❣️𝕃𝕀𝔽𝔼 ℙ𝔸ℝ𝕋ℕ𝔼ℝ❣️ 8

Author :ᶜ͢ᴿ͢ᴬ͢ᶻ͢ᵞ A J R | Previous Part

𝙷𝚊𝚙𝚙𝚢 𝚘𝚗𝚊𝚖……🥳🥳

മാമന്റെ വീട് പൂട്ടിയിരിക്കുവാ. പോയിട്ട് വന്നില്ലാന്ന് തോന്നുന്നു, അല്ലായിരുന്നേ രാഹുലും മാമനും തമ്മീ ഒരടി തന്നെ നടന്നേനെ, കൂട്ടിരിക്കുന്നതിൽ….! പതിയെ നടന്ന് തന്നാണ് അകത്തേക്ക് കേറിയത്. നന്പൻ പിടിക്കാൻ വന്നുവെങ്കിലും ഞാനോടിച്ചു. വെറുതെ സഹായം ചെയ്ത് രോഗിയാക്കാൻ നോക്കാ….! പക്ഷെ ലക്ഷ്മിയുടെ കൈകൾ വെറുതെ ഇരുന്നില്ല, അവളെന്റെ ഇടത് കൈയിൽ ചേർത്ത് പിടിച്ചിരുന്നു. ഞാനുമൊന്നും പറഞ്ഞില്ല ബെണ്ടിൽ എന്നത്തേക്കാളും രണ്ട് തലയണ കൂടുതലുണ്ട്. ഞാൻ മുറിയിലേക്ക് കടന്നതും രാഹുല് പോയി തലയണ പൊക്കി വച്ചു. ഞാൻ കേറിയങ്ങ് ഇരുന്നു.

“ചേട്ടാ പതിയെ…..”

“എന്റെ ലക്ഷ്മി എനിക്കിപ്പോ ഒരു കൊഴപ്പോം ഇല്ലാന്നേ…..!”

“അത് നീയാണോ തീരുമാനിക്കണേ…?? മര്യാദക്ക് അടങ്ങിയൊതുങ്ങി ഇരുന്നോ. ഹോസ്പിറ്റലിൽ എങ്ങനെയായിന്നോ അത് പോലായിരിക്കണം ഇവിടേം….!”

അമ്മയുടെ ഉറച്ച ശബ്‌ദം. പിന്നെ മിണ്ടാൻ പോയില്ല. എന്തേലും അറിയാണ്ട് പറഞ്ഞ് പോയതാ മോനാണ്…, കൈയില് പ്ലാസ്റ്റർ ആണ്…, തലയിൽ കെട്ടാണ് എന്നൊന്നും അമ്മ നോക്കില്ല ചപ്പാത്തി പലക കൊണ്ടായിരിക്കും താങ്ങ്….

“അളിയാ ഞാനൊന്നൂടെ പറയുന്നു…, നന്നായിട്ട് റെസ്റ്റ് എടുക്ക്, എന്ത് ആവശ്യം ഉണ്ടേലും എന്നെ വിളിക്ക്…
ഞാനിറങ്ങുവാ….”