❤️ദേവൻ ❤️part 7[Ijasahammed] 202

ആ മഴയുടെ താളം ശ്രവിച്ചുകൊണ്ടു തിണ്ടിൽ ഇരിക്കുന്ന ദേവേട്ടനെ ഞാൻ കണ്ടു…
ആ ശക്തമായ മഴയിലും എന്റെ കാൽ പെരുമാറ്റം കേട്ടിട്ടാകണം തിരിഞ്ഞു നോക്കിയത്…

“നീ ന്താടി ഇവിടെ… ”

“നിങ്ങളെന്താ ഇവിടെ തപ്പികൊണ്ടു നടക്കുന്നെ, അത് തപ്പാൻ വന്നതാ ഞാനും.. ”

തിണ്ടിൽ നിന്നും എണീറ്റു എനിക്ക് നേരെ വന്നു അടിമുടിയുള്ള നോട്ടം കണ്ടു എന്തേ എന്ന് ഞാൻ പുരികം പൊക്കി ചോദിച്ചു…

“എന്തിനാ ഈ മഴയത്ത്.. “.

“കണ്ടിട്ട് മൂന്ന് മാസം കഴിഞ്ഞില്ലേ.. അത്രേ ആലോചിച്ചൊള്ളൂ.. ”

മെല്ലെ ആ മുഖത്തു പുഞ്ചിരിതെളിഞ്ഞു . ..

“ഒരു താലിമാല പണിഞ്ഞിട്ട്ണ്ട്.. അമ്മേ കാണിക്കാൻ കൊണ്ടുവന്നതാ… ”

“നോക്കട്ടെ…”

അത്ഭുതം അടക്കാനായില്ല..

“നിനക്ക് തരാൻ സമയം ആയിട്ടില്ല.. എങ്കിലും ഒരെണ്ണം പണിതുവെച്ചു.. ”

ഷർട്ടിന്റെ പോക്കറ്റിൽ നിന്നും അറ്റത്ത് ചെറിയൊരു സ്വർണശങ്ക് പിടിപ്പിച്ച ഒരു നേരിയ സ്വർണചരട് പുറത്തെടുത്തു…

മെല്ലെ തൊട്ട് നോക്കി.. മഞ്ഞോളം തണുപ്പ് അപ്പോൾ ആ താലിമാലക്ക് ഉണ്ടായിരുന്നു.. തൊട്ട മാത്രയിലുള്ള ആ കുളിരു മനസ്സിലേക്കും ഒരുപോലെ പകർന്നു…