💘അരികത്തായാരോ – 8 💘
Arikathayaro…  Part – 8 

Author : വിച്ചു [ചെകുത്താനെ സ്നേഹിച്ച മാലാഖ] 

 

Previous Part

 

 

View post on imgur.com

 

 

…………………………

 

 

” ടാ അങ്ങോട്ട് നോക്ക് …. ”

 

” എങ്ങോട്ട് ? ”

 

” ടാ ദേ ….. ”

അതും പറഞ്ഞ് യദു കൈ ചൂണ്ടി അവർ നിൽക്കുന്നത് കാണിച്ച് കൊടുത്തു . ഒരു മടിയോടെ അജു അഹാനയെ നോക്കി ….

 

” വന്ന കാര്യം നടന്നല്ലോ …. ഇനി വിട്ടോ … മഞ്ഞത്ത് നിന്ന് പനി പിടിക്കണ്ട …. ”

ദേവു ഒരു പുഞ്ചിരിയോടെ പറഞ്ഞു …

 

” ടാ ഇനി തിരികെ പോയാലോ ….? ”

യദു പറഞ്ഞതും അജു തലയാട്ടിയ ശേഷം ബുള്ളറ്റിൽ കയറി പുറകിലായി യദുവും . ഒരു പുഞ്ചിരിയോടെ ഒന്ന് കൂടി തിരിഞ്ഞ് ബാൽക്കണിയിൽ നിൽക്കുന്ന അവളെ നോക്കിയ ശേഷം അജു ബുള്ളറ്റ് സ്റ്റാർട്ട് ചെയ്ത് മുന്നോട്ടെടുത്തു ….

 

” അതെ …. വാ …. അവര് പോയി …. ”

ദേവു തട്ടി വിളിച്ചപ്പോഴാണ് ഒരു സ്വപ്ന ലോകത്തെന്ന പോലെ അജുവിനേയും നോക്കി നിന്ന അഹാന തിരികെ യഥാർത്ഥ്യത്തിലേയ്ക്ക് മടങ്ങി വന്നത് ….

 

” അതിനു മുൻപേ സ്വപ്നം കാണാൻ തുടങ്ങി അല്ലേ …. ? ”

ദേവു കളിയാക്കുന്ന പോലെ പറഞ്ഞതും അഹാന വേഗം തിരികെ തന്റെ റൂമിലേയ്ക്കോടി …