? Fallen Star ? 1 [illusion wich] 935

കുറച്ചു സമയം എന്നെ നോക്കിയിട്ട് അത് ജീവയുടേം നീതുവിന്റേം നേരെ തിരിഞ്ഞു. അവർ ആ സമയം കൊണ്ട് പാലത്തിന്റെ അപ്പുറം എത്തിയിരുന്നു.

” ഐ ആം സോറി താര ” ജീവൻ ഇത്രയും പറഞ്ഞ് കൈ മുകളിലേക്ക് ഉയർത്തി അന്നേരം പാലത്തിന്റെ മുകളിൽ വലിയ ഒരു തീഗോളം വന്നു. വളരെ വലിയ ഒരെണ്ണം. അത് വലിയ ശബ്ദത്തോടെ പാലത്തിന്റെ മുകളിൽ പതിച്ചു. പാലത്തിൽ വിള്ളലുകൾ വീണു. അത് തകർന്ന് താഴേക്ക് പതിച്ചു. ആ നിഴൽ രൂപം അവരുടെ അടുത്തേക്ക് പോവുന്നതിന് പകരം വീണൊണ്ട് ഇരിക്കുന്ന പാലത്തിന്റെ നിഴലിൽ കൂടി എന്റെ അടുത്തേക്ക് പാഞ്ഞു വരുകയാണ് ചെയ്തത്. പക്ഷെ അതിന് എന്റെ അരികിൽ എത്താൻ ആയില്ല. അതിന് മുന്നേ, തുടയിൽ വാൾ കയറിയ കൊണ്ട് അനങ്ങാൻ പറ്റാതെ കിടന്നിരുന്ന ഞാൻ പാലത്തിന്റെ ഒപ്പം താഴേക്ക് വീണു, ആഴം കാണാൻ പറ്റാത്ത അത്ര താഴേക്ക്.

ആ വീഴ്ചയിൽ വേറെ ഒന്ന് കൂടി സംഭവിച്ചു, അബദ്ധത്തിൽ എന്റെ കയ്യിൽ ഇരുന്ന വാൾ എന്റെ അടിവയറ്റിൽ കയറി. എന്റെ ചോര പുറത്തേക്ക് ഒഴുകുന്നത് ഞാൻ അറിഞ്ഞു. അപ്പൊ ഇങ്ങനെ ആണ് എന്റെ മരണം. മരണത്തോട് അടുക്കുമ്പോൾ സമയത്തിന്റെ ദൂരം കൂടും എന്ന് ആരോ പറഞ്ഞു കേട്ടിട്ടുണ്ട്. അതാവും കുറെ നേരം ആയിട്ടും ഞാൻ വീണുകൊണ്ടേ ഇരിക്കുന്നത്, അതോ ഈ ഗർത്തത്തിന് ഒരുപാട് ആഴം ഉണ്ടാവുമോ??

കുറച്ചു നേരം കൂടി കഴിഞ്ഞപ്പോൾ എന്റെ കണ്ണുകളിൽ ഇരുട്ട് കയറാൻ തുടങ്ങി. ഒരു തരം ഡിസ്സിനസ്, ചോര ഒരുപാട് പോയത് കൊണ്ട് ആവും. എന്റെ വാൾ ഇപ്പോഴും എന്റെ വയറ്റിൽ തന്നെ തറഞ് ഇരിക്കുകയാണ്. മുറിവിൽ നിന്ന് രക്തം വാളിൽ കൂടി മുകളിലേക്ക് ഒഴുകാൻ തുടങ്ങി, അത് പിടിയിൽ ഉള്ള ക്രിസ്റ്റലിന്റെ ഉള്ളിലേക്ക് കയറി. കുറച്ചു കഴിഞ്ഞപ്പോൾ വെള്ള പുക എനിക്ക് ചുറ്റും നിറഞ്ഞു, പതിയെ ആ പുക ഒരു സ്ത്രീ രൂപം ആയി മാറി. വെള്ള വസ്ത്രം ധരിച്ചു, വെള്ളി തലമുടിയും ഇളം നീല കണ്ണുകളും പാലിന്റെ നിറവും ഉള്ള അതി സുന്ദരിയായ ഒരു സ്ത്രീ, ഒരു പെണ്ണ് ആയ എനിക്ക് പോലും ആ മുഖത്തു നിന്ന് കണ്ണ് എടുക്കാൻ തോന്നിയില്ല. അത്രക്ക് സുന്ദരി. അവരുടെ നെറ്റിയിൽ ഒരു നക്ഷത്ര ചിഹ്നം ഉണ്ടായിരുന്നു. ആ കല്ലിൽ ഉണ്ടായിരുന്ന അതേ ചിഹ്നം. അവർ ഒരു കൈ കൊണ്ട് എന്നെ ചേർത്ത് പിടിച്ചു. അവരുടെ മറുകയ്യിൽ ഒരു പുസ്തകം ഉണ്ടായിരുന്നു ഡയമണ്ട് പോലെ തിളങ്ങുന്ന എന്തോ ക്രിസ്റ്റൽ കൊണ്ട് ഉണ്ടാക്കിയ കവർ ഉള്ള നല്ല കട്ടി ഉള്ള ഒരു വലിയ പുസ്തകം, അതിന്റെ കവറിലും ആ നക്ഷത്ര ചിഹ്നം ഉണ്ടായിരുന്നു.

ഞാൻ ആ സ്ത്രീയെ തന്നെ സൂക്ഷിച്ചു നോക്കി. ആരെയും അട്രാക്ട് ചെയ്യുന്ന ഒരു ദേവിക ചൈതന്യം അവർക്ക് ഉണ്ടായിരുന്നു. ഒരുപക്ഷെ ഇവർ എന്റെ ആത്മാവിനെ സ്വർഗത്തിലേക്ക് കൊണ്ട് പോവാൻ വന്ന മാലാഖ ആവും. അപ്പൊ നേരത്തെ കേട്ട ശബ്ദമോ. ഇവർക്ക് ഒരു ദൈവികത ആണെങ്കിൽ ആ ശബ്ദത്തിന് ഒരു ഡെവിലിഷ് charm ആയിരുന്നു. എന്തായാലും ഇത്രയും ഒക്കെ ആയപ്പോൾ എന്റെ ബോധം ഏകദേശം പൂർണമായും പോവാറായി.