❣️LIFE PARTNER❣️ 9 [ᶜ͢ᴿ͢ᴬ͢ᶻ͢ᵞ A J R] 453

»»»»»»«««««

1 ???? ?????……❣️

കഴിഞ്ഞ ഒരാഴ്ച പോയത് കണ്ണടച്ച് തുറക്കുന്ന പോലാ…. ഈ ഒരാഴ്ച കൊണ്ട് പരസ്പരം ഞങ്ങൾ ഒരുപാട് അടുത്തു, സ്നേഹിച്ചു. രാത്രി കിടക്കാൻ നേരമൊഴികെ ഫുൾ ടൈം അവളെന്നോടൊപ്പം തന്നിരുന്നു. എന്നാ കിടക്കാൻ പോകുന്ന ആ ഒരു നേരം രണ്ടുപേർക്കും എന്തോ വല്യ സങ്കടമാണ്. എന്റെ കൂടെ കിടക്ക് എന്ന് പറയാൻ പറ്റോ….?? അവരൊക്കെ എന്ത് വിചാരിക്കും….?? ഒരേപോലെ വാതോരാതെ സംസാരിക്കുന്നതിൽ എനിക്കോ അവൾക്കോ ഇതേവരെ ഒരു മടുപ്പും തോന്നിട്ടില്ല. രാഹുലും അവന്റമ്മയും എപ്പോഴും വിളിച്ച് അന്വേഷിക്കും. മാമിക്ക് വാദത്തിന്റെ അസുഖമുണ്ട്, അത് കൊണ്ട് തന്നെ വരാൻ ഒരുങ്ങിയെങ്കിലും എന്റെ അമ്മ അതിനെ തടഞ്ഞു. എന്നാ ഒരു കുരുവും ഇല്ലാത്ത രാഹുല് എല്ലാ ദിവസവും വന്നിരുന്നു. അവൻ വരുമ്പോ ഭയങ്കര സന്തോഷമൊക്കെ ആണേലും തെണ്ടി ചെലവ് ചെയ്യാൻ ഓർമ്മിപ്പിക്കും….!! അത് പോലെ തന്നെ ഗോവിന്ദൻ മാമൻ. ഞാൻ വീട്ടിൽ വന്ന് രണ്ട് ദിവസം ആയപ്പഴേക്കും മാമൻ എത്തിയിരുന്നു. പുള്ളി വന്നിരുന്ന് പരാതിയുടെ കെട്ടഴിക്കാൻ തുടങ്ങി. ആ പരാതി പറച്ചിൽ നിന്നത് ഞങ്ങടെ കാര്യം അറിയിക്കുമ്പോഴാണ്…..!! മാമനും വല്യ ഹാപ്പി. അന്ന് മാമൻ അനുരാധയോടും സൗഭാഗ്യയോടും പറഞ്ഞത് പോലെ തന്നെ നടന്നു. ഞാൻ കെട്ടാൻ പോണ പെണ്ണ് തന്നെയാ. മാമൻ മാത്രേ വന്നുള്ളൂ. മാമിയും മക്കളും ഇപ്പഴും അങ്ങ് തന്നെയാ.

രാവിലെ തന്നെ ചേച്ചി duty ക്ക് പോയി. ഇനി വന്നിട്ട് വേണം ഈ തലയിലെ കേട്ട് മാറ്റാൻ.

“എവിടാർന്നു….??”

“ഞാൻ അമ്മയെ സഹായിക്കുവായിരുന്നു. പക്ഷെ അമ്മയോടിച്ചു….!”

അവളെന്റെ അടുത്തായി ഇരുന്നു.

“ചേട്ടാ…..ഞാനൊരു കാര്യം ചോദിക്കട്ടെ??”

“അനുവാദം ചോദിക്കുന്നത് എന്തിനാ.. എന്താണേലും ചോദിക്ക്….!!”

“അന്ന് അമ്പലത്തിൽ പോവുന്നെന് മുൻപ് നമ്മളൊരു കളി കളിച്ചില്ലേ….??”

“mm…”

“ചേച്ചി അത് എടുത്തപ്പോ, ചേട്ടൻ എന്തിനാ വേണ്ടാന്നോക്കെ പറഞ്ഞേ…..??”

“അതോ, ഞങ്ങടെ അമ്പലത്തിൽ ഉത്സവം വന്ന സമയത്ത് ഇപ്പഴൊന്നും അല്ല കൊറേ കൊല്ലം മുന്പാ. അന്നിതുപോലെ ഞാനും ചേച്ചിയും പറമ്പ് കാണാൻ ഇറങ്ങി. ചേച്ചി വളയും പൊട്ടും സ്ലൈഡും ഒക്കെ വാങ്ങി. പിന്നെനിക്ക് ചേച്ചി മാല വാങ്ങി തന്നു, അതുപോലെ മോതിരം വാങ്ങി തന്നു. ഞങ്ങൾ ഐസ്ക്രീം കുടിച്ചു. പൈസ മൊത്തം തീർത്തു. ഒടുക്കം നോക്കുമ്പോ ഒരു കടയില് പാമ്പും കട്ടയും ഇരിക്കുന്ന കണ്ടു. കണ്ടപ്പോ വാങ്ങാനൊരു കൊതി, എനിക്ക് മാത്രോല്ലാ ചേച്ചിക്കും….!! പക്ഷെ പൈസ ഇല്ലല്ലോ…. അച്ഛനേം അമ്മയേം അവിടൊക്കെ തിരഞ്ഞു, എവിടേം കണ്ടില്ല. അന്നാണേ അവസാന ദിവസവും ആണ്. അങ്ങനെ നേരത്തെ ഞങ്ങള് വീട്ടിൽ പോയി. അമ്മയും അച്ഛനുമൊക്കെ നാടകവും കഥകളിയും ഒക്കെ കണ്ട് പാതിരാത്രീയെ കേറി വരൂ. അന്ന് രാത്രി അവര് വരുമ്പോ അച്ഛന്റെ കൈയില് പാമ്പും കട്ടയും ഉണ്ടായിരുന്നു. ആ രാത്രി എപ്പഴ ഉറങ്ങിയെന്ന് അറിയില്ല. അന്ന് തൊട്ട് എല്ലാരും വീട്ടിലുള്ള സമയത്ത്‌ ഞങ്ങള് കളിക്കുമായിരുന്നു. അന്നൊക്കെ ഭയങ്കര സന്തോഷം ആയിരുന്നു., അച്ഛൻ മരിച്ച ശേഷം പിന്നത് എടുക്കാറേയില്ലായിരുന്നു. എന്നാ അന്നത് എടുത്തു. അതാ ഞാൻ കളിക്കണ്ടാന്നോക്കെ പറഞ്ഞേ….!!”

“ഞാൻ പഴയതൊക്കെ പറയിപ്പിച്ച് ചേട്ടനെ വിഷമപ്പെടുത്തിയോ…..??”

“ഏയ്…..ഞാനൊരു കാര്യം പറയട്ടെ ലക്ഷ്മി, നിയൊരുപാട് ഭാഗ്യം ചെയ്തവളാ….!!”

“എനിക്ക് അറിയാം ചേട്ടാ., അത് കൊണ്ടല്ലേ നിങ്ങളെ എല്ലാരേം എനിക്ക് കിട്ടിയേ….!!”