? ദിയ – 4 ? [ ചെകുത്താനെ സ്നേഹിച്ച മാലാഖ ] 721

” ഞാൻ ജയലക്ഷ്മിയുമായി ഫോണിൽ സംസാരിക്കുന്നത് ആ പു### മോൻ കേട്ടതും നിന്നെ വിളിച്ചറിയിച്ചതും ഞാനറിയില്ല എന്ന് കരുതിയോ …. ആ സമയം എന്റെ ഓഫീസ് റൂമിന്റെ മുന്നിൽ ഞാൻ പറയുന്നതൊക്കെ മറഞ്ഞ് നിന്ന് കേട്ട് കൊണ്ട് നിൽക്കുന്നത് ഞാൻ പിന്നീട് കണ്ടു ഓഫീസിനുള്ളിലെ CCTV വിഷ്വൽസിലൂടെ .

എന്റെ എച്ചില് തിന്നിട്ട് ആ നായക്ക് നിന്നോടാ കൂറ് , അതുകൊണ്ടല്ലേ കേട്ടതൊക്കെ അവൻ ഉടനെ നിന്നെ അറിയിച്ചത് … ഹ …. ഇനി അവൻ ആരോടും ഒന്നും പറയില്ല ഇതിനോടകം അവൻ യമപുരിയിൽ എത്തിക്കാണും .. ഹ …. ഹാ ….”

മഹേന്ദ്രനാഥ് അതും പറഞ്ഞ് ചിരിച്ചു …

” മഹേന്ദ്രാ…. നീ ….. ” .

വീരേന്ദ്രകുമാർ ഉടനെ ശബ്ദമുയർത്തി …

” സോറി വീരേന്ദ്രാ …. മുന്നിൽ തടസ്സമായി വന്നവരെയൊക്കെ യമപുരിയിൽ അയച്ചാ എനിക്ക് ശീലം അത് ഇന്നോ ഇന്നലെയോ തുടങ്ങിയതല്ല ….. പിന്നെ നിനക്കറിയാല്ലോ എന്റെ ഇപ്പോഴത്തെ അവസ്ഥ നിന്റെ കമ്പനി പാട്ണർഷിപ്പ് ഉള്ളതു കൊണ്ടാ ഞാൻ കഷ്ടിച്ച് ജീവിച്ച് പോകുന്നത് .

എത്ര കാലമെന്ന് വച്ച് നിന്റെ കാൽകീഴിൽ നിന്നെ ആശ്രയിച്ച് ഞാൻ കഴിയും … അതുകൊണ്ടാ നിന്റെ സ്വത്ത് മുഴുവനായി ഇങ്ങ് എടുത്തേയ്ക്കാം എന്ന് കരുതിയത് …. ഒന്നും രണ്ടുമല്ല ഏഴ് വർഷത്തെ പ്ലാനിങും കാത്തിരിപ്പുമാ …. നിന്റെ ഭാര്യയെ കൊന്നതിന് ശേഷം നിന്നെ ഇങ്ങനെ എന്റെ മുന്നിൽ എത്തിക്കാൻ എനിക്ക് അഞ്ച് വർഷത്തോളം വേണ്ടി വന്നു . ഇനിയും കാത്തിരിക്കാൻ വയ്യ ….