” അതേ ഗുരു , അവന് പൂർണ്ണ സമ്മതമാണ് …. ചടങ്ങിന് അങ്ങ് എത്തില്ലേ ……? ”

ചന്ദ്രഹാസൻ ചോദിച്ചു

” എത്തും തീർച്ചയായും … എല്ലാം മംഗളമായി നടക്കട്ടെ ….. പറഞ്ഞതു പോലെ ചെയ്യുക ….. ”

” ശരി ഗുരു ….. ”

ചന്ദ്രഹാസൻ തന്റെ ഗുരുവിനോട് യാത്ര പറഞ്ഞ് അവിടെ നിന്ന് ഇറങ്ങി ……

……………………………………………

രാഹുൽ ചന്ദ്രമംഗലത്ത് എത്തിയപ്പോഴേയ്ക്കും സമയം നന്നേ വൈകിയിരുന്നു … അവിടെ തന്നെയുള്ള ഒരു ഹോട്ടലിൽ റൂമെടുത്ത് ഫ്രഷായ ശേഷം ഭക്ഷണം കഴിച്ചു …. യാത്രാ ക്ഷീണം കാരണം അവൻ ഒന്ന് മയങ്ങി , തന്റെ അന്വേഷം നാളെ തുടങ്ങാം എന്ന് അവൻ തീരുമാനിച്ചിരുന്നു …..

……………………………

അടുത്ത ദിവസം …….

രാഹുൽ രാവിലെ തന്നെ ഉറക്കമുണർന്ന് ഫ്രഷായി ബ്രേക്ക് ഫാസ്റ്റ് ഒക്കെ കഴിച്ച ശേഷം ഹോട്ടലിൽ നിന്നും പുറത്തേയ്ക്ക് ഇറങ്ങി …..

” ഈ ചന്ദ്രമംഗലം കൊട്ടാരം എവിടെയാണ് ….. ”

ഹോട്ടലിലെ റിസപ്ഷനിൽ നിൽക്കുന്ന ഒരു പെൺകുടിയോട് രാഹുൽ ചോദിച്ചു …..

” സർ അത് ഇവിടെ നിന്ന് ഒരു രണ്ട് കിലോമീറ്റർ ഡിസ്റ്റൻസ് ഉണ്ട് . ചന്ദ്രമംഗലം പാലസ് രണ്ടെണ്ണമുണ്ട് സർ . ഒന്ന് നൂറ്റാണ്ടുകൾക്ക് മുൻപേ ഉള്ളതാണ് പക്ഷെ അവിടെ ആൾ താമസമൊന്നുമില്ല ഏകദേശം തകർന്ന അവസ്ഥയിലാണ് …… രാജകുടുംബത്തിലുളളവർ ഇപ്പോൾ താമസക്കുന്നത് പുതിയ കൊട്ടാരത്തിലാണ് അതിന് ഒരു നൂറ് വർഷത്തെ പഴക്കമേ ഉണ്ടാകു …..
എന്താ …. സർ ? പരിചയക്കാർ ആരെങ്കിലും കൊട്ടാരത്തിൽ ഉണ്ടോ ….. ? ”

ആ പെൺകുട്ടി പുഞ്ചിരിയോടെ കാര്യം തിരക്കി .