? ഭാര്യ കലിപ്പാണ് ? 10 [Zinan] 358

മുബീന… ലേശം നാണം ഒക്കെ മുഖത്ത് ഫിറ്റ് ചെയ്തിട്ടു…. അതിലെ ആയിശുച്ച…. ഞാൻ ആഷിക്കനോട് അങ്ങനെയൊക്കെ പറഞ്ഞപ്പോൾ…. ഇക്ക എന്നോട് പറയുവാ….. മുബി നീ ചിലപ്പോൾ അങ്ങനെയായിരിക്കും കണ്ടത്….  പക്ഷേ എനിക്ക് അങ്ങനെ കാണാൻ കഴിയില്ല…. അത്രക്കും നിന്നെ സ്നേഹിക്കുന്നുണ്ട്….. നീയില്ലെങ്കിൽ എനിക്കിനി ഒരു പെണ്ണും വേണ്ട…. നീ മാത്രമായിരിക്കും എന്റെ ജീവിതത്തിൽ ആകെയുള്ള ഒരേ ഒരു പെണ്ണ്…. നിന്നെ ഞാൻ  എന്റെ സ്വന്തം ഉമ്മയെ സ്നേഹിക്കുന്നതുപോലെ ആണ് നിന്നെയും ഞാൻ സ്നേഹിക്കുന്നത് …. എന്റെ സ്നേഹത്തിൽ ഒരു കളങ്കവും ഞാൻ വരുത്തുകയില്ല….. ഞാൻ ഇപ്പോൾ പറയുന്നത് തെറ്റാണെന്ന് എനിക്കറിയാം….. പക്ഷേ ഇനിയും ഇത് നിന്നോട് പറഞ്ഞില്ലെങ്കിൽ ഞാൻ എന്നോട് ചെയ്യുന്ന ഏറ്റവും വലിയ തെറ്റായി പോകും…… അത്രമാത്രം എന്റെ മനസ്സിൽ നീയാണ്……

മുബീന…. ലേശം വിഷമത്തോടെ…. നീ എന്തൊക്കെയാണ് ആഷിക് പറയുന്നത്….. എനിക്കൊരിക്കലും നിന്നെ അങ്ങനെ കാണാൻ പറ്റില്ല…. ഒന്നുമില്ലെങ്കിലും നമ്മുടെ പ്രായം നോക്കണ്ട…… നീ ചിന്തിച്ചിട്ടുണ്ടോ….. മുബീൻ ഇതറിഞ്ഞാൽ എങ്ങനെ പ്രതികരിക്കും എന്ന്……..

ആഷിക്…. ഞാൻ കുറേ ചിന്തിച്ചതാണ്….. എനിക്ക് പറ്റുന്നില്ല നിന്നെ മറക്കാൻ….. അതുകൊണ്ടാണ് ഞാൻ ഇപ്പോഴെങ്കിലും നിന്നോട് ഇത് പറഞ്ഞത്…. പിന്നെ മുബീൻ ഇത് അറിഞ്ഞാൽ എന്നോട് എങ്ങനെ പെരുമാറു എന്നുപോലും  എനിക്കറിയില്ല…… അതൊന്നും എനിക്കിപ്പോൾ ചിന്തിക്കാനുള്ള ശേഷി ഇല്ല….. നിന്നെ വിട്ടു കൊടുക്കാൻ എന്നെക്കൊണ്ട് കയ്യില്ല…. മുബീനാ ….. പിന്നെ പ്രായം അത് ഓർത്തു നീ ടെൻഷൻ ആകണ്ട….. ഒരാളുടെ പ്രായം നോക്കിയിട്ടല്ല സ്നേഹിക്കുന്നത്…. അത്  ആഷിക് അവന്റെ നെഞ്ചിൽ തൊട്ട്ട്ടു… ഇവിടെ നിന്നു വരുന്നത് ആണ് യഥാർത്ഥ സ്നേഹം …… നീ ഇപ്പോൾ എന്നോട് ഇഷ്ടമല്ല എന്ന് പറഞ്ഞാൽ….. ഞാൻ ആകെ തകർന്നു പോകും…..ഇനിയും നിനക്കെന്നെ വിശ്വാസമില്ലെങ്കിൽ…. ഞാൻ പറയുന്നത് നിനക്ക് ഉൾക്കൊള്ളാനാവില്ല  എങ്കിൽ… നീ പോയ്ക്കോ….. അതോടെ തീരും ഈ ആഷികിന്റെ സ്നേഹം…. ഇനിയൊരു പെണ്ണും എന്റെ ജീവിതത്തിൽ ഇനി ഉണ്ടാകില്ല…… നീയാണെ എന്റെ ഉമ്മയാണെ സത്യം….. ഇത്രയേ എനിക്ക് നിന്നോട് പറയാനുളു…. ബാക്കിയൊക്കെ നിന്റെ ഇഷ്ടം……

