?കരിനാഗം 18?[ചാണക്യൻ] 349

വെള്ളിവംശ രാജകുമാരൻ അതിശക്തനായ മല്ല യോദ്ധാവായ ദണ്ഡവീരന്റെ വെല്ലുവിളി.

ദണ്ഡവീരൻ നിന്നു വിറച്ചതും ചക്രവർത്തി അവനെ ശാന്തനാക്കാൻ ശ്രമിച്ചു.

മകനെ വീരാ……. നീ ശാന്തനാകൂ……. വിവേകം കൈ വെടിഞ്ഞു പ്രവർത്തിക്കരുത്….. ജ്യോതിഷിയെ പൂർത്തിയാക്കാൻ സമയം നൽകിയാലും.

ചക്രവർത്തി പറഞ്ഞതും ദണ്ഡവീരൻ പതിയെ അടങ്ങി.

തന്റെ ഇരിപ്പിടത്തിൽ അവൻ പതിയെ ഇരുന്നു.

ആരാണ് ആ എതിരാളി മഹാമുനെ..? എന്തെങ്കിലും സൂചനകൾ?

ചക്രവർത്തിയുടെ ദയനീയമായ മുഖം കണ്ടു ഋഷി കോതണ്ഡപാണന് അലിവ് തോന്നി.

സൂചനകൾ അനവധിയൊന്നുമില്ല മഹാരാജൻ…… പരിമിതമായത് മാത്രം നാം നൽകാം…….12 ലോകങ്ങളിലും അതിശക്തനായ ഒരുവനാണ് ഈ പാതാള ലോകത്തേക്ക് ആഗതനാവുന്നത്……. ഒരേ സമയം നാഗങ്ങൾക്കും സർപ്പങ്ങൾക്കും അതീതനായ ഒരുവൻ………. സർപ്പ ലോകത്തെയും നാഗ ലോകത്തെയും അടക്കി വാഴുവാൻ കെൽപ്പുള്ളവൻ…… മഹത്തായ വജ്രകേയഹാസം പ്രാപ്തമാക്കാൻ അധികാരമുള്ളവൻ

ദണ്ഡവീരന്റെ എതിരാളിയുടെ അതായത് ദണ്ഡവീരന്റെ കാലന്റെ ഗുണഗണങ്ങൾ കൊട്ടാരം ജ്യോതിഷി വാഴ്ത്തി പാടുന്നത് കേട്ട് ദണ്ഡവീരന് കലിയിളകി.

അൽപം മുന്നേ രണ ഗോദയിൽ നടത്തിയ പോലെ മുന്നേ ഇവിടൊക്കെ കേറി മേയാനും തന്റെ ക്രോധം അണയുന്ന വരെ തല്ലി തകർക്കാനും ദണ്ഡവീരന്റെ കൈകൾ തരിച്ചു.

എന്നാൽ മഹാസിദ്ധനും ദുർവാസാവ് മഹർഷിയുടെ ശിഷ്യനുമായ കോതണ്ഡ പാണൻ തന്റെ ഗുരുവിനെ പോലെ തന്നെ ക്ഷിപ്രകോപി ആയതിനാൽ ദണ്ഡവീരൻ ക്ഷമിച്ചിരുന്നു എന്ന് വേണം പറയാൻ.

മഹാമുനെ……. ആ എതിരാളിയെ തകർത്തു കളയാൻ മാർഗങ്ങൾ അരുളിയാലും.

ചക്രവർത്തി ജ്യോതിഷിയുടെ അലിവിനായി താഴ്മയോടെ ആവശ്യപ്പെട്ടു.

കാരണം തന്റെ പൊന്നോമന മകന്റെ ജീവൻ ആ പിതാവിനെ സംബന്ധിച്ചു മറ്റെന്തിനെക്കാളും വില കൂടിയത് തന്നെയായിരുന്നു.

ഈരേഴുലകിലും വെള്ളിനാഗങ്ങളിലെ അഭ്യസ്തരായ ചാവേറുകളെ കണ്ടെത്തി ആ ജാരന്മാരെ ശത്രുവിനെ കണ്ടെത്തുവാനായി നിയോഗിക്കണം……. അതിലൂടെ ആ ശത്രു ആരെന്ന് കണ്ടെത്തി അവനെ വധിക്കണം….. എന്ത് ത്യാഗം ചെയ്തിട്ടായാൽ കൂടിയും.

ജ്യോതിഷി കോതണ്ഡപാണൻ ഒരു മാർഗം മുന്നോട്ട് വച്ചു.

അതും ഒരു പരിശ്രമം മാത്രം…… പഴയിപോകുമെന്ന് നാം ഉറപ്പ് തരുന്നു…… കാരണം അവൻ മരണമില്ലാത്തവനാണ്…… ചിരഞ്ജീവി…….. മരണം പോലും അവനെ എത്തി നോക്കാൻ ഭയപ്പെടും…… പ്രപഞ്ചം പോലും അവന്റെ കൈകൾക്കുള്ളിലാണ്.

കൊട്ടാരം ജ്യോതിഷിയുടെ വാക്കുകൾ ഗജേന്ദ്രസേനന്റെയും ദണ്ഡവീരന്റെയും ആത്മവിശ്വാസത്തെ തല്ലി കെടുത്തുന്ന ഒന്ന് തന്നെയായിരുന്നു.

കാരണം ആ പ്രതിയോഗിയുടെ വരവ് കാത്തുകൊണ്ടാണ് കരിനാഗ രാജ്യത്തിലെ ഓരോ മണൽതരികൾ പോലും യുഗങ്ങളായി കാത്തിരുന്നതെന്ന് അവർക്ക് അറിയില്ലലോ

——————————————————–

നേരം ഏകദേശം വെളുത്തു വന്നപ്പോഴാണ് ബ്രഹസ്പതിയും യക്ഷമിയും വാമിഖയും കൂടി അലോകിന് അരികിലേക്ക് ഓടി വന്നത്.