❤️ദേവൻ ❤️part 15

Devan Part 15 | Author : Ijasahammed

[ Previous Part ]

 

ഇത് വരെ കൂടെ നിന്നു സപ്പോർട്ട് ചെയ്ത എന്റെ എല്ലാ പ്രിയ വായനാസുഹൃത്തുക്കൾക്കും ഹൃദയത്തിന്റെ ഭാഷയിൽ ഞാൻ നന്ദി അറിയിക്കുന്നു ??..
എന്റെ എഴുത്തിലെ തെറ്റുകുറ്റങ്ങൾ മറന്ന് കൊണ്ട് ദേവനെ സ്വീകരിച്ചു കയ്യടിച്ച നിങ്ങൾ ഓരോരുത്തരെയും മരിച്ചാലും മറക്കൂല മക്കളെ… ❤️???

ഇടുന്ന ഓരോ പോസ്റ്റിനും നിങ്ങളിൽ കുറച്ചു പേരെങ്കിലും തരുന്ന കമന്റ്സ് എനിക്ക് അത്രയും വേണ്ടപ്പെട്ടവയാണ്…
സ്ഥിരമായി കമന്റ്സ് രേഖപ്പെടുത്തുന്നവരോട് ഇഞ്ഞും കൂടെ വേണട്ടൊ..

ഇത് പോലെ ഒരു സൈറ്റിൽ എന്റെ എഴുത്തുകൾ വരുമെന്നോ നിങ്ങൾ ഓരോരുത്തരും എനിക്ക് പ്രിയപ്പെട്ടവരായി മാറുമെന്നോ ഞാൻ ഒരിക്കലും കരുതിയതല്ല….

ഇനിയും കൂടെ നിന്ന്
❤️ ദേവൻ ❤️ സപ്പോർട്ട് ചെയ്യുമെന്ന് പ്രതീക്ഷിക്കുന്നു…

ഒരായിരം നന്ദി ഒരിക്കൽ കൂടി പറഞ്ഞു കൊണ്ട് കഥ തുടരുന്നു….

കഥയെ കുറിച്ചുള്ള അഭിപ്രായം രേഖപ്പെടുത്താൻ മടികാണിക്കല്ലിം… ?

Love you all… ❤️❤️
Stay safe..

 

ഭാഗം 15

 

എന്നെ കാത്തുകൊണ്ട് ഉമ്മറത്തിരിക്കുന്ന ദേവേട്ടനെ നോക്കി കൊണ്ട് ഞാൻ ഉമ്മറത്തേക്ക് കടന്നു…

മുന്നിലേക്കായി ഒതുക്കിയിട്ട മുടി പിന്നിലേക്ക് വിടർത്തിയിട്ട് കൊണ്ട് എന്നെ ഇമചിമ്മാതെ നോക്കി കൊണ്ട് നിൽക്കുന്ന ദേവേട്ടന് മുന്നിലായി ഞാൻ നിന്നു…

അടിമുടിവീക്ഷിച്ചു കൊണ്ട് അമ്പരപ്പോടെ എന്നെ നോക്കികൊണ്ടേ നിൽക്കുന്ന ദേവേട്ടൻ പതുക്കെ എന്തോ ചോദിച്ചു…
ഒന്നും വ്യക്തമായില്ല..

എന്തെന്ന് അർത്ഥത്തിൽ ഞാൻ പുരികം ചുള്ക്കി..

“ഇതൊക്കെ എവെടെന്നാ..?? ”

കണ്ണ് ഇറുക്കി ചിമ്മി തുറന്ന് വീണ്ടും തൊണ്ടഅനക്കി കൊണ്ട് എന്നെ നോക്കി വീണ്ടും ചോദിച്ചതു കേട്ട് ഞാനൊന്ന് പുഞ്ചിരിച്ചു..

“നിങ്ങൾ കണ്ടതല്ലേ.. ആ മുറീൽന്ന്.. ”

“അതല്ല.. എങ്ങനെ..””””

ചോദിച്ചു പൂർത്തിയാക്കാൻ സമ്മതിക്കാതെ ഞാൻ ഇടയ്ക്കുകയറി പറഞ്ഞു..

“അച്ചു കാണിച്ചുതന്നതാ നിക്ക് ഒരിക്കൽ..

ഇന്നലെയാ ഓർമവന്നേ.. അപ്പോ നിശ്ചയിച്ചു..
ഇന്ന് ഇങ്ങനെ മതീന്ന്..””

ഒന്നും പറയാതേ മുഖത്തുനിന്ന് കണ്ണെടുത്തു താഴേക്ക് നോക്കികൊണ്ട് തിരിഞ്ഞു നടന്ന ഏട്ടനെ തടഞ്ഞു കൊണ്ട് ഞാൻ ചോദിച്ചു…

“ദെന്താപ്പോ… എങ്ങനെണ്ട് ന്ന് പറഞ്ഞിട്ട് പൊക്കൂടെ..”

“ഇപ്പൊ അവള് കണ്ടിരുന്നെങ്കില് നെന്നെ ഏട്ടത്തിയമ്മേന്ന് വിളിച്ചേനെ…!!””