💘 അരികത്തായാരോ -6💘 വിച്ചു [ ചെകുത്താനെ സ്നേഹിച്ച മാലാഖ ] 1454

” എടീ ഞാൻ പറഞ്ഞില്ലേ ഇത് കുരിശാകുമെന്ന് , യദു എന്നാ നീ ഒരു കാര്യം ചെയ് ഇവളുടെ വീട്ടിലെ ആദിത്യമര്യാദ എങ്ങനെയാ എന്ന് ആദ്യം പോയി നോക്ക് … ”

അഹാന അവനോട് പറഞ്ഞു ….

” ഏയ് അത് ഡെയ്ഞ്ചറാ …. ഇവളുടെ അപ്പൻ ആ ഇരട്ടക്കുഴലുള്ള തോക്ക് എന്റെ നെഞ്ചത്ത് വയ്ക്കും , റിട്ടയറായതിൽ പിന്നെ ശത്രു സൈന്യത്തെ കിട്ടാതെ വിശന്നിരിക്കുവാ അങ്ങേര് ….. ”

യദു അത് പറഞ്ഞതും ദേവു ചെറിയ ദേഷ്യത്തോടെ അവനെ സുക്ഷിച്ച് നോക്കി ….

” എന്റെ അച്ഛനെ പറഞ്ഞാലുണ്ടല്ലോ ? ”

” ഞാനൊന്നും പറഞ്ഞില്ല ന്റെ ദേവുവേ … എല്ലാം തിരിച്ചെടുത്തിരിക്കുന്നു …. ”

യദു ഒരു പുഞ്ചിരിയോടെ പറഞ്ഞു … അതൊക്കെ കേട്ട് ഒരു ചിരിയോടെ അഹാന വീട്ടിലേയ്ക്കുള്ള വഴിയിലേയ്ക്ക് കാറ് തിരിച്ചു … സെക്യൂരിറ്റി ഗേറ്റ് തുറന്നതും അഹാന പോർച്ചിന്റെ അടുത്തായി കൊണ്ട് കാറ് നിർത്തി പുറത്തിറങ്ങി ….

” ദേവു …. ഇവൻ വന്നതല്ലേ , നീ നിൽക്ക് അൽപ്പം കഴിഞ്ഞ് പോകാം … ”

അഹാന അതും പറഞ്ഞ് തിരിഞ്ഞ് നടക്കാനൊരുങ്ങിയതും ഒരു വശത്തായി ഒരു ബുള്ളറ്റ് ഇരിക്കുന്നത് കണ്ട് അവൾ സൂക്ഷിച്ച് നോക്കി , അവൾ നോക്കി നിൽക്കുന്നത് കണ്ട് ആ ദിശയിലേയ്ക്ക് ദേവികയും യദുവും ആ സമയം തന്നെ നോക്കി ….

” ഇത് അജുവിന്റെ ബുള്ളറ്റല്ലേ …. ? ”

ദേവിക സംശയത്തോടെ അത് പറഞ്ഞതും അഹാന ചെറിയ ദേഷ്യ ഭാവത്തിൽ യദുവിന്റെ മുഖത്തേയ്ക്ക് നോക്കി