❤️ദേവൻ ❤️part 17 [Ijasahammed] 184

മറുപടികൾ മനസ്സിൽ നിന്ന് നെയ്തെടുത്തു നുണകളുടെ തൊങ്ങലും ചാർത്തി കൊടുത്തു…

ആ കൈത്തലം കവിളിൽ വെച്ചു കൊണ്ട് പഴയ ശിവാനിയായി അമ്മയുടെ മടിയിലേക്കായി ചാരിയിരുന്നു…

എല്ലാം മറക്കാൻ വേണ്ടി കണ്ണുകളടച്ചു .. വീണ്ടും ഏകാന്തത മാത്രമായി…

ഓർക്കാതിരിക്കാനാവോളം ശ്രദ്ധിച്ചു..
ഓർത്താൽ നെഞ്ച് പൊള്ളും, കണ്ണു നനയും…

കല്യാണം കഴിഞ്ഞ് ആദ്യമായി വീട്ടിൽ കയറി വന്ന മകളുടെ കണ്ണിൽ കണ്ണീർ പാടില്ല.. അതൊരമ്മയും കാണാൻ ആഗ്രഹിക്കുന്നില്ല…

അതുകൊണ്ട് ഒന്നുമോർക്കാതെ അമ്മയോട് പറ്റിച്ചേർന്നങ്ങനെ കണ്ണടച്ച് കൊണ്ടിരുന്നു…

പടിയിറങ്ങി പോരുമ്പോൾ കണ്ണീരിനു നടുവിലൂടെ അവ്യക്തമായി കണ്ട ആ മുഖം കണ്ണിൽ നിറഞ്ഞു നിന്നു…

കണ്ണു വീണ്ടും നിറഞ്ഞു തുടങ്ങി…

ഉമ്മറത്തേക്കായി നോക്കികൊണ്ട് അത്രമേൽ നിശബ്ദമായി കണ്ണുനീരിനെ കെട്ടഴിച്ചു വിട്ടു ..

കവിളിൽ നിന്നും ഒഴുകിയിറങ്ങികൊണ്ട് കണ്ണുനീർ തുള്ളി നെഞ്ചിലേക്കായി ഇറങ്ങി കിടന്ന താലിമാലമേൽ ചെന്ന് പതിച്ചു..

(തുടരും…)