? ഭാര്യ കലിപ്പാണ് ? 10 [Zinan] 358

ആയിശുച്ച….അത് എങ്ങനെയാ കണ്ടത് എന്ന് പറ…..

ഈ തള്ള സമ്മതിക്കില്ല…. എന്തൊക്കെയോ പറഞ്ഞു ഒപ്പിക്കാൻ നോക്കുമ്പോൾ  ഡീറ്റെയിൽ ആകണം പോലോ…… ആഷികിന്റെ മനസ്സിൽ പറഞ്ഞതാണ് ട്ടോ….

അതൊന്നുമില്ല എന്റെ ആയിശു കുട്ടി…. ഞാൻ അവിടെ ചെന്നു  സിറ്റ് ഔട്ടിൽ ഇരുന്നു മുബിനോടും അവന്റെ ഉമ്മ യോടും സംസാരിക്കുകയായിരുന്നു…. ഏകദേശം 10.30..11.00 മണി ആയിക്കാണും….. അന്നേരം ഉണ്ട് ഇവൾ ഉറക്കം എഴുന്നേറ്റു ഉമ്മ…. എന്റെ ബ്രെഷ്.. എവിടെയാ  എന്ന് പറഞ്ഞു കണ്ണും തിരുമ്മി വരുന്നു….

അവളുടെ ആ കോലം കാണേണ്ടതു തന്നെയായിരുന്നു….. മുടി ഒക്കെ അലങ്കോലമായി കിടക്കുവായിരുന്നു… ശരിക്കു പറഞ്ഞാൽ ഒരു ഭ്രാന്തിയുടെ  മട്ടിലായിരുന്നു അപ്പോ ഇവളെ കാണാൻ……

ഇത് കേട്ട് ആദ്യം ചിരിച്ചത്…. മിച്ചു ആണ്… ബാക്കി ഉള്ളവരുമായി ആ ചിരിയിലേക്ക് കൂടി ചിരിച്ചു….. എന്തിനു പറയുന്നു എന്റെ ഉപ്പ അടക്കം ചിരിച്ചു….

മുബീനയുടെ മുഖം മത്തൻ കുത്തിയ കുമ്പളങ്ങ പോലെയുണ്ട്…..

ആയിശുച്ച…. എന്നിട്ടെന്തായി……

എന്നിട്ട് എന്ത് ആവാൻ….. മുബീന പെട്ടെന്ന് എന്നെ കണ്ടപ്പോൾ… നാണത്താൽ തലകുനിച്ചു… അത് കണ്ട് എനിക്കും ചിരി വന്നു… ഞാനറിയാതെ അവളെ തന്നെ നോക്കി നിന്ന് പോയി…… മുബിന്റെ ഉമ്മ കുറച്ചു കലിപ്പിൽ എഴുന്നേറ്റ് പോയി… അവളുടെ ബ്രഷുമായി വന്നു…. ഇതാ നിന്റെ ബ്രെഷ്…. ഇത്ര വലുതായിട്ടും സ്വന്തം ബ്രെഷ് എവിടെയെന്നു പോലുമറിയാതെ നീ ഒക്കെ എന്ത് ടീച്ചറാണ്….. നീ പഠിപ്പിക്കുന്ന കുട്ടികളുടെ അവസ്ഥ കണ്ടറിയണം……

ഇത് കേട്ടു എനിക്ക് ചിരിയടക്കാൻ കഴിഞ്ഞില്ല…. ഞാൻ പൊട്ടിച്ചിരിച്ചു പണ്ടാരടങ്ങി…..

അവളും നാണത്താൽ ബ്രെഷ് ഉമ്മാന്റെ കയ്യിൽ നിന്ന് വാങ്ങി റൂമിലേക്ക് പോയി…..

അതിനുശേഷമാണ് പ്രശ്നമായത്…..

ആയിശുച്ച… എന്ത് പ്രശ്നം….

ഇതൊക്കെ കേട്ടിട്ട്…. മുബീന ആകെ ചമ്മി നിൽക്കുകയാണ്…… അവൾ ഇങ്ങനെയൊക്കെ പറയുഎന്ന് മനസ്സിൽ പോലും ചിന്തിച്ചിട്ടുണ്ടാവില്ല……

അതില്ലേ ലേശം ചമ്മലോടെ ആഷിക് എല്ലാവരെയും നോക്കിയിട്ട്….. ഇവളെ അങ്ങനെ അന്ന് കണ്ടതിനുശേഷം മുതൽ എനിക്ക് എന്തൊക്കെയോ തോന്നാൻ തുടങ്ങി….. കിടന്നിട്ടു ഉറക്കം വരുന്നില്ല…. ആകെ മൊത്തം ഒരു വെപ്രാളം പിടിച്ച അവസ്ഥയായിരുന്നു എന്റെത്….. ഇവളെ പിന്നെയും പിന്നെയും കാണാൻ എന്റെ മനസ്സിൽ നിന്നും ആരോ വന്നു പറയുന്നതുപോലെ…..

