💘 അരികത്തായാരോ – 8 💘 വിച്ചു [ ചെകുത്താനെ സ്നേഹിച്ച മാലാഖ ] 1183

അജു പറയുന്നതൊക്കെ അവൾ ശ്രദ്ധയോടെ കേട്ടിരുന്നു ….

” അന്ന് എന്റെ മനസ്സിൽ മുഴുവൻ തന്റെ മുഖമായിരുന്നു , എനിക്ക് പോലും പിടികിട്ടാത്ത അവസ്ഥയിലായിരുന്നു എന്റെ മനസ്സ് … ആള് മാറിയാണ് താൻ എന്നെ തല്ലിയതെങ്കിലും അങ്ങനെ ഒരവസരം ഒരുക്കിയ ദൈവത്തിന് പോലും മനസ്സുകൊണ്ട് ഞാനന്ന് നന്ദി പറഞ്ഞു . അന്ന് എന്റെ ചിന്തയിലും ഉറക്കത്തിലും എന്തിന് സ്വപ്നത്തിൽ പോലും തന്റെ മുഖം തെളിഞ്ഞ് വന്നു …. ഞാൻ ഒരുപാട് ചിന്തിച്ചു എന്റെ മനസ്സ് എന്താ ഇങ്ങനെ പിടിവിട്ട് പോയതെന്ന് , എനിക്ക് എന്താ പറ്റിയതെന്ന് പക്ഷെ ഉത്തരം മാത്രം കിട്ടിയില്ല .

പിന്നീട് മനസ്സിൽ ഒരാഗ്രഹം മാത്രമേ തോന്നിയിരുന്നുള്ളൂ തന്നെ ഒരിക്കൽ കൂടി നേരിൽ കാണണമെന്ന് . പിറ്റേന്ന് ക്ലാസ്സിലേയ്ക്ക് കയറി വന്ന തന്നെ കണ്ടപ്പോ എന്റെ മനസ്സിൽ ഞാൻ പോലുമറിയാതെ നിറഞ്ഞ് വന്ന സന്തോഷം ….. എനിക്ക് എന്താ പറ്റിയതെന്ന് എനിക്കു പോലുമറിയാത്ത അവസ്ഥയായിരുന്നു അപ്പോൾ ….

തന്നെ വെറുതെ ഒന്ന് ദേഷ്യം പിടിപ്പിക്കാനും തലേന്ന് കണ്ട തന്റെ ദേഷ്യം ചുവക്കുന്ന മുഖം ഒരിക്കൽ കൂടി കാണാനും വേണ്ടിയാ ഞാനന്ന് ക്യാന്റീനിൽ വച്ച് തന്നോട് കയർത്ത് പറഞ്ഞതും പിന്നീട് താനെന്നോട് കൂടുതൽ ദേഷ്യത്തിലായതും …. പിന്നീട് ചിന്തിച്ചപ്പോഴാ അത് വേണ്ടിയിരുന്നില്ല എന്ന് എനിക്ക് മനസ്സിലായത് , എനിക്ക് പറ്റിയ ഒരു പൊട്ടത്തരം … ഹ് …. മ് .

അന്ന് രാത്രി ഞാൻ യദുവിനോട് എല്ലാം തുറന്ന് പറഞ്ഞു … തന്നെ കണ്ടത് മുതൽ എന്റെ മനസ്സ് കൈവിട്ട് പോയത് പോലും ….