❤️ദേവൻ ❤️part 15 [Ijasahammed] 194

തുടച്ചു മാറ്റിയ കണ്ണുകൾ വീണ്ടും നിറയുമോയെന്ന് ഭയന്നു…
പതിയെ തലതിരിച്ചു നോക്കി…
സിഗരറ്റ് കുറ്റിജനൽക്കൽ അമർത്തികൊണ്ട് എന്നിലേക്കായി നീണ്ട ആ കണ്ണുകളിൽ തളം കെട്ടിനിന്ന നോവ് കാണാൻ മുതിരാതെ താഴേക്ക് നോട്ടമുതിർത്തു നിന്നു..

“നെനക്ക് വേണ്ട എല്ലാ സാധനങ്ങളും ഈ മുറീല്ണ്ട്… എന്തേലും ആവശ്യാച്ചാൽ പറഞ്ഞാമതി.. ഞാനപ്പറത്ത് ണ്ടാകും.”

എന്നെ മറികടന്നു പോകാനൊരുങ്ങിയ ഏട്ടന്റെ കയ്യിൽ ഞാൻ രണ്ടും കയ്യും ചേർത്ത് പിടിച്ചു…

എന്തെന്നർത്ഥത്തിൽ എന്നിലേക്ക് നോട്ടമെറിഞ്ഞപ്പോൾ പതിയെ ഞാൻ പറഞ്ഞു..

“നമ്മള്.. നമ്മളൊരുപാട് അകലെയാണ്ന്നൊരു തോന്നൽ… “”

ഒന്നും പറയാതെ ചുണ്ടിലൊരു ചിരി വിടർത്തികൊണ്ട് വീണ്ടും പോകാൻ തുനിഞ്ഞതു കണ്ടപ്പോൾ ഉള്ളറിയാതെ വിളിച്ചുപോയി ..

“ദേവേട്ടാ… ”

എന്നിലേക്കായി മറുപടിയെന്നോണം തലചെരിച്ചു കൊണ്ട് പറഞ്ഞു…

“നീയ് തന്നെ പറഞ്ഞലോ.. തോന്നലാണ് ന്ന്… ”

ആ കണ്ണുകൾ പതിയെ എന്റെ മുഖത്താകമാനം തഴുകികടന്നുപോകുന്നത് ഞാനറിഞ്ഞു..
പെട്ടെന്ന് എന്റെ കൈപിടിച്ചു കൊണ്ട് കണ്ണാടിക്ക് മുന്നിലായി കൊണ്ടുനിർത്തിച്ചു താഴെയുള്ള ചെറിയ അറവലിച്ചു തുറന്ന് ഒരു സിന്ദൂരചെപ്പ് പുറത്തെടുത്തു….

ഭംഗിയുള്ള ആ ചെപ്പിലേക്കും ആ മുഖത്തേക്കും ഞാൻ മാറിമാറി നോക്കി…

“ദേവനുള്ളിടത്തോളം കാലം ഇവിടം ഈ ചുവപ്പ് ഇല്ലാതിരിക്കരുത്.. “”

ഒരു നുള്ള് സിന്ദൂരം നെറുകിലായി ചാർത്തിതരുമ്പോൾ ദേവേട്ടൻ എന്നെ ആ ശരീരത്തോട് ചേർത്ത്നിർത്തിയിരുന്നു…

ഒടുവിൽ എന്നെ മറികടന്നു പോകുന്നയാളെ ഒട്ടും മനസ്സിലാകാൻ പറ്റാതെ ഞാനാബെഡിലിരുന്നു വീക്ഷിച്ചുകൊണ്ടിരുന്നു…