❤️ദേവൻ❤️part 23 [Ijasahammed] 166

 

ഭക്ഷണമെല്ലാം കഴിഞ്ഞപ്പോഴും

ശരീരത്തിൽ നിന്നും ക്ഷീണം വിട്ട് മാറുന്നില്ലായിരുന്നു…

 

മുറിയിൽ പോയൊന്നു കിടന്നു..

കാവ്യ ചാനലിലേക്ക് പോകാൻ

റെഡിയായി കഴിഞ്ഞിരുന്നു…

സൺ‌ഡേ ആയാലും അവൾക്ക് ഡ്യൂട്ടിക്ക് കുറവൊന്നും ഇല്ല..

 

ചാരിവച്ച ഡോറിനെ ചാരി കാവ്യ വന്നു നിന്നു..

 

“ഫ്രിഡ്ജിൽ ഫ്രൂട്ട്സ് ണ്ട്…

 

ഡോക്ടർ തന്ന മെഡിസിൻ ഹാളിൽ ഷെൽഫിൽ ണ്ട്..

ഇന്ന് പുറത്തോട്ടൊന്നും ഇറങ്ങണ്ട..

പിന്നെ…”

 

“നീ ഒന്ന് പൂവ്വാൻ നോക്കിയേ ഞാൻ കൊച്ചു കുട്ടിയൊന്നും അല്ല..”

 

അവളുടെ നീണ്ട ഉപദേശങ്ങൾക്ക് ഞാൻ ഫുൾ സ്റ്റോപ്പ്‌ ഇട്ടുകൊണ്ട് പറഞ്ഞു..

“ഉവ്വാ..എനിക്കറിയാലോ അത്..”

 

എന്തെക്കെയോ പിറുപിറുത്ത് കൊണ്ടവൾ ഡോർ അടച്ചു പോയി..

 

മേലു മൊത്തത്തിൽ ഒരു പനികോൾ കാണുന്നുണ്ട്..

 

മനസ്സിൽ ആഴമില്ലാത്തത്ര ആഴത്തിൽ പടർന്നു കിടക്കുന്ന ഭയവും പേറി ഇനിയും എത്ര ദിവസം ഞാൻ അവന് വേണ്ടി കാത്തിരിക്കണം…

ആലോചിക്കുംതോറും ഒരെത്തും പിടുത്തവും കിട്ടുന്നില്ലാ..

 

ചിന്തകളെ അകത്തികൊണ്ട് ഫോൺ നീട്ടി ശബ്ദിച്ചു
…

 

മൊബൈൽ സ്‌ക്രീനിൽ തെളിഞ്ഞ പേര് വീണ്ടും ഉള്ളിലെ വെറുപ്പിനെയും ഭയത്തെയും ഒരുപോലെ ഉയർത്തി..