മുബീനക് ഇനി എന്താ പറയേണ്ടതെന്ന് ഒരു എത്തും പിടിയും കിട്ടാത്ത അവസ്ഥയായി….. ആഷിക്കേ നീ എന്നെ വിഷമിപ്പിക്കല്ലേ….. എന്നെക്കൊണ്ട് പറ്റാത്തതുകൊണ്ട്  ആണ്…….  നിനക്ക് പറ്റിയേ കുട്ടിയെ ദൈവം ഈ ഭൂമിയിൽ സൃഷ്ടിച്ചിട്ടുണ്ടാവും… ഒരു ദിവസം അവൾ നിന്നെ തേടി വരും…..

ആഷിക്…. രണ്ട് കണ്ണുകളും തുടച്ചിട്ട്…. മുബീന നീ പോയികോ….. നിനക്ക് ക്ലാസ്സ് ഉള്ളതല്ലേ…. ഞാനും പോവാ…….. എന്നും പറഞ്ഞു ആഷിക് തിരിഞ്ഞ് നടന്നു…… അവന്റെ മനസ്സിൽ ഉള്ള പ്രണയത്തെ പറത്തിവിടാൻ കഴിയാതെ… ചിറകൊടിഞ്ഞ പ്രണയത്തെ അവന്റെ കൈക്കുള്ളിൽ ഭദ്രമാക്കി നടക്കുന്നതുപോലെയാണ് ആഷിക് പോയത്……

ഈ സമയം മുബീനക്….. ആകെ ഒരു അസ്വസ്ഥത അവളെ ചുറ്റി നടന്നു…..  ക്ലാസിലെ  കുട്ടികളെ  പഠിപ്പിക്കാൻ അവൾക്കൊരു മൂഡും ഇല്ലാതെയായി….. എങ്ങനെയൊക്കെയോ എന്തൊക്കെയോ പറഞ്ഞു ക്ലാസ് കഴിഞ്ഞപ്പോൾ നേരെ വീട്ടിലേക്ക് പോയി…. ഉമ്മയോട് ഒന്നും പറയാതെ നേരെ അവൾ അവളുടെ റൂമിൽ പോയി വാതിൽ ലോക്ക് ചെയ്‌തു കുറേനേരം ആഷികിനെ ഓർത്തു കരഞ്ഞു പോയി …..കണ്ണുകൾ അടച്ചാൽ ആഷിക്ക് പറഞ്ഞത് ആണ് അവളുടെ മനസ്സിൽ ഓടിയെത്തുന്നത്….. അവൾക്ക് ആ ഒരു ദിവസം നരകതുല്യമായി മാറി….. മര്യാദയ്ക്ക് ഒന്ന് ഉറങ്ങാൻ പോലും അവളെ കൊണ്ട് കഴിഞ്ഞില്ല…. കണ്ണടച്ച ആഷിക്കിനെ ആണ് കാണുനത്….. ഇടയ്ക്ക് ഉമ്മയൊക്കെ വന്ന് എന്തൊക്കെയോ പറയുന്നത് കേൾക്കാം…… അതൊന്നും അവൾ കേൾക്കാത്ത മാതിരി നടിച്ചു….. ഇങ്ങനെ പോയാൽ ശരിയാവില്ല എന്ന് അവൾക്കും തോന്നി….. എനിക്കും ആഷിക്കിനെ ഇഷ്ടമാണ്….. നാളെ അവനോടു എന്റെ ഇഷ്ടം തുറന്നു പറയണം എന്ന് മനസ്സിൽ ദൃഢമായി ഒരു തീരുമാനമെടുത്തു….. മെല്ലെ അവൾ പോലുമറിയാതെ  അവളുടെ കണ്ണുകൾ അടഞ്ഞു…… കുറേ മനോഹരമായ സ്വപ്നങ്ങൾ കണ്ട് അവൾ  ഉറങ്ങി…….. അവൾ പോലുമറിയാതെ അവളുടെ രാജകുമാരനെ ഓർത്തു അവൾ ഉറങ്ങി… ഒരു കുട്ടിയുടെ നിഷ്കളങ്കമായ മനസ്സോടുകൂടി…….

