💚💗༻വൈദേഷ്ണു༺💗💚

Author : Jacob Cheriyan

 

നാളെ… നാളെയാണ് ആ ദിവസം… ഓർമവെച്ച കാലം മുതൽ സ്വന്തം ആണെന്ന് കരുതിയ എന്റെ ഇന്ദുവിന്റെ കല്യാണം…. ഇന്ദു ആരാണെന്ന് ചോദിച്ചാൽ എന്റെ മുറപെണ്ണ്….

 

വരൻ വേറെ ആരും അല്ല.. എന്റെ സ്വന്തം ചങ്കും എന്റെ അമ്മയുടെ അനിയത്തിയുടെ മകനും ആയ ജീവൻ….

 

എന്റെ ഒപ്പം നടന്നു ഞാൻ സ്നേഹിച്ച പെണ്ണിനെ കെട്ടാൻ പോകുന്ന സ്വന്തം ചങ്ക്‌… എനിക്ക് അവളെ ജീവൻ ആയിരുന്നു… അവൾക്കും അങ്ങനെ ആയിരുന്നു , അല്ല അവൾ അങ്ങനെ ആണ് എന്റെ മുൻപിൽ അഭിനയിച്ചത്….

 

എന്റെ മുത്തശ്ശിക്ക് ( ഭാമിനിക്ക് ) 6 മക്കൾ ആണ്… ഏറ്റവും മൂത്തത് എന്റെ അമ്മ ( ദേവി ) , തൊട്ട് താഴെ ഒരു അമ്മായി ( ദേവകി ) , പിന്നെ നിര നിര ആയി 3 അമ്മാവന്മാർ ( ദേവൻ , ദയാനന്ദ് , ദേവനന്ദൻ) , അത് കഴിഞ്ഞ് ഏറ്റവും ഇളയ അമ്മായി ( ദേവിപ്രിയ )…

 

ഇനി ഞാൻ ആരാണന്നെല്ലെ… ശ്രീനിലയം ഗ്രൂപ്പ് എന്ന ബിസിനെസ്സ് കുടുംബത്തിലെ മൂത്ത പുത്രി ദേവിയുടെയും അരവിന്ദന്റെയും രണ്ട് മക്കളിൽ ഇളയ സന്താനം… പേര് വിഷ്ണു…

 

ഇങ്ങനെ പരിചയപ്പെടുത്തുന്നത് ആണ് കൂടുതൽ എളുപ്പം കാരണം ഇങ്ങനെ പരിചയപ്പെടുത്തുമ്പോൾ എനിക്ക് പേരുകൾ പലതാണ്… ഓർത്ത് ഇരിക്കാൻ പെട്ടെന്ന് കഴിയും… ഗുരുത്വദോഷി , കുടുംബത്തിന്റെ പേര് കളയാൻ ഉണ്ടായവൻ , വീട്ടിൽ കേറ്റാൻ കൊള്ളാത്തവൻ , 5 പൈസക്ക് ഉപകാരം ഇല്ലാത്തവൻ… ഇങ്ങനെ നീണ്ട് പോകും പേരുകൾ… ഇപ്പൊ നിങ്ങൾ വിചാരിക്കും ഇത് നാട്ടുകാരുടെ സ്ഥിരം പരിപാടി അല്ലേ എന്ന്…. എന്നാൽ അങ്ങനെ അല്ല… ഇൗ പേരുകൾ ഒക്കെ എനിക്ക് ചാർത്തി തന്നത് എന്റെ സ്വന്തം വീട്ടുകാർ ആണ്…. ചുരുക്കത്തിൽ പറഞാൽ എനിക്ക് പേര് ഇട്ട് തരാൻ എന്റെ ചേച്ചിയുടെ കഴിഞ്ഞ വർഷം ജനിച്ച കുഞ്ഞ് മാത്രമേ ബാക്കി ഉള്ളൂ….

 

ഇതൊക്കെ കാരണം ആയിരിക്കും എന്നെ വീട്ടിൽ നിർത്തി പഠിപ്പിക്കാതെ ചെന്നൈയിലേക്ക് പറഞ്ഞ് വിട്ടത്… ചുരുക്കി പറഞാൽ എന്റെ ഡിഗ്രീ മുതൽ ഉള്ള പടുത്തം ചെന്നൈയില് ആയിരുന്നു… ഇപ്പൊ PG സെക്കൻഡ് ഇയർ… ഇത്രയും കാലത്തിനു ഇടയ്ക്ക് മുത്തശ്ശന്റെ മരണത്തിന് അല്ലാതെ ഒരിക്കൽ പോലും ഒരു ഓണത്തിന് പോലും എന്നെ വീട്ടിലേക്ക് വിളിച്ചിട്ടില്ല… ഞാൻ അങ്ങോട്ട് വന്നോട്ടെ എന്ന് ചോദിച്ച് വിളിച്ചാൽ എന്റെ അമ്മ തന്നെ പറയും വരണ്ട എന്ന്…. ചിലപ്പോ അച്ഛന്റെ ഓർഡർ ആയിരിക്കും….

 

എന്തായാലും എല്ലാവരും അവിടെ ഓണവും വിഷുവും ഒക്കെ ആഘോഷിക്കുമ്പോൾ അതിന്റെ ഫോട്ടോ ഒക്കെ ഫേസ്ബുക്കിലും സ്റ്റാറ്റസിലും കണ്ടൊണ്ട് ഓരോ ജാക്ക് ഡാനിയൽ വാങ്ങിച്ച് എന്റെ ഓണവും വിഷുവും ക്രിസ്തുമസും ഒക്കെ ഞാനും എന്റെ ലച്ചുവമ്മയും കൂടെ ആഘോഷിക്കും… ലച്ചുവമ്മ ആരാണന്നെല്ലേ… ലച്ചുവമ്മ എന്റെ തറവാട്ടിൽ ജോലിക്ക് നിന്നിരുന്നതാ… എന്നെ ഇങ്ങോട്ട് നാടുകടത്തിയപ്പോ എന്റെ കാര്യങ്ങൾ നോക്കാൻ വേണ്ടി മുത്തശ്ശി പറഞ്ഞ് വിട്ടതാ ലച്ചുവമ്മയെ…. അമ്മക്ക് 44 വയസ്സ് ഉണ്ട്… എനിക്ക് എന്റെ സ്വന്തം അമ്മയെ പോലെയാ ലച്ചുവമ്മ , അല്ല എന്റെ സ്വന്തം അമ്മ തന്നെയാ ലച്ചുവമ്മ… ആദ്യം ഒക്കെ എന്റെ നാട്ടിലെ ചീത്ത പേര് വെച്ച് എന്നെ കാണുന്നത് പോലും ലച്ചുവമ്മക്ക് പേടി ആയിരുന്നു… അങ്ങനെ ഞാൻ അമ്മയ്ക്ക് വേണ്ടി നാട്ടിലേക്ക് return ടിക്കറ്റ് വരെ എടുത്തതാ… പക്ഷേ 1 ആഴ്ച കൊണ്ട് അമ്മക്ക് എന്റെ വീട്ടുകാർ ഇട്ട പേരിൽ ഒന്നിലും കാര്യം ഇല്ലെന്ന് മനസ്സിലായി… ഇപ്പൊ എന്റെ സ്വന്തം അമ്മയെകാൾ എന്റെ ശബ്ദത്തിന് ഒരു മാറ്റം വന്നാൽ മനസ്സിലാവുന്നത് ലച്ചുവമ്മക്ക്‌ ആണ്…