എന്നും ഓർമിക്കാൻ

Author : രാഹുൽ പിവി

Ennum ormikkan

എൻ്റെ ആദ്യ കഥയ്ക്ക് നിങ്ങൾ നൽകിയ പിന്തുണയ്ക്ക് നന്ദി അറിയിക്കുന്നു.ആദ്യ കഥ തന്ന് രണ്ടാം കഥ തരാൻ ഇത്രയും വൈകിയത് എൻ്റെ എഴുത്തിൽ വന്ന ചില പിഴവുകളും കൂടാതെ എക്സാമും ഒക്കെ വന്നത് കൊണ്ടാണ്.ഈ കഥ എഴുതി തുടങ്ങിയപ്പോൾ മുതൽ എല്ലാ വിധ സഹായങ്ങളും പിന്തുണയും നൽകിയ കെ.കെ സൗഹൃദത്തിലെയും അപരാജിതൻ കുടുംബത്തിലെയും, ഏട്ടൻമാരോടും കൂട്ടുകാരോടും സ്നേഹം അറിയിക്കുന്നു.

🔹🔹🔹🔹🔹🔹🔹🔹✳️🔹🔹🔹🔹🔹🔹🔹🔹

കോളേജിൽ ത്രിമൂർത്തികൾ എന്ന് അറിയപ്പെട്ടിരുന്ന ആരും കൊതിച്ചു പോകുന്ന 3 ആത്മാർഥ കൂട്ടുകാർ.എന്തും പരസ്പരം വെട്ടിത്തുറന്നു പറയുന്ന വെള്ളം പോലെ പരിശുദ്ധമായ മനസ്സുള്ള 3 ഗഡികൾ.

ഇങ്ങനെ ഒക്കെ പറയുന്നത് കൊണ്ട് ഞാൻ ആരാണെന്ന് ആകും നിങ്ങളൊക്കെ ചിന്തിക്കുന്നത് അല്ലേ !…എങ്കിൽ പറയാം ഞാനാണ് ഇതിലെ പ്രധാന വേഷം ചെയ്യുന്നത്.സിനിമയിൽ ആണെങ്കിൽ നായകൻ എന്ന് വേണമെങ്കിൽ പറയാം.വലിയ ബിൽഡ് അപ് ഇല്ലാതെ എന്നെ പരിചയപ്പെടുത്താം.എൻ്റെ പേര് രാഹുൽ.ഹൈസ്കൂൾ അധ്യാപകനായ കൃഷ്ണപ്രസാദിൻ്റെയും ഉമാദേവിയുടെയും ഒറ്റ മകൻ .നേരത്തെ പറഞ്ഞ ത്രിമൂർത്തി സംഘത്തിലെ ഒരു മുത്ത് ആണ് . എന്നാൽ ഇതെൻ്റെ മാത്രം കഥയല്ല , എൻ്റെ തലയും വാലും പോലെ നടക്കുന്ന അമലിൻ്റെയും ശിവന്യ എന്ന ശിവയുടെയും കൂടെ കഥയാണ്…

കോളേജിലെ സീനിയേഴ്സ് നൽകിയ റാഗിങ്ങിൻ്റെ ഇടയിൽ വെച്ചാണ് ഞാൻ രണ്ടിനെയും കണ്ടെത്തിയത് ,അല്ല അവരെന്നെ കണ്ടെത്തിയത്.

ഈ കോളേജ് ജീവിതം മനോഹരമാക്കി തരണേ ഭഗവാനെ….എന്ന് പ്രാർത്ഥിച്ചാണ് ഞാൻ കോളേജിലേക്ക് വലത് കാലെടുത്ത് കുത്തിയത്……

ഇതിലും ഭേദം ഇടത്ത് കാലിൽ കയറിയാൽ മതിയായിരുന്നു എന്ന് തോന്നും വിധമാണ് മുറ്റത്തെ മൈന വന്ന് നിരന്നത്.എന്താണെന്ന് അല്ലേ…. ഫ്രേഷേഴ്സ് ഡേയുടെ അന്ന് എല്ലാ കോളേജിലും കാണുന്ന പതിവ് കാഴ്ച; സീനിയേഴ്സ്…