❤️ദേവൻ❤️part 23 [Ijasahammed] 166

കാതിൽ ആ ശബ്ദം അന്നത്തെ പോലെ വീണ്ടും മുഴങ്ങികേട്ടു..

 

“ശിവാ…

നെന്നോട് ഒരായിരം വട്ടം ഞാൻ പറഞ്ഞിട്ട് ണ്ട് മുടി ഇവിടെ വന്നു നിന്ന് തോർത്തരുത് ന്ന്..

 

ഒന്നുല്ലേ പനി ഉള്ള ആൾടെ മേത്തേക്കാണോ വെള്ളാക്കാ..

കഴുതേ !!!””

 

 

ഞാൻ വീണ്ടും കിടന്നു..

 

ഓർമകളിലേക്ക്…

വിരഹം നീറുന്ന പ്രണയനേരങ്ങളിലേക്ക്…

ഒരു പനിയോർമയിലേക്ക്..

 

“ചൂട് വിട്ടില്ലേ ദേവേട്ടാ ഇപ്പഴും..?”

 

മിണ്ടാതെ അന്ന് പുതപ്പിനുള്ളിൽ പകുതിയോളം മൂടികിടന്ന ദേവേട്ടന്റെ മുഖം മനസ്സിൽ നിറഞ്ഞു..

 

“ഇപ്പഴും നല്ലണം പൊള്ളണ ണ്ടല്ലോ ഈശ്വരാ…”””

 

അന്ന് ആ നെറ്റിത്തടം തൊട്ടപ്പോൾ ഉള്ളിലുണ്ടായ ആന്തൽ ചെറുതല്ല…

 

“ദെന്താപ്പോ പെട്ടെന്നിങ്ങനെ പനിക്കാൻ…!!”

 

ആരോടെന്നില്ലാതെ പറഞ്ഞു കൊണ്ട് ഞാൻ തെക്കേമുറിയിൽ നിന്നും അടുക്കളയിലേക്ക് നടന്നു..

 

നനച്ച തുണി നെറ്റിത്തടത്തിൽ വെച്ചു കൊടുക്കുമ്പോൾ എന്നെ നോക്കുന്ന ആ കണ്ണുകൾക്ക് അത്രമേൽ വാട്ടമുണ്ടായിരുന്നു…

 

രണ്ട് ദിവസങ്ങൾക്ക് ശേഷം ആ കണ്ണുകളിൽ വീണ്ടും വസന്തം മുട്ടിട്ടത് ഓർക്കുന്നു..