? Fallen Star ? 1 [illusion wich] 935

അന്നേരം ആണ് അവിടെ ഉള്ള ഒരു പാറയിൽ പ്രതിഭലിച്ച അക്ബർ ന്റെ നിഴൽ ഞാൻ ശ്രദ്ധിക്കുന്നത്. ആ നിഴലിന്റെ തല മാത്രം ഒന്ന് അനങ്ങിയോ?? ഏയ് എനിക്ക് തോന്നിയതാവും എന്ന് വിചാരിച്ചു ഞാൻ തല ഒന്ന് ഷേക്ക് ചെയ്തു. പിന്നെ വീണ്ടും നോക്കി. അന്നേരം കണ്ട കാഴ്ച… അത് തോന്നൽ ആയിരുന്നില്ല.

” അക്ബർ നിന്റെ നിഴൽ… ” ഞാൻ അലറി. എന്റെ എല്ലാരും എന്നെ നോക്കി പിന്നെ അക്ബറിനേം അവന്റെ നിഴലിനേം. കുനിഞ്ഞു നിന്ന് എന്തോ നോക്കി കൊണ്ട് നിന്നിരുന്ന അവന്റെ നിഴൽ എഴുന്നേറ്റു നിൽക്കുകയായിരുന്നു. അവൻ ഞെട്ടി ചാടി എഴുന്നേറ്റു. അടുത്ത നിമിഷം നിഴലിന്റെ ഉള്ളിൽ നിന്ന് ഒരു കറുത്ത കൈ പുറത്ത് വന്നു അത് അവന്റെ നെഞ്ചിൽ കൂടി കയറി ഇറങ്ങി. എന്താണ് സംഭവിച്ചത് എന്ന് മനസ്സിലാവുന്നതിന് മുന്നേ എല്ലാം അവസാനിച്ചു. അവൻ ചോര തുപ്പി നിലത്തു വീണു.

” aaaaa” ഞാൻ അടക്കം ഉള്ളവരുടെ അലർച്ച മുഴങ്ങി..

അപ്പോഴേക്കും അക്ബറിന്റെ നിഴലിൽ നിന്ന് ഒരു ചെറിയ കഷ്ണം അടർന്നു ഡേവിഡ് ന്റെ നിഴലുമായി ചേർന്നു. അതോടെ ഡേവിഡ് നിശ്ചലൻ ആയി. അവൻ ഒന്ന് അനങ്ങാൻ പോലും പറ്റാതെ നിന്നു. ഞങ്ങൾ എല്ലാരും പേടിയോടെ അവനെ നോക്കി. അവൻ വേദനയിൽ എന്നോണം പുളഞ്ഞു. അവന്റെ മൂക്കിൽ നിന്നും വായിൽ നിന്നും കണ്ണിൽ നിന്നും ഒക്കെ ചോര വരാൻ തുടങ്ങി, പതിയെ അവന്റെ കണ്ണുകൾ തുറിച്ചു വന്നു, പിന്നെ ആ കൃഷ്ണ മണിയുടെ ചലനം നിലച്ചു. പെട്ടന്ന് അവന്റെ നിഴലിൽ നിന്നും ഒരു കറുത്ത സാധനം പാമ്പിനെ പോലെ അവന്റെ ദേഹത്തു കയറാൻ തുടങ്ങി, അതോടൊപ്പം അവന്റെ നിഴലിന്റെ വലിപ്പം കുറഞ്ഞു കുറഞ് വന്നു. അവസാനം അവന്റെ നിഴലിൽ ഇല്ലാതെയായി. അവന്റെ ശരീരം കറുത്ത പെയിന്റ്ൽ മുങ്ങിയ പോലെ ആയി. വായും മുഖവും ഒന്നും ഇല്ലാത്ത ഒരു 3D നിഴൽ രൂപമായി അവൻ മാറി.

പെട്ടന്ന് ആ നിഴൽ ഞങ്ങളുടെ നേരെ മുഖം വെട്ടിച്ചു. ഞാനും ജീനയും നീതുവും ആ ഒറ്റ നോട്ടത്തിൽ അലറി പ്പോയി.

Boom..