്ണും കണ്ണും നോക്കി നിന്നു.

ഒരിഞ്ച് പോലും ഇരുവരും അനങ്ങിയാൽ അവിടെ യുദ്ധം ഉറപ്പാണ്.

രക്തചൊരിച്ചിൽ ഉറപ്പാണ്.

ഇരുവരിൽ ആര് വേണമെങ്കിലും വിജയിക്കാം.

പരാജയപ്പെടാം.

നമുക്ക് കാത്തിരുന്നു കാണാം.

യക്ഷമി……………………

മഹിയുടെ നീട്ടിയുള്ള വിളി കേട്ട് യക്ഷമിയും രുദ്രയും ഒരുപോലെ തിരിഞ്ഞു നോക്കി.

മഹി ക്ലാസിൽ നിന്നും ഇറങ്ങി വരുന്നത് കണ്ടു അവർ ഇരുവരും ഒരുപോലെ ഞെട്ടി.

മഹി‌യെ കണ്ട മാത്രയിൽ രുദ്രയിൽ ആളി കത്തിയിരുന്ന ക്രോധത്തിന് ശമനം വരികയും അവൾ കാറ്റ് പോലെ പോയി മറയുകയും ചെയ്തു.

മഹിയെ കണ്ടപ്പോഴേക്കും യക്ഷമിയുടെ ഉള്ളിലെരിയുന്ന കോപവും തണുത്ത് തുടങ്ങി.

മഹി പതിയെ നടന്നു വന്നു യക്ഷമിയുടെ കയ്യിൽ പിടിച്ചു.

താൻ എന്താടോ ഇവടെ?

മഹിയുടെ ചോദ്യം കേട്ട് യക്ഷമി ഒന്നും മിണ്ടാനാവാതെ തരിച്ചിരുന്നു.

അപ്പോഴാണ് രാവിലെ താൻ റെസ്റ്റോറന്റിൽ വച്ചു ആ പെൺകുട്ടിയെ കണ്ടു പിടിക്കാൻ യക്ഷമിയുടെ സഹായം തേടിയത് അവൻ ഓർത്തത്.

എടോ……. താൻ അവളെ കണ്ടു പിടിച്ചോ?

മഹി ആവേശത്തോടെ ചോദിച്ചു.

എന്നാൽ യക്ഷമി മറുപടിയൊന്നും പറഞ്ഞില്ല.

അവൾ തരിച്ചു നിൽക്കുന്നത് കണ്ട് മഹി അവളുടെ കയ്യിൽ പിടിച്ചു കുലുക്കിക്കൊണ്ട് ചോദിച്ചു.

യക്ഷമി…… താൻ ആ പെണ്ണിനെ കണ്ടോ?

മഹി വീണ്ടും ചോദ്യം ആവർത്തിച്ചതും യക്ഷമിക്ക് മറുപടി പറയാതെ തരമില്ലെന്നായി.

ഹ്മ്മ്

അവൾ അറിയാതെ തല കുലുക്കി.

സത്യാണോ? ആ പെണ്ണിനെ കണ്ടെത്തിയോ?

വിശ്വാസം വരാതെ അവൻ ചോദിച്ചു.

ഞാൻ കണ്ടു മഹി

യക്ഷമി ഇടർച്ചയോടെ പറഞ്ഞു.

ആരാ അത്‌?

മഹി ചോദിച്ചതും യക്ഷമി വലത്തോട്ട് തിരിഞ്ഞു അവിടെയുള്ള പെൺകുട്ടിക്ക് നേരെ കൈ ചൂണ്ടി.

മഹി തേടിയലയുന്ന പെണ്ണ് ഏതാണെന്ന് കാട്ടി കൊടുക്കാൻ

 

 

(തുടരും)

 

 

സ്നേഹത്തോടെ ചാണക്യൻ…………!!!!!!!!!