?കരിനാഗം 17?

Author : ചാണക്യൻ

[ Previous Part ]

 

(കഥ ഇതുവരെ)

ആ അമ്മ നോക്കി നിൽക്കെ ശരണ്യ പതിയെ തന്റെ കണ്ണുകൾ വലിച്ചു തുറന്നു.

എന്നിട്ട് ചുറ്റും നോക്കി.

എന്തൊക്കെയോ ബീപ് ബീപ് ശബ്ദം മാത്രം കേൾക്കാം.

അപ്പോഴാണ് കണ്മുന്നിൽ ഒരു രൂപം തെളിഞ്ഞു വന്നത്.

ശരണ്യ അത് സൂക്ഷിച്ചു നോക്കി.

അ………അമ്മേ………………….

ശരണ്യയുടെ ചുണ്ടുകൾ മന്ത്രിച്ചതും ആ അമ്മ പൊട്ടികരഞ്ഞുകൊണ്ട് അവളെ വാരി പുണർന്നു.

ശരണ്യയും അമ്മയെന്തിനാ കരയണതെന്ന് അറിയാതെ അമ്മയെയും ചേർത്തു പിടിച്ചു.

അപ്പോഴാണ് കഴിഞ്ഞ ഓരോ കാര്യങ്ങൾ അവളുടെ ഓർമയിലെത്തിയത്.

തന്റെ കാർ ആക്‌സിഡന്റ് ആയതും.

പിന്നെ ചിലർ വന്നു തന്നെ കടന്നു പിടിക്കാൻ നോക്കിയതും.

അപ്പൊ ഒരാൾ ദൈവദൂതനെ പോലെ തന്നെ രക്ഷിച്ചതും.

ആരാണ് അയാൾ?.

എങ്കിലും അത്‌ ആരായിരിക്കും?

ശരണ്യ ആലോചിക്കവേ തന്റെ നേരെ നടന്നു വന്ന ആളെ കണ്ടു ഞെട്ടലോടെ മന്ത്രിച്ചു.

അച്ഛാ

മോളെ

ആ അച്ഛൻ തന്റെ മകളെ വിറയർന്ന കൈകളോടെ ചേർത്തു പിടിച്ചു.

അപ്പൊ വല്ലാത്തൊരു സംരക്ഷണം ആയിരുന്നു ശരണ്യക്ക് അനുഭവപ്പെട്ടത്.

അച്ഛന്റെയും അമ്മയുടെയും ഒപ്പം താൻ ഇപ്പൊ പഴയ ആ കൊച്ചുകുഞ്ഞായി മാറിയെന്നു ചിരിയോടെ അവൾ ഓർത്തു.

അപ്പോഴും അവളുടെ നക്ഷത്രക്കണ്ണുകൾ തിളങ്ങുകയായിരുന്നു.

നിഗൂഢതയുടെ അംശവും പേറിക്കൊണ്ട്

 

(തുടരുന്നു)

 

 

 

കോളജിൽ എത്തിയ മഹി ഒരു മൂളിപ്പാട്ടോടെ സ്റ്റാഫ് റൂമിലേക്ക് പോയി.

എന്നാൽ രുദ്രരൂപ ഇന്ന് കോളജിൽ പോയിരുന്നില്ല.

ചിന്താമണി രത്നത്തിൽ നിന്നുമുള്ള പ്രഹരമേറ്റ്  രുദ്രയുടെ ഇടത് കണ്ണിന്റെ കാഴ്ച നഷ്ടപ്പെട്ടിരുന്നു.