? ദിയ – 4 ? [ ചെകുത്താനെ സ്നേഹിച്ച മാലാഖ ] 721

ഞങ്ങളെ കണ്ടതും അവന്മാർ പേടിയോടെയും അൽഭുതത്തോടെയും ഞങ്ങളെ നോക്കുന്നത് ഞാൻ കണ്ടു , ഒപ്പം തമ്മിൽ എന്തോ പറയുന്നുണ്ടായിരുന്നു . അതിലൊരുവൻ ഉടനെ അകത്തേയ്ക്ക് കയറി പോയി …. ഞാൻ കാറിന്റെ ഡിക്കി തുറന്ന് ബാഗ് കയ്യിലെടുത്തു .

” ദിയേ ….. ”

ഞാൻ അവളെ വിളിച്ച ശേഷം വീടിനകത്തേയ്ക്ക് നടക്കാൻ മുഖം കൊണ്ട് ആംഗ്യം കാണിച്ചു … ശേഷം എന്റെ കയ്യിൽ കിടന്ന ഇടിവളയിൽ ഒന്നു മുറുക്കെ പിടിച്ച ശേഷം അവന്മാരുടെ മുഖത്തേയ്ക്ക് അൽപം ദേഷ്യം നിറഞ്ഞ ഭാവത്തോടെ ഞാൻ നോക്കി . അവൾ ദൈര്യത്തോടെ മുന്നോട്ട് നടന്നു … അതു കണ്ടതും അവിടെ നിന്ന അവന്മാർ ഇരുവശങ്ങളിലേയ്ക്കും നീങ്ങി വഴി മാറിക്കൊടുത്തു . അവന്മാർ ആകെ പേടിച്ച് നിൽക്കുകയാണെന്ന് എനിക്ക് മനസിലായി . ഞാൻ ബാഗുമെടുത്ത് ദിയയുടെ പിന്നാലെ ആ വീടിനകത്തേയ്ക്ക് കയറി ….

വീടിനുള്ളിൽ നേരെ കയറി ചെല്ലുന്നത് വലിയ ഒരു ഹാളിലാണ് , ബാഗ് നിലത്ത് വച്ച ശേഷം ഞാൻ അവിടെയുള്ള സെറ്റിയിൽ കയറി ഇരുന്നു …..

” ഏട്ടാ എന്താ ചെയ്യാൻ പോകുന്നേ …. ? ”

അൽപം ടെൻഷനോടെ ദിയ ചോദിച്ചു …

“ദിയ ഞാൻ മുൻപ് പറഞ്ഞത് മറക്കണ്ട , നിന്റെ മനസ്സിലും മുഖത്തും ഇനി ഭയം തെളിഞ്ഞു വരരുത് …. താനിവിടെ ഇരിക്ക് ..
അയാൾ വരട്ടെ . ”

ഞാൻ അവളോട് പറഞ്ഞു …. അവൾ എന്റെ അടുത്തായി സെറ്റിയിൽ വന്നിരുന്നു .