ആയിശുച്ച… മതി മതി…. നിന്റെ അവിടെ നിൽക്കട്ടെ…. എന്നിട്ട്  മുബീനയുടെ അടുത്ത് പോയിട്ട്…. ബാക്കി മോള് പറയു…. നിനക്ക് ഇവനെ കണ്ടിട്ട്.. ഇഷ്ടം തോന്നിയോ….

മുബീന…. എന്തോ മനസ്സിൽ കണ്ട മാതിരി….  ഇല്ല…. ഞാൻ അന്ന് ഉമ്മയുടെ അടുത്തുനിന്ന് ബ്രെഷ്ഉം വാങ്ങി പല്ല് തേച്ചിട്ട് എന്റെ പരിപാടിയിലേക്ക് ഏർപ്പെട്ടു…. എനിക്കൊന്നും തോന്നിയില്ല…..

ആയിശുച്ച…. പിന്നെ എങ്ങനെയാണ് നിനക്ക് ഇവനോട് ഇഷ്ടം തോന്നിയത്…..

മുബീന…. ഉപ്പനെയും ഉമ്മയും നോക്കി കണ്ണിറുക്കി കാണിച്ചു…..

ഉപ്പയും…. കണ്ണിറുക്കിട്ടു…. എന്തെങ്കിലുമൊക്കെ പറഞ്ഞോ എന്ന് ആക്ഷൻ കാണിച്ചു…..

മുബ്ബിന…. ഉപ്പയുടെ സമ്മതം കിട്ടിയതോടെ…… അതിലെ ആയിശുച്ച….. എന്റെ അനിയനോട് ആഷികാ ഇടക്ക് വീട്ടിൽ വരുമ്പോൾ…. എന്നെ നോക്കി ചിരിക്കും….. ഞാനും അനിയന്റെ ഫ്രണ്ട് അല്ലേ എന്നാ അർത്ഥത്തിൽ…. ഞാനും ചിരിക്കും…. അങ്ങനെയിരിക്കെ ഒരു ദിവസം  ആഷികാ ഞാൻ പഠിപ്പിക്കുന്ന കോളേജിന്റെ അടുത്ത് വന്നിട്ട്….. ഞാൻ കോളേജിലേക്ക് കേറാൻ പോകുമ്പോൾ…  എന്റെ മുന്നിൽ വന്നു നിന്നിട്ട്… മുബി എനിക്ക് ഒരു കാര്യം പറയാനുണ്ട് എന്ന് പറഞ്ഞു……

എന്താ ആഷിക്….. പറഞ്ഞോ….

അത് കുറച്ചു പേഴ്സണലായി പറയാനുള്ളതാണ്…… കുറച്ച് അങ്ങോട്ടേക്ക് മാറി നിൽക്കാം…..

ഞാനും എന്തോ വലിയ കാര്യം എന്ന് അർത്ഥത്തിൽ…. കുറച്ച് അങ്ങോട്ടേക്ക് മാറി നിന്നു…..

മുബി എനിക്ക് നിന്നെ ഇഷ്ടമാണ്… നിന്നെ ആദ്യം കണ്ടതുമുതൽ എനിക്ക് മര്യാദയ്ക്ക് ഒന്ന് ഉറങ്ങാൻ പോലും കഴിഞ്ഞിട്ടില്ല…… അത്രയ്ക്കും നീയെന്റെ ഹൃദയത്തിൽ വന്നു പതിച്ചിട്ടുണ്ട്…..

മുബീന കേൾക്കാൻ പാടില്ലാത്തതെന്തോ കേട്ടാ മാതിരി…. ആഷികിനെ തുറിച്ചു നോക്കിയിട്ട് പറഞ്ഞു….. നീ എന്തൊക്കെയാണ്  ഈ പറയുന്നത്…. എന്ന് നിനക്കറിയാമോ….. ഒന്നുമില്ലെങ്കിലും നിന്റെ ഫ്രണ്ടിന്റെ  ഇത്ത അല്ലേ ഞാൻ….. നിന്നെയും ഞാൻ എന്റെ  സ്വന്തം അനിയനെ പോലെയാണ് കണ്ടത്……..

ഇതൊക്കെ കേട്ട് ബാക്കി എല്ലാവരും ആകാംഷയോടെ ആണ് നിൽക്കുന്നത്… എന്നാൽ പാവം ആഷിക്…. മുബീനയുടെ സംസാരത്തിൽ സ്തംഭിച്ചു…. നിൽക്കുകയാണ്…..ഇനി എന്തൊക്കെ കേൾക്കണം പടച്ചോനെ എന്ന് മനസ്സിൽ പറഞ്ഞു കൊണ്ട്…..

ആയിശുച്ച….. എന്നിട്ട് എങ്ങനെയാണ് മോളെ ഇവൻ നിന്നെക്കൊണ്ട് ഇഷ്ടം പറയിപ്പിച്ചത്…..