❤️ദേവൻ❤️part 23 [Ijasahammed] 166

ഉച്ചയോടടുത്തപ്പോഴേക്കും

മേലാകമാനം പനികുളിരു പടർന്നു പിടിച്ചു കഴിഞ്ഞിരുന്നു…

 

ആ വലിയ ഫ്ലാറ്റിലെ കനം തൂങ്ങിയ നിശബ്ദത ശരീരത്തെ അസ്വസ്ഥമാക്കി കൊണ്ടിരുന്നു..

 

മുറിവിട്ട് പുറത്തിറങ്ങാതെ മൂടി പുതച്ചു കിടന്നു…

 

അധികം വൈകാതെ തന്നെ

കണ്ണുകൾ മയക്കത്തിലേക്ക് ഊളിയിട്ടു…

 

ഫോൺ വീണ്ടും ശബ്ദിച്ചു…

 

“നീ എന്ത് കാണിക്കാണ് അകത്തു…

 

വന്നു വാതിൽ തുറക്ക് എത്ര നേരായി ബെല്ല
ടിക്കുന്നു..”

 

ഫോൺ അറ്റൻഡ് ചെയ്തത് കേട്ട് കാവ്യയാണെന്ന് മനസ്സിലായതും എഴുന്നേറ്റിരുന്നുകൊണ്ട് ഞാൻ ഉറക്കച്ചടവോടെ ചോദിച്ചു..

 

“എന്താടി നീ ഇന്ന് നേരത്തെ..”

 

“അല്ല ഞാൻ രാത്രികൂടെ എന്നാൽ അവിടെ കെടക്കാം

.. വന്നു വാതിൽ തുറക്കെടി ..”

 

അപ്പോഴാണ് സമയം നോക്കിയത്..

ഫോണിൽ കണ്ട സമയം അത്ഭുതപ്പെടുത്തി…

 

നേരം ആറ് മണി കഴിഞ്ഞിരിക്കുന്നു..

വേഗം ചെന്ന് വാതിൽ തുറന്നൊന്നു ഇളിച്ചു കാണിച്ചു…

 

“എന്തായിരുന്നു അകത്തു ഒറ്റക്ക് കലാപരുപാടി..

ഇന്ന് ആരെ സ്വപ്നം കണ്ടാണ് മാഡം എണീറ്റ് വരുന്നേ..