💮 ഗൗരീശങ്കരം 10💮 [Sai] 1884

 

മനൂ……. ടാ…. എണീക്കെടാ….. ചായ കുടിക്കാൻ വാ ……..

 

മനു ഒന്ന് ഫ്രഷ് ആയി താഴേക്കു ചെല്ലുമ്പോഴേക്കും മനുവിനെയും കാത്ത് ചേച്ചി കാത്തിരിപ്പുണ്ടായിരുന്നു…

 

 

 

 

 

 

ദേവൻ വിട്ട് പിരിഞ്ഞു ഒരു മാസം കഴിഞ്ഞപ്പോഴേക്കും ചേച്ചിയും കല്യാണം കഴിഞ്ഞു പോയിരുന്നു… അജു പി എസ് സി കോച്ചിംഗ് നു ചേർന്നു….

 

അന്ന് മനുവിന് ആകെ ഒറ്റപ്പെടുന്ന പോലെ ആയിരുന്നു… ആ ഒറ്റപ്പെടലിൽ നിന്നും ഒരു മോചനം കിട്ടാനും പഴേ കാര്യങ്ങളൊക്കെ ഓർക്കാതിരിക്കാൻ മനസ്സ് ബിസി ആക്കി വെക്കാനും മനു ദേവന്റെ അമ്മയുടെ കൂടെ കമ്പനിയിലേക്ക് പോകാൻ തുടങ്ങി…. അവിടെ അവനു കൂട്ടായി നീനുവും ആരവും ഉണ്ടായിരുന്നു…

 

നീനു പി ജി കഴിഞ്ഞ് കമ്പനിയിൽ അക്കൗണ്ടന്റ് ആയി ജോയിൻ ചെയ്തിരുന്നു…..

 

 

 

 

 

മനു രാവിലെ അമ്മയോടൊപ്പം കമ്പനിയിൽ എത്തിയാൽ ഉച്ച വരെ അമ്മയെ സഹായിച്ചു നിൽക്കും… പിന്നെ ഫാക്ടറിയിലും മറ്റു സ്ഥാപനങ്ങളിലും വെറുത്തെ കറങ്ങി നടന്നു അവിടുത്തെ ജീവനക്കാരോടും ജോലിക്കാരോടും ഒക്കെ സംസാരിച് ഒരു സൗഹൃദ ബന്ധം സ്ഥാപിച്ചിരുന്നു….

ഔദ്യോഗിക സ്ഥാനങ്ങൾ ഒന്നും ഇല്ലെങ്കിലും മനുവിന്റെ സഹായവും ഇടപെടലും അമ്മയ്ക്കും ഒരു ആശ്വാസം ആയിരുന്നു…

 

 

 

 

 

 

 

ചായ കുടിക്കെടാ… തണിഞ്ഞു പോകും…. ചേച്ചിയുടെ ശബ്ദമാണ് മനുവിനെ ആലോചനയിൽ നിന്നും ഉണർത്തിയത്.

 

ചെക്കന് ഇപ്പൊ ആലോചന കുറച്ചു കൂടുന്നുണ്ട്……..

***************************************

 

 

 

 

സന്ധ്യയോടെ സതീഷേട്ടൻ വന്നു. ചേച്ചിയുടെ ഭർത്താവ് ആണെങ്കിലും പുള്ളി ഒരു കൂട്ടുകാരനെ പോലെയാണ്. എന്തും പറയാവുന്ന ഒരു നല്ല കൂട്ടുകാരൻ. എനിക്കൊരു പ്രശ്നം വന്നപ്പോൾ എന്നെ ചേർത്ത് പിടിച്ച, എന്നെ വിശ്വസിച്ച ചുരുക്കം ചിലരിൽ ഒരാൾ.