✮കൽക്കി࿐ (ഭാഗം – 10){ അധ്യായം 1 – അവസാന ഭാഗം }വിച്ചു [ ചെകുത്താനെ സ്നേഹിച്ച മാലാഖ ] 936

പലതവണ കേട്ടിട്ടുള്ളതും അന്ന് സി സി റ്റി വി വിഷ്വൽസിൽ കണ്ടതുമായ അതേ വസ്ത്രം ധരിച്ചയാൾ , തന്റെ കഴുത്തിൽ അയാൾ ചേർത്ത് വച്ച് നിൽക്കുന്നത് അതേ വാൾ ……

പെട്ടെന്ന് ,

” ഹ ….. ഹ ……. വേണ്ട …. വേണ്ട . അത് ശത്രുവല്ല , വിട്ടേക്ക് …… ”

ആ ബംഗ്ലാവിന്റെ മുകളിലത്തെ നിലയിൽ നിന്ന് താഴേക്ക് നോക്കി നിന്നുകൊണ്ട് ഷെട്ടി ഒരു അട്ടഹാസത്തോടെ വിളിച്ച് പറഞ്ഞു , അത് കേട്ടതും താഴെ നിന്നയാളിന്റെയും ജെറിയുടെയും നോട്ടം മുകളിലേക്കായി …. വാൾ മാറ്റാൻ അയാൾ കൈ കൊണ്ട് നിർദ്ദേശം നൽകിയതും ആ കറുത്ത വസ്ത്രം ധരിച്ചയാൾ അവന്റെ കഴുത്തിൽ ചേർത്ത് വച്ചിരുന്ന ആ വാൾ മാറ്റി …..

ഭയം വിട്ട് മാറിയ ആശ്വാസത്തോടെ ജെറി ഒന്ന് ശ്വാസം വലിച്ച് വിട്ടു ….

” ജെറി …… മ് ….”

ഷെട്ടി ജെറിയെ നോക്കി വിളിച്ച ശേഷം മുകളിലേക്ക് വരാൻ ആംഗ്യം കാണിച്ചതും അവൻ വേഗം മുകളിലേക്കുള്ള പടികൾ കയറി …..

” ഷെട്ടി ഭായ് …. ”

മുകളിലുള്ള ഹാളിലെത്തിയതും അവൻ ഷെട്ടിയെ സന്തോഷത്തോടെ കെട്ടിപ്പിടിച്ചു …..

” ഞാനങ്ങ് പേടിച്ച് പോയി ….. ഹോ ….. ”

ജെറി ഷെട്ടിയുടെ മുഖത്തേക്ക് നോക്കി ഒരു പുഞ്ചിരിയോടെ പറഞ്ഞു ….

” ഹ ….. ഹ …… ഹ ….. ഞാൻ പറഞ്ഞതല്ലേ , അവനെ തീർക്കാനുള്ള ആയുധവുമായി മാത്രമേ ഞാനിവിടെ വരികയുള്ളൂ എന്ന് ….. അവനെ കാണാൻ നിൻജയെപ്പോലെ എന്നല്ലേ എല്ലാവരും പറയുന്നേ , പക്ഷെ ഞാനിവിടെ കൊണ്ട് വന്നത് ഒർജിനൽ നിൻജകളെയാ …. കാശ് കൊടുത്താൽ ആരെയും കൊല്ലുന്ന , ഏത് അഭ്യാസമുറയും സ്വായത്തമാക്കിയ യഥാർത്ഥ നിൻജകൾ …. നീ വാ ഇരിക്ക് …. ”