ഇനി കുറച്ചു നേരം നമുക്ക് പ്രസന്റ്റ് ലേക്ക് വരാം…. ഇതൊക്കെ കേട്ട്  ബാക്കി ഉള്ളവർ ആകാംഷയോടെ ആഷികിനെയും മുബ്ബിനയായും
നോക്കുന്നുണ്ട്……..

പാക്ഷേ ആഷികിന്റെ അവസ്ഥ വേറെത് ആയിരുന്നു…… അവൻ പോലുമറിയാതെ അവൻ അവൾ പറഞ്ഞ വഴിയിലൂടെ സഞ്ചരിക്കുകയായിരുന്നു….. അവനിക്ക് തന്നെ അതൊക്കെ കേട്ടിട്ട്…. ആകെ ഒരു രോമാഞ്ചിഫിക്കേഷൻ……. പിന്നെ കുറച്ച് ചമ്മലും ഉണ്ട്……..

ഇനി മുബിൻ ആത്മ…. പടച്ചോനെ ഇതൊക്കെ നീ കാണുന്നുണ്ടല്ലോ….. എന്തൊരു തള്ളാന് രണ്ടും കൂടി ഇവിടെ തള്ളുന്നത്…… കേട്ടിട്ട്  സഹിക്കാൻ പറ്റുന്നില്ല…… ഇറങ്ങി ഓടിയാലോ എന്നുവരെ അറിയാതെ ചിന്തിച്ചു പോയി…..

മിച്ചുവിന്റെ അവസ്ഥയും മറിച്ചായിരുന്നില്ല………. രണ്ടും ഒന്നിനൊന്നു മെച്ചം എന്ന് പറയുന്നത് കേട്ടിട്ടേയുള്ളൂ…. ഇപ്പോൾ അതും കണ്ടു…. ബല്ലാത്ത ജാതി….. പ്രണയം ആയി പോയി……

ഇനി… ആഷികിന്റെ ഉപ്പയുടെ മനസ്സിൽ…… എന്റെ മോനെ എല്ലാ അർത്ഥത്തിലും ശരിയാക്കാൻ ഇവളെ കൊണ്ട് മാത്രമേ പറ്റുകയുള്ളു……….ഓനിക് പറ്റിയ കുട്ടി തന്നെയാണ് മുബീന…..എന്നാലും ഒരു കഥയൊക്കെ അവൾ എത്ര പെട്ടെന്നാണ് മെനഞ്ഞെടുത്തത്….. എന്റെ മോൻ ഇനിയാണ് ജീവിതം തുടങ്ങുന്നത്…..