💘 അരികത്തായാരോ – 8 💘 വിച്ചു [ ചെകുത്താനെ സ്നേഹിച്ച മാലാഖ ] 1183

ആദ്യമായി അന്ന് മാളിൽ വച്ച് തന്നെ കണ്ടപ്പൊ , അല്ല തന്റെ മുഖം കാണുന്നതിന് മുൻപ് തന്റെ കൈ എന്റെ കരണത്ത് പതിഞ്ഞപ്പൊ , ഒരു കാരണവുമില്ലാതെ എന്നെ എന്തിന് തല്ലി എന്ന ദേഷ്യത്തിൽ എന്നെ തല്ലിയത് ഇനി ആരായലും തിരിച്ച തല്ലണം എന്ന് മനസ്സിലുറപ്പിച്ചാ ഞാനന്ന് അടികിട്ടിയ വേദനയോടെ മുഖയർത്തി മുന്നിൽ നിൽക്കുന്ന തന്നെ നോക്കിയത് .

പക്ഷെ തന്നെ കണ്ടപ്പോ , തന്റെ മുഖം കണ്ടപ്പോ എന്റെ ഉള്ളിൽ പെട്ടെന്ന് നിറഞ്ഞ് വന്ന ദേഷ്യമൊക്കെ എവിടേയ്ക്കോ പോയി . താൻ സമ്മാനിച്ച ആ അടിയുടെ വേദന പോലും ആ നിമിഷം ഞാൻ മറന്നുപോയി …. തന്റെ മുഖത്തെ ആ ദേഷ്യവും താൻ എന്നോട് ദേഷ്യത്തിൽ പറഞ്ഞ ഓരോ വാക്കും ഞാനൊരു പൊട്ടനെ പോലെ കേട്ട് നിന്നു …. എന്റെ ജീവിതത്തിലെ ആദ്യത്തെ അനുഭവമായിരുന്നു അത് ഒരാളുടെ മുന്നിൽ സ്വയം മറന്ന് നിന്ന ആ അവസ്ഥ .

ഒരു കാരണവും ഇല്ലാതെ എന്നെ തല്ലിയത് അതിപ്പൊ ആണായാലും പെണ്ണായാലും ഞാൻ തിരിച്ച് തല്ലും , പക്ഷെ അന്ന് തന്റെ മുഖം കണ്ട ആ നിമിഷം എന്റെ കൈ ഒന്നനങ്ങുക കൂടി ചെയ്തില്ല , മാത്രമല്ല ഉള്ളിൽ ഇതുവരെ ഇല്ലാത്ത ഒരു തരം ഭയവും . ഒരു പെണ്ണിനെയും ഞാനിങ്ങനെ നോക്കി നിന്നിട്ടില്ല , പക്ഷെ അന്നാദ്യമായി തന്റെ മുഖ കണ്ട ആ നിമിഷം തന്നെ മാത്രം നോക്കി ഞാൻ നിന്നു അതും ഒരു ശില പോലെ ……

ദേവു വന്ന് എന്തോ പറഞ്ഞ് തന്നെ തിരികെ വിളിച്ചോണ്ട് പോയതിന് ശേഷമാ ഞാൻ സ്വബോധത്തിലേയ്ക്ക് മടങ്ങി വന്നത് … അതിനു ശേഷം എന്റെ മനസ്സിലെ ഒരേയൊരു ചിന്ത തന്നെ വീണ്ടും കാണണം എന്ന് മാത്രമായിരുന്നു … അന്ന് തന്നെ ആ മാളിൽ മുഴുവൻ ഞാൻ തിരഞ്ഞു പക്ഷെ കണ്ടില്ല …